အိမ်ရှင်မဖြစ်သွားရင် မိသားစုအတွက်ပဲ ဘဝကို မြှုပ်နှံထားလိုက်ရတော့မှာလား။

blank

ကျွန်မက အိမ်ထောင်သည်အမျိုးသမီးတစ်ယောက်ပါ။ ကျွန်မမှာ ဦးဆောင်ဦးရွက်ပြုရှာကျွေး နေတဲ့ ခင်ပွန်းသည်နဲ့ သားလေးနှစ်ယောက်ရှိတယ်။ ကျွန်မခင်ပွန်းတာဝန်ကျေသလို ကျွန်မကလည်း သိပ်ကိုတာဝန်ကျေတဲ့ အိမ်သူဇနီးမယားတစ်ယောက်ပါ။

ဘယ်လောက်တောင် တာဝန်ကျေသလဲဆို ရင် မနက်မိုးမလင်းခင် မိသားစုအားလုံး မနိုးခင်ကတည်းကထပြီး မိသားစုရဲ့ တစ်နေ့တာဝေယျာဝစ္စ တွေကို သိမ်းကျုံးလုပ်လိုက်တာ ကျွန်မအိပ်ရာဝင်ရင် တစ်အိမ်လုံးတောင် အိပ်ပျော်နေကြပါပြီ။
ဘာတွေလုပ်နေလဲလို့မေးရင် တစ်ခုချင်းစီဖြေဖို့ခက်ပါတယ်။

ဈေးသွား၊ ချက်ပြုတ်၊ လျှော်ဖွပ်၊ မီးပူတိုက်၊ အိမ်ရှင်း၊ ကလေးတွေနဲ့ခင်ပွန်းအတွက် ကျောင်း သွား၊ ရုံးသွားဖုိ့ ထမင်းဘူးပြင်၊ ကလေးတွေကို စာကျက်ကူ၊ အိပ်ရာထိုင်ခင်းပြင်နဲ့ တစ်နေ့တစ်နေ့ အ ချိန်တွေ ဘယ်လိုကုန်သွားမှန်းတောင်မသိဘူး။

အိမ်ထောင်ကျပြီးကတည်းက ကလေးတွေရတဲ့အထိ တစ်စတစ်စနဲ့ အပြင်လောကဆိုတာလည်း ဘာမှန်းမသိ၊ သူငယ်ချင်းတွေနဲ့လည်း အဆက်ပြတ်သွား လိုက်တာ အခုထိပါပဲ။ ဟိုတစ်လောကတော့ ဆရာကန်တော့ပွဲကို အကြောင်းပြုပြီး ကျောင်းနေဖက် သူငယ်ချင်းတွေ ဖေ့ဘွတ်ခ်မှာ ပြန်ဆက်သွယ်မိကြတယ်။ အလှူငွေထည့်ဖို့ကိစ္စတွေပြောရင်း အပြင်မှာ ချိန်းပြီး ဆုံကြတယ်။ အပြင်လောကနဲ့ကင်းကွာနေတာကြာတော့ ကျွန်မလည်း သူငယ်ချင်းတွေနဲ့ စ ကားကောင်းရင်း နေ့တစ်ဝက်လောက်ကြာသွားတယ်။ ပြန်လာတော့ ကျွန်မခင်ပွန်းက ပြဿနာရှာပါ တော့တယ်။ အလှူငွေထည့်ပြီးပြီးချင်းပြန်မလာဘဲ စကားပြောနေရပါ့မလားဆိုပြီး သူက ကျွန်မကို အ ပြစ်တင်တယ်။

ဤဆောင်းပါးကို ဂန္ထဝင် မဂ္ဂဇင်းမှ ရေးသားတင်ဆက်ခြင်း ဖြစ်သည်။

“ အပြင်မှာ အဲ့ဒီလောက်အကြာကြီး နေနေရအောင် မင်းက အပျိုလား။ မင်းမှာ အိမ်ထောင်ရှိ တယ်။ ကလေးတွေရှိတယ်။ အပျိုလို အပြင်မှာ သူငယ်ချင်းတွေနဲ့ လွတ်လွတ်လပ်လပ်လျှောက်သွား နေလို့မရဘူး။ နားလည်လား” တဲ့။

သူ့ကြောင့် ကျွန်မ မျက်ရည်ကျရတယ်။

ကျွန်မလေ ကျွန်မတည်ထောင်ထားတဲ့ အိမ်ထောင်ရေးကို သိပ်မြတ်နိုးပါတယ်။ ယောကျာ်းကို လည်း ချစ်တယ်။ ကလေးတွေဆိုတာလည်း ကျွန်မရဲ့အဖိုးမဖြတ်နိုင်တဲ့ ရတနာတွေပါပဲ။ ဒါကြောင့် ကျွန်မဘဝတစ်ခုလုံးကို ပေးထားခဲ့တာပါ။ ဒါပေမဲ့ ဒီနေ့မှာတော့ ကျွန်မ စိတ်ဆိုးမိတယ်။ လိုအပ်လို့ အပြင်ထွက်တာတောင် ထွက်ခွင့်မရှိတော့ဘူးလား။ လွတ်လပ်ခွင့်ဆိုတာ လူတိုင်းမှာမရှိရဘူးလား။ အထူးသဖြင့် အိမ်ရှင်မတွေမှာကော ကိုယ်ပိုင်လွတ်လပ်ခွင့်မရှိရဘူးလား။

အိမ်ထောင်ပြုတယ်ဆိုတဲ့အဓိပ္ပာယ်ဟာ ကိုယ်ပိုင်ဘဝကို မြေမြှုပ်သဂြိုံလ်လိုက်ရတာမျိုးလား။ မိသား စုအတွက်လုပ်ပေးရင်း ကိုယ့်အတွက်ကိုယ်လည်း ဘာမှမလုပ်ရတော့ဘူးလား။ မိသားစုကိုပဲ ချစ်ရင်း ကိုယ့်ကိုယ်ကိုယ်ကော မချစ်ရတော့ဘူးလား။ ကိုယ်လည်းပျော်အောင်နေမှ မိသားစုကို ပျော်အောင် ပိုလုပ်ပေးနိုင်မှာမဟုတ်ဘူးလား။
သင်ကော ဘယ်လိုမြင်လဲဟင်။