မေ့မရတဲ့ ဒိုင်ယာရီအပိုင်းအစများ

blank

ကျွန်မမှတ်မိနေသေးတယ်။ ကျွန်မတို့ စတွေ့တဲ့နေ့လေးကိုပေါ့။ သူငယ်ချင်းတစ်ယောက်ရဲ့မိတ်ဆက်ပေးမှုကစပြီး ကျွန်မတို့ခင်မင်သွားခဲ့ကြတယ်။ တစ်ယောက်အကြောင်းတစ်ယောက် မပျင်းမရိနားထောင်ပေးခဲ့ကြတယ်။ အတွေးအမြင်တွေ ဖလှယ်ခဲ့ကြတယ်လေ။

ကျွန်မမှတ်မိနေသေးတယ်။ ရှင်ကျွန်မကို ပထဆုံးအပြင်မှာတွေ့ဖို့ ချိန်းတဲ့နေ့လေးကိုပေါ့။ လှပတဲ့ ညနေခင်းလေးမှာ ချစ်ခြင်းရဲ့အဓိပ္ပာယ်ကိုအတူတူဖွင့်ဆိုခဲ့ကြတယ်။ ရှင့်ရဲ့ ချစ်ခွင့်ပန်တဲ့စကားကို ခေါင်းညိတ်ပြီးတုန့်ပြန်လိုက်ကတည်းက ရှင်ဟာ ကျွန်မရဲ့ ပထမဆုံးနဲ့နောက်ဆုံးချစ်သူလို့ ကျွန်မသတ်မှတ်ထားခဲ့တယ်လေ။

ကျွန်မမှတ်မိနေသေးတယ်။ ချစ်သူသက်တမ်းနုတဲ့ ကာလလေးကိုပေါ့။ ချစ်သူဖြစ်ကာစ ကာလလေးက ကျွန်မအတွက် အရာရာထက်ပိုခမ်းနားပြီး ပျားရည်ထက်ပိုပြီး ချိုမြိန်နေခဲ့တယ်။ ရှင့်ရဲ့ နှုတ်ဆက်စာလေးတွေနဲ့ နိုးထရတဲ့မနက်ခင်းတိုင်းက ကျွန်မအတွက် အဓိပ္ပာယ်အရှိဆုံး မနက်ခင်းလေးတွေပေါ့။ ဤဆောင်းပါးကို ဂန္ထဝင်မဂ္ဂဇင်းမှ ရေးသားတင်ဆက်သည်။

ကျွန်မမှတ်မိနေသေးတယ်။ ကျွန်မတို့ ပထမဆုံးရန်ဖြစ်တဲ့နေ့ကိုပေါ့။ ချစ်သူသက်တမ်း ၂လအကြာမှာ ဖြစ်ခဲ့တဲ့ ပဋိပက္ခလေးက အချစ်ဆိုတဲ့ဖန်ခွက်လေးကို တစ်စစီကွဲကြေသွားအောင် ရက်ရက်စက်စက် တိုက်ချပစ်ခဲ့တယ်လေ။ ဒီလိုနဲ့ ရန်ဖြစ်လိုက် အဆင်ပြေသွားလိုက်နဲ့ တဖြည်းဖြည်းကြာလာတဲ့အခါ ကျွန်မရှင့်နားကထွက်သွားဖို့ စိတ်ကူးမိခဲ့တယ်။ ဒါပေမယ့် ကျွန်မကို ထွက်မသွားပါနဲ့လို့ ရှင်တောင်းပန်ခဲ့တယ်။ ကျွန်မ မရှိဘဲ မနေနိုင်ဘူးလို့ ရှင်ပြောခဲ့တယ်။ ကျွန်မကလည်း ယုံခဲ့မိတယ်လေ။

ကျွန်မမှတ်မိနေသေးတယ်။ ရှင့်ရဲ့ကတိတွေကို ရှင်ကိုယ်တိုင်ရိုက်ချိုးဖျက်စီးခဲ့တဲ့နေ့တွေကိုပေါ့။

ကျွန်မမှတ်မိနေသေးတယ်။ ကျွန်မအပေါ် ရှင့်ရဲ့ ပြုမူဆက်ဆံပုံတွေကိုပေါ့။ ကျွန်မသူငယ်ချင်းတွေနဲ့ အပြင်သွားခွင့်မရလောက်အောင်ထိ ရှင်ကျွန်မကို ချုပ်ချယ်ခဲ့တယ်။ ရှင့်ရဲ့သဝန်တိုမှုတွေက ကျွန်မကို လွတ်လပ်စွာပျံသန်းလို့မရအောင် လှောင်ပိတ်ထားခဲ့တယ်။ လမ်းခွဲရအောင်လို့ ကျွန်မပြောတော့ ရှင်ကျွန်မကို တောင်းပန်ပြီး ကတိတွေ အထပ်ထပ်ပေးပြန်တယ်။

