တစ်ခါတလေမှာ အကြောက်တရားဆိုတာ ကိုယ်တိုင်ဖန်တီးယူထားတဲ့အရာပါ။

လူအတော်များများရဲ့ဘဝမှာ အကြောက်တရားတွေရှိကြပါတယ်။ တချို့ဆိုရင် တစ်ယောက်တည်း ခရီးထွက်ရမှာကြောက်တယ်။ တချို့က လက်ရှိအလုပ်မှာအဆင်မပြေနေပေမဲ့ နောက်ထပ် အလုပ်ရှာဖို့ရာလည်း ကြောက်နေတယ်။ တချို့ကျတော့ အချစ်ရေးမှာအဆင်မပြေနေပေမဲ့ နောက်ထပ်အချစ်ရေးလည်း ဒီထက်ပိုဆိုး မှာပဲလို့ ကိုယ့်ဘာသာအဖြေထုတ်ပြီ မပျော်တော့တဲ့အချစ်ရေးမှာပဲ စိတ်ဆင်းရဲခံပြီး ဆက်နေနေကြပါတယ်။

သူတို့ဆက်မတွေးကြတာတစ်ခုက သူတို့ကြောက်တဲ့အရာတွေဆိုတာ သူတို့တွေးသလို တကယ်ဖြစ် လာမှာသေချာရဲ့လားဆိုတာပါ။

လူအများစုဟာ ဒီလိုပါပဲ။ တစ်ခုခုလုပ်တော့မယ်ဆိုရင် ဖြစ်မလာသေးတဲ့အရာတွေကို စိတ်ကူးနဲ့ ကိုယ့် ဘာသာအရင်တွေးပြီး ကြောက်ကြပါတယ်။ တစ်နည်းအားဖြင့် ကိုယ်ကြောက်ဖို့အရာတွေကို ကိုယ့်ဘာသာဖန် တီးယူလိုက်ကြတာပါ။ ဒါနဲ့ပဲ ဘာမှလည်း မလုပ်ဖြစ်တော့ပါဘူး။ စိတ်ကူးတွေကောင်းပေမဲ့ ကိုယ့်အတွေးနဲ့ကိုယ် ပြန်ဖျက်ပစ်လိုက်တာကြောင့် ဘဝမှာလည်း ဘာမှဖြစ်မလာကြတော့ပါဘူး။

ဤဆောင်းပါးကို ဂန္ထဝင်မဂ္ဂဇင်းမှ ရေးသားတင်ဆက်ခြင်းဖြစ်သည်။

သေချာစဉ်းစားကြည့်ရင် ကျွန်မတို့တွေးလိုက်တဲ့အရာတွေက တကယ်ဖြစ်လာမယ်၊ တကယ်ရှိနေ တယ်လို့ ဘယ်သူမှမသိနိုင်ပါဘူး။ ကျွန်မအတွေ့အကြုံကိုမျှဝေရမယ်ဆိုရင် ကျွန်မက ရေကြောက်တဲ့သူပါ။ ဒါကြောင့် ရေလမ်းခရီးတွေကို အမြဲရှောင်ခဲ့ပါတယ်။ ဒါပေမဲ့ နောက်တော့ကျွန်မစိတ်ကူးပြောင်းသွားတယ်။ ကျွန်မအကြောက်ဆုံးဖြစ်နေတဲ့ ရေကို မကြောက်တော့အောင် ဘယ်လိုလုပ်မလဲ။ ဒါနဲ့ ကျွန်မရေကူးသင်ပါ တယ်။ ရေကို ကျွမ်းကျွမ်းကျင်ကျင်ကူးတတ်တဲ့အထိလေ့ကျင့်တယ်။ တကယ်ကျွမ်းကျင်လာတော့လည်း ဘာမှ မဟုတ်တော့ပါဘူး။ ရေကူးကန်ထဲတင်မဟုတ်ဘဲ ပင်လယ်ထဲအထိပါ ကျွန်မကူးကြည့်ပါတယ်။ ရေအောက် ထဲမှာ ကျွန်မရေမကူးတတ်ခင်ကတွေးပြီးကြောက်နေသလို အန္တရာယ်တွေချည်းပြည့်နေတာမဟုတ်ပါဘူး။ လှပတဲ့သန္တာကျောက်တန်းတွေ၊ ရေမှော်တွေ၊ ရွှေငါးလေးတွေနဲ့ ပြည့်နေတဲ့ ရှုမဆုံးဖွယ်အလှတရားတွေကို ကျွန်မခံစားရပါတယ်။ ကျွန်မသာရေမကူးတတ်ခဲ့ဘူးဆိုရင် ကမ္ဘာကြီးရဲ့ဒီလိုအံ့ဖွယ်အလှတရားတွေကို ကျွန်မ ဘယ်တော့မှ မြင်တွေ့ခွင့်ရတော့မှာမဟုတ်ပါဘူး။ အရင်က ကျွန်မတွေးကြောက်ပြီး အချိန်တွေကုန်ခဲ့မိတာ တောင် နှမြောမိပါတယ်။

ဒါကြောင့် သင့်မှာလည်း လက်ရှိဆောင်ရွက်ဖို့ကြောက်နေတဲ့အရာရှိတယ်ဆိုရင် ပြန်စဉ်းစားကြည့်ပါ။ သင်ကြောက်နေတဲ့အရာက ဘာတွေလဲ။ အဲ့ဒီအရာတွေက တကယ်ဖြစ်လာမယ်လို့ သင့်ကို တစ်ယောက် ယောက်က သေချာပေါက်အာမခံနိုင်လား။ ကြောက်နေလို့ ဘဝက ရှေ့မတိုးတော့ဘဲ လက်ရှိအနေအထား ကနေ ဘယ်တော့မှ ပြောင်းလဲခွင့်မရတော့မှာကိုကော ကြောက်စရာမလိုဘူးလား။

အဲ့ဒီမေးခွန်းလေးတွေ သင့်ကိုယ်သင်ပြန်မေးကြည့်ပါ။ ပြီးတော့ အကြောက်တရားကို ဖယ်ရှားဖို့ဆိုရင် အကြောက်တရားကိုရင်ဆိုင်လိုက်ဖို့နည်းလမ်းကလွဲပြီး တခြားမရှိတာကိုလည်း ပြန်သုံးသပ်ကြည့်ပါ။

ဒါဆိုရင်တော့ ဘဝမှာ မလိုအပ်ဘဲထားရှိနေမိတဲ့အကြောက်တရားတွေအများကြီးလျော့ကျသွားတာကို သင်တွေ့ရမှာပါ။

သင်ကော အကြောက်တရားတွေနဲ့ကြုံလာရင် ဘယ်လိုရင်ဆိုင်ဖြေရှင်းလေ့ရှိလဲ။