အပတ်စဉ် ဂန္ထဝင်ဗေဒင် ( မတ်လ ၄ ရက်မှ ၁ဝ ရက်နေ့အထိ )

blank
တနင်္လာသားသမီး

ဒီအပတ်အတွင်းမှာ အရာရာကိုထွန်းထွန်းပေါက်ပေါက်နဲ့ ဆောင်ရွက်နိုင်မယ်။ သင်ကျွမ်းကျင်တဲ့အရာတွေ၊ ဝါသနာတွေကို အသုံးချရမယ့်ကာလဖြစ်တယ်။  ငွေရဖို့ထက် သင်ဝါသနာပါတဲ့အလုပ်ကို လုပ်ဆောင်ရပါလိမ့်မယ်။ ချစ်သူကို ချစ်ကြောင်းဖွင့်ဟပြောဖို့ အသင့်တော်ဆုံးအချိန်ပါ။

ယတြာ-  ဘုရားမှာ ဆီမီးပူဇော်ပါ။

အင်္ဂါသားသမီး

ဒီအပတ်မှာ ကိစ္စတော်တော်များများကို အရှိန်ယူပြီးမှ ကျော်လွှားနိုင်ပါလိမ့်မယ်။ ပြဿနာတွေကို ဖြေရှင်းဖို့ စိတ်အားထက်သန်နေတာကြောင့် အနားယူချိန်မရှိ ဖြစ်နေတတ်ပါတယ်။ အချစ်ရေးမှာ ထင်မှတ်မထားတဲ့ အံ့သြစရာအခြေအနေတွေကို သာသာယာယာခံစားရပါလိမ့်မယ်။

ယတြာ- မိသားစုထဲမှ အသက်အကြီးဆုံးသူအတွက် အဝတ်အစားဝယ်ပေးပါ။

ဗုဒ္ဓဟူးသားသမီး

ဒီအပတ်မှာ ငွေကြေးကံကောင်းနေပေမယ့် အိမ်တွင်းရေးကြောင့် စိတ်ထိခိုက်ရတတ်ပါတယ်။ သင်လုပ်ခဲ့မိတဲ့ အမှားတွေကို ရိုးသားစွာဝန်ခံရင်း အမှန်ပြင်နိုင်ပါလိမ့်မယ်။ အချစ်ရေးမှာ ကြာသပတေးသားသမီး၊ သောကြာသားသမီးတို့နဲ့ ဖူးစာဆုံကိန်းရှိပါတယ်။

ယတြာ- စာကြည့်တိုက်မှာ စာအုပ်လှူဒါန်းပါ။

ဤဆောင်းပါးကို ဂန္ထဝင်မဂ္ဂဇင်းမှ ရေးသားတင်ဆက်သည်။

ကြာသပတေးသားသမီး

ဒီအပတ်အတွင်း စာချုပ်စာတမ်းကိစ္စတွေမှာ လွဲချော်မှုလေးတွေ အနည်းငယ်ကြုံရတတ်ပါတယ်။ အလုပ်မှာ သင့်ရဲ့ဆန်းသစ်တဲ့အမြင်နဲ့ လုပ်ဆောင်လိုက်တာတွေက ထွန်းပေါက်နေပါလိမ့်မယ်။ အချစ်ရေးခိုင်မြဲဖို့ အနာဂတ်အတွက် အစီအစဉ်သစ်တွေ ချထားနိုင်ပါလိမ့်မယ်။

ယတြာ- အိမ်ဘုရားမှာ သပြေပန်းကပ်လှူပါ။

သောကြာသားသမီး

ဒီအပတ်မှာ ဘယ်ကိစ္စကိုမဆို အတွေးလွန်နေတတ်ပါတယ်။ သင်မလုပ်ထားတဲ့ကိစ္စတွေကြောင့်လည်း အစွပ်စွဲခံရတတ်ပါတယ်။ အချစ်ရေးသာယာနေပါလိမ့်မယ်။

ယတြာ- ဂုဏ်တော်ပုတီးစိပ်ပါ။

စနေသားသမီး

ဒီအပတ်မှာ မိတ်ဆွေသစ်တွေအပေါ် အယုံလွယ်တဲ့စိတ်ကို ဖျောက်နိုင်မှ အဆင်ပြေပါလိမ့်မယ်။ ကျေးဇူးတရားကို နားမလည်သူတွေနဲ့ ဆုံရကိန်းရှိပါတယ်။ အလုပ်ဖိအားတွေကြောင့် ခရီးထွက်ရပါလိမ့်မယ်။ အေးအေးချမ်းချမ်းနေတတ်တဲ့ ချစ်သူကြောင့် စိတ်ချမ်းသာနေပါလိမ့်မယ်။

ယတြာ- ကျောင်းဆောက်ဖို့ အလှူငွေထည့်ဝင်ပါ။

တနင်္ဂနွေသားသမီး

ဒီအပတ်အတွင်းမှာ လတ်တလောဖြစ်ထားတဲ့ကိစ္စတွေကိုပဲ ခဏခဏပြန်တွေးနေတတ်ပါတယ်။ အနီးကပ်လူတွေရဲ့ အကောင်းအဆိုးတွေကို သဘောထားကြီးကြီးထားပြီး နားလည်ပေးမှ အဆင်ပြေရပါလိမ့်မယ်။ အချစ်ရေးမှာ အတိတ်ကပြဿနာတွေ ပြန်ပေါ်လာတာကြောင့် ချစ်သူနဲ့ ကတောက်ကဆလေးတွေ ဖြစ်တတ်ပါတယ်။

ယတြာ- လမ်းဘေးခွေးလေးတွေကို အစာကျွေးပါ။