သို့
အနာဂတ်မှာ ကျွန်မရဲ့အသည်းတစ်ခြမ်းဖြစ်လာမယ့် ချစ်သူလောင်းလျာရေ…
ရှင့်ကိုကျွန်မအကြောင်းလေးတွေ နည်းနည်းပြောပြထားချင်လို့ပါ။ လူတိုင်းမှာ အတိတ်ဒဏ်ရာတွေ၊ နာကျင်ခံစားမှုတွေရှိခဲ့ကြပါတယ်။ ကျွန်မမှာလည်းရှိခဲ့တယ်။ ကျွန်မမှာ မျက်ရည်တွေလည်းခဲ့ရှိတယ်။ ကြာက်ရွံ့မှုတွေလည်းရှိခဲ့တယ်။ အထီးကျန်မှုတွေလည်းရှိခဲ့တယ်။ ဒါပေမယ့် ကျွန်မအားလုံးကို ကြံ့ကြံ့ခံနိုင်ခဲ့တယ်လေ။
ကျွန်မ အတိတ်ဒဏ်ရာတွေကနေ ရုန်းထွက်နိုင်ဖို့၊ ဘဝကိုပြန်လည်တည်ဆောက်ဖို့၊ ကွဲနေတဲ့အသည်းကို ပြန်ဆက်ဖို့ အချိန်တော်တော်ကြာ ကြိုးစားခဲ့ရတယ်။ ဤဆောင်းပါးကို ဂန္ထဝင်မဂ္ဂဇင်းမှ ရေးသားတင်ဆက်သည်။
ဒါပေမယ့် ကျွန်မအခု အတိတ်တွေကိုမေ့ထားပြီး ပျော်ရွှင်စွာ ရယ်မောနေနိုင်ပြီလေ။
ရှင့်ကို ကျွန်မသိစေချင်တာတစ်ခုက အနာဂတ်မှာ ကျွန်မရှင့်ကို နက်နက်ရှိုင်းရှိုင်းချစ်သွားမယ်ဆိုတာပါပဲ။ ရှင့်ကို နောက်မတွန့်ဘဲချစ်သွားမယ်။ ရှင့်ကို အတိတ်ကဒဏ်ရာတွေနဲ့ ဘယ်တော့မှ မနှိုင်းယှဉ်ဘူး။ ရှင်ဟာ ကျွန်မအတွက် အဖိုးတန်ဆုံးယောက်ျားတစ်ယောက်ဆိုတာကို အကြွင်းမဲ့ယုံကြည်သွားမယ်လေ။ ယုံကြည်မှုနဲ့ ထိုက်တန်အောင်လည်း ရှင် နေထိုင်ပြုမူဆက်ဆံလိမ့်မယ်လို့ မျှော်လင့်လျက်ပါ။
ကျွန်မတို့တွေ့တဲ့အချိန်မှာ ကျွန်မမျက်နှာပေါ်မှာ အပြုံးတွေဝေဆာနေလိမ့်မယ်။ ကျွန်မရဲ့ရယ်သံတွေဟာ လွတ်လပ်ပေါ့ပါးနေလိမ့်မယ်။ ရှင့်ရဲ့အပြုံးတွေ၊ ရှင့်ရဲ့အကြည့်တွေ၊ ရှင့်ရဲ့နှလုံးသားဟာလည်း ကျွန်မကို ဆွဲဆောင်စေလိမ့်မယ်လို့ ယုံကြည်မိပါတယ်။ ဒီလိုနဲ့ပဲ ကျွန်မတို့နှစ်ယောက်ရဲ့ရင်ခုန်သံတွေ စည်းချက်ကျကျနဲ့ ထပ်တူညီသွားလိမ့်မယ်။
ကျွန်မတို့နှစ်ယောက်လုံးမပြည့်စုံကြပေမယ့် တစ်ယောက်ရဲ့အားနည်းချက်ကို တစ်ယောက်က ကူညီဖေးမရင်း ဘဝခရီးကိုလျှောက်လှမ်းကြမယ်လေ။ စိတ်ချင်းဆက်နွှယ်နေပြီး တစ်ယောက်ကိုတစ်ယောက် နားလည်ပေးကြမယ်။ နှစ်ယောက်စလုံးရဲ့အတိတ်ကဒဏ်ရာတွေကို သင်ခန်းစာယူပြီး ဘဝကိုဆက်လျှောက်ကြမယ်။ ဘုရားသခင်က ကျွန်မတို့ကို ကောင်းချီးပေးမှာပါ။
ကျွန်မရဲ့နှလုံးသားကို မထိုက်တန်တဲ့သူဆီ အပ်နှံခဲ့ဖူးတယ်။ ကျွန်မနှလုံးသားကို ပြန်ရလိုက်တဲ့အချိန်မှာ ဒဏ်ရာတွေ ဗရပွနဲ့။ ဒါပေမယ့် ကျွန်မနောင်တမရဘူးသိလား။ ကျွန်မနောင်တတွေကို ဘဝသင်ခန်းစာအဖြစ် ပြောင်းလဲပစ်လိုက်တယ်လေ။ ရှင့်မှာလည်း ကျွန်မလိုသင်ခန်းစာတွေ ရှိနေမယ်လို့ထင်ပါတယ်။
အနာဂတ်ရဲ့လှပတဲ့နေ့ရက်တွေကို ကျွန်မနဲ့အတူတူဆေးခြယ်ပေးဖို့ ကျွန်မရှင့်ကိုတောင်းဆိုပါရစေ။ ဘဝခရီးလမ်း ကြမ်းတမ်းတဲ့အခါ ကျွန်မလဲပြိုမသွားဖို့ ရှင့်ကိုအားကိုးပါရစေ။ ခက်ခဲတဲ့အချိန်တွေမှာ ကျွန်မကိုပြုံးရယ်စေနိုင်ဖို့ ရှင့်ကို မျှော်လင့်ပါရစေ။ ကျွန်မဘဝကို အချစ်တွေနဲ့ ထုံမွမ်းပေးဖို့ ရှင့်ကိုယုံကြည်ပါရစေ။
ကျွန်မတို့ရဲ့အနာဂတ်ကို တွေးရင်း စိတ်တောင်လှုပ်ရှားလာပြီ။ ဒါပေမယ့် တစ်ခုတော့ရှိတယ်နော်။ ဘာကိစ္စပဲဖြစ်ဖြစ် တစ်ယောက်နဲ့တစ်ယောက်ကြား လျှို့ဝှက်ချက်တွေ မထားကြေးနော်။ အကောင်းအဆိုး၊ အကြောင်းအကျိုး အားလုံးကို ကျွန်မတို့အတူတူဝေမျှကြမယ်လို့ ကျွန်မကို ကတိပေးပါ။
ရှင်နဲ့စတင်တွေ့ဆုံမယ့်နေ့လေးကို မှန်းဆစိတ်ကူးယဉ်ရင်း။
ကျွန်မဘဝထဲကို ကောင်းသောလာခြင်းနဲ့ ဝင်ရောက်လာဖို့ ဖိတ်ခေါ်လျက်။
ရှင့်ရဲ့ အနာဂတ်ချစ်သူကောင်မလေး
