နေ့စဉ်ဘဝမှာ လူအများနဲ့ လိုက်လျောညီထွေစွာဆက်ဆံနိုင်ဖို့ဆိုရင် ကျင့်ဝတ်လေးတွေ သိရှိထားဖို့လိုအပ်ပါတယ်။ ထမင်းစားရင် လိုက်နာကျင့်သုံးရမယ့် ကျင့်ဝတ်၊ လူအများနဲ့ဆက်ဆံရာမှာ လိုက်နာကျင့်သုံးရမယ့် ကျင့်ဝတ် စတဲ့ကျင့်ဝတ်တွေလိုပဲ ဆေးရုံကို လူနာသတင်းသွားမေးမယ်ဆိုရင်လည်း လိုက်နာကျင့်သုံးရမယ့် ကျင့်ဝတ်တွေရှိပါတယ်။ ဒီလိုကျင့်ဝတ်လေးတွေကို သိရှိလိုက်နာနိုင်မှသာ ဆေးရုံမှ လူနာတွေကို စိတ်အနှောင့်အယှက်မဖြစ်စေဘဲ သက်တောင့်သက်သာရှိစေမှာပါ။ ဒါကြောင့် လူနာသတင်းသွားမေးရင် သိရှိလိုက်နာရမယ့် ကျင့်ဝတ်လေးတွေကို ဖော်ပြပေးလိုက်ပါတယ်နော်။
လိုက်နာရမှာတွေကတော့ …
၁။ လူနာကို သတင်းသွားမမေးခင် လာရောက်ဖို့အဆင်ပြေ၊ မပြေ အရင်မေးမြန်းပါ။
၂။ လူနာကို တစ်ခုခုမပေးခင်၊ လက်ဆွဲမနှုတ်ဆက်ခင်မှာ လက်ကို စင်ကြယ်အောင် သေချာဆေးကြောပါ။
၃။ ဖုန်းသံဟာ လူနာတွေကို အနှောင့်အယှက်ဖြစ်စေနိုင်တဲ့အတွက် ဖုန်းကို silent လုပ်ထားပါ။
၎။ လူနာကို သတင်းသွားမေးတဲ့အခါမှာ အချိန်ကြာကြာနေခြင်းက လူနာကို ပင်ပန်းစေတဲ့အတွက် နာရီဝက်ထက် ပိုနေခြင်းကိုရှောင်ပါ။
၅။ လူနာရဲ့အခန်းထဲ မဝင်ခင်မှာ တံခါးခေါက်ပါ။
၆။ လူနာကို စစ်ဆေးဖို့ ဆရာဝန်တွေ၊ သူနာပြုတွေ ဝင်လာတဲ့အခါ အပြင်ထွက်သွားပါ။ သင့်ကို နေပေးဖို့ တောင်းဆိုမှသာ နေပါ။
၇။ လူနာရဲ့ အခြေအနေကို အတိအကျသိချင်တယ်ဆိုရင် ဆေးရုံဝန်ထမ်း ဒါမှမဟုတ် လူနာရဲ့ မိသားစုဝင်ကိုသာ မေးမြန်းပါ။
၈။ လူနာသတင်းသွားမေးတဲ့အချိန်မှာ ရိုးရှင်းပြီး သပ်ရပ်တဲ့ အဝတ်အစားဝတ်သွားပါ။
၉။ ပန်းတွေဝယ်သွားမယ်ဆိုရင် လူနာနဲ့ ဓာတ်တည့်မတည့် အရင်စုံစမ်းပါ။
ရှောင်ကြဉ်ရမယ့် အရာတွေကတော့…
၁။ ဖျားနာနေရင် လူနာကို သတင်းသွားမမေးပါနဲ့။
၂။ အရေးမကြီးဘူးဆိုရင် ကလေးငယ်တွေကို ဆေးရုံခေါ်မသွားပါနဲ့။
၃။ လူနာရဲ့မိသားစုဝင်တွေ ဒါမှမဟုတ် ဆေးရုံဝန်ထမ်းကို မမေးမြန်းဘဲ စားစရာတွေယူမသွားပါနဲ့။
ဤဆောင်းပါးကို ဂန္ထဝင်မဂ္ဂဇင်းမှ ရေးသားတင်ဆက်သည်။
၎။ သင်နဲ့ လူနာကြားမှာ ကတောက်ကဆလေးဖြစ်ထားတာရှိရင် သတင်းသွားမမေးပါနဲ့။
၅။ စကားကို ကျယ်လောင်စွာမပြောပါနဲ့။ မရယ်ပါနဲ့။
၆။ လူနာကို သတင်းသွားမေးတဲ့အခါ၊ အရက်သေစာမသောက်စားသွားပါနဲ့။
၇။ လူနာရဲ့ အိပ်ရာပေါ်မှာ မထိုင်ပါနဲ့။ ပြီးတော့ အခန်းထဲမှာရှိတဲ့ အရာတွေကိုလည်း မကိုင်တွယ်ပါနဲ့။
၈။ ဝမ်းနည်းစရာ၊ စိတ်မသက်သာစရာသတင်းတွေကို လူနာရှေ့မှာ မပြောပါနဲ့။
၉။ ရေမွှေး၊ ချွေးနံ့ပျောက်ဆေးစတာတွေကို အသုံးမပြုသွားပါနဲ့။
၁ဝ။ သင် သတင်းမေးနေစဉ်မှာ လူနာက အိပ်ချင်နေတဲ့ အရိပ်အယောင်တွေ ပြနေတယ်ဆိုရင် ဆက်ပြီးစကားပြောမနေပါနဲ့။
၁၁။ လူနာရဲ့ ရောဂါနဲ့ ပတ်သက်ပြီး မေးခွန်းတွေအများကြီး မမေးပါနဲ့။
၁၂။ လူနာကအိပ်နေတယ်ဆိုရင် မနှိုးပါနဲ့။
စာချစ်သူတို့သိတဲ့ လူနာသတင်းမေးသွားရာမှာ လိုက်နာသင့်တဲ့ အခြားသောကျင့်ဝတ်လေးတွေ ရှိတယ်ဆိုရင်လည်း comment box မှာမျှဝေပေးသွားပါဦးနော်။