ကျွန်မမှတ်မိနေသေးတယ်။ ရှင်ပြောသမျှကို ယုံမိတာ ကျွန်မအမှားပဲလို့တွေးမိတဲ့နေ့ကိုပေါ့။ ကျွန်မ ရှင့်ရဲ့ မုန်းစရာကောင်းတဲ့ ကတိစကားတွေကို ယုံကြည်နေခဲ့တယ်။ ရန်ဖြစ်လိုက်တိုင်း ကျွန်မပဲ အပြစ်တင်ခံရတယ်။ ပြဿနာကြီးထွားလာမှာစိုးလို့ စကားလုံးတွေကို ကျိတ်မှိတ်မျိုသိပ်ခဲ့ရတယ်။ ကျွန်မရဲ့သူငယ်ချင်းတွေ၊ မိသားစုဝင်တွေ ကျွန်မနားမှာမရှိတော့အောင်၊ ဆက်ဆံရေးပျက်သွားအောင်အထိ ရှင်ကျွန်မကို ချုပ်ချယ်ခဲ့တယ်။
ကျွန်မ ရှင့်ရဲ့ ဒေါသတွေကို မှတ်မိနေသေးတယ်။

ကျွန်မ ရှင့်ရဲ့ အမျက်တွေကို မှတ်မိနေသေးတယ်။

ကျွန်မထွက်သွားမယ်ဆိုတိုင်း ကိုယ့်ကိုယ်ကို သတ်သေမယ်ဆိုတဲ့ရှင့်ရဲ့ အတ္တဆန်တဲ့ရူးသွပ်မှုတွေကို မှတ်မိနေသေးတယ်။

နေ့အလင်းရောင်ကိုတောင် မမြင်ရဘဲ ငိုခဲ့ရတဲ့နေ့တွေကို မှတ်မိနေသေးတယ်။

ကျွန်မမှတ်မိနေသေးတယ်။ ရှင်နဲ့လမ်းခွဲဖို့ ခိုင်မာပြတ်သားတဲ့ ဆုံးဖြတ်ချက်တစ်ခုကို ချမှတ်လိုက်နိုင်တဲ့အချိန်ကိုပေါ့။ ရှင်နဲ့လမ်းခွဲပြီး တော်တော်ကြာတဲ့အထိ လူမှုကွန်ယက်ပေါ်ကနေတဆင့် ရှင့်ရဲ့ပြန်လည်ဆက်သွယ်ချင်တဲ့ အကြောင်းတွေသိခဲ့ရတယ်။ ဘယ်လိုကြိုးစားကြိုးစား ကျွန်မဘက်က ပြန်လက်မခံတော့မှန်းသိသွားတဲ့အခါ ရှင်ကျွန်မကို ပြောခဲ့တယ်။

“မင်းဘဝမှာ ငါလိုလူမျိုးနဲ့ ဘယ်တော့မှ မတွေ့ပါစေနဲ့။” တဲ့။ ရှင့်ဆုတောင်းတွေပြည့်ပါစေလို့ ကျွန်မဆုတောင်းမိတယ်သိလား။

ကျွန်မမှတ်မိနေသေးတယ်။ ရှင့်အချစ်ရဲ့ နောက်ဆက်တွဲဆိုးကျိုးတွေကိုပေါ့။ ရှင့်ရဲ့ စိတ်ပိုင်းဆိုင်ရာဖိနှိပ်မှုက ကျွန်မရဲ့အတွေးထဲမှာ အခုထိရှိနေတုန်း။ ရှင်ဆုတ်ဖြဲလိုက်တဲ့ ကျွန်မဘဝကို အခုထိလိုက်ကောက်ပြီး ပြန်ဆက်နေရတုန်း။

အချိန်တွေပြောင်းလာခဲ့တာ သုံးနှစ်သုံးမိုးသာကြာသွားတယ်။ ကျွန်မ ဒါတွေကို မှတ်မိနေတုန်းပဲ။ ရှင်ကျွန်မအပေါ် ဘာအပြစ်တွေလုပ်မိလဲဆိုတာ ရှင်သိချင်မှ သိလိမ့်မယ်။ ဒါပေမယ့် ကျွန်မ ဘယ်တော့မှ မေ့မှာမဟုတ်ပါဘူး။

ရှင့်ရဲ့ တစ်ချိန်ကချစ်သူ