မိန်းမသားတွေက ယောက်ျားတွေထက် အိပ်ချိန်ပိုလိုအပ်ပါတယ်။

blank

အိမ်ထောင်ရှင်အမျိုးသားတို့ရေ…

တစ်ခါတလေ အိပ်ချိန်တွေနဲ့ပတ်သတ်ပြီး ဇနီးသည်တွေနဲ့ ရန်ဖြစ်ရတယ်ဟုတ်။ အိပ်ပုပ်ကြီးတဲ့ ချစ်ဇနီးလေးတွေကို အပြစ်မယူဘဲ နားလည်ပေးလိုက်ပါ။ ဘာလို့လဲဆိုတော့ ကျွန်မတို့မိန်းမသားတွေက ယောက်ျားသားတွေထက် အိပ်ချိန်ပိုလိုအပ်တယ်ရှင့်။ ဤဆောင်းပါးကို ဂန္ထဝင်မဂ္ဂဇင်းမှ ရေးသားတင်ဆက်သည်။

ဟုတ်ပါတယ်။ လူလတ်ပိုင်းအရွယ်တွေထဲမှာ အိပ်ရေးပျက်လို့ ကျန်းမာရေးပိုမိုထိခိုက်တာက အမျိုးသမီးတွေဖြစ်ပါတယ်။

” အိပ်ချိန်ပြည့်ပြည့်ဝဝမရတဲ့ အမျိုးသမီးတွေရဲ့စိတ်မှာ စိတ်ဖိစီးမှုတွေ၊ စိတ်ဓာတ်ကျမှုတွေ၊ ရန်လိုမှုတွေ၊ ဒေါသတွေနဲ့ ပြည့်နှက်နေတတ်ပါတယ်။ ဒါပေမယ့် အမျိုးသားတွေမှာကျတော့ ဘယ်လောက်အိပ်ရေးပျက်ပျက် ဒီလိုစိတ်ရောဂါလက္ခဏာတွေ မတွေ့ရဘူးဗျ။ ” လို့ အိပ်စက်ခြင်းဆိုင်ရာ သုတေသနပညာရှင်တစ်ဦးက ပြောခဲ့ပါတယ်။

Loughborough University ရဲ့ အိပ်စက်ခြင်းဆိုင်ရာ သုတေသနပညာရှင်တစ်ဦးဖြစ်သူ ပါမောက္ခ ဂျင် ဟောင်န်း (Professor Jim Horne)က “အိပ်စက်ခြင်းရဲ့ အဓိကလုပ်ငန်းဆောင်တာတစ်ခုက ဦးနှောက်ကို ပြန်လည်လန်းဆန်းစေခြင်းပဲ။ နှစ်နှစ်ခြိုက်ခြိုက်အိပ်ပျော်နေတဲ့အချိန်မှာ ဘာသာစကားတွေ၊ မှတ်ဉာဏ်တွေနဲ့ပတ်သတ်တဲ့ ဦးနှောက်အစိတ်အပိုင်းတွေကို ပြန်လည်ကောင်းမွန်အောင် ထိန်းသိမ်းပေးပြီး ဦးနှောက်စွမ်းရည်တွေကို မြှင့်တင်ပေးနိုင်ပါတယ်။” လို့ပြောခဲ့ပါတယ်။

နေ့ခင်းဘက်တွေမှာ ဦးနှောက်ကို များများအသုံးချရလေလေ၊ ဦးနှောက်ကို ပြန်လည်လန်းဆန်းစေနိုင်ဖို့ အိပ်ချိန်တွေ ပိုမိုလိုအပ်လေလေ ဖြစ်ပါတယ်။ တစ်ခါတလေ မိန်းမသားတွေဟာ အလုပ် ၃၊၄ ခုကို တစ်ပြိုင်နက်လုပ်ဆောင်ရတာတွေ ရှိတတ်တာကြောင့် အမျိုးသားတွေထက် ဦးနှောက်ကို ပိုမိုအသုံးချရပါတယ်။ ဒါ့ကြောင့် အမျိုးသမီးတွေဟာ အမျိုးသားတွေထက် အိပ်ချိန်ပိုမိုလိုအပ်ပါတယ်။

နောက်ထပ်အကြောင်းရင်းတစ်ခုက မိန်းမသားတွေရဲ့ ဦးနှောက်တည်ဆောက်ပုံဟာ အမျိုးသားတွေရဲ့ ဦးနှောက်တည်ဆောက်ပုံထက် ပိုမိုရှုပ်ထွေးပါတယ်။ ဒါ့ကြောင့် ဦးနှောက်ကို တန်းတူအသုံးချမယ်ဆိုရင်တောင် မိန်းမသားတွေက ယောက်ျားတွေထက် အိပ်ချိန် ပျမ်းမျှ မိနစ်၂ဝလောက် ပိုလိုအပ်ပါတယ်။ ဒါ့ကြောင့် ဦးနှောက်ကို တစ်ညလုံးအနားပေးဖို့ အိပ်ချိန်ပိုမိုလိုအပ်ပါတယ်။

ကဲ… ဂန္ထဝင်စာဖတ်ပရိသတ် လူကြီးမင်းများရှင့်။ ရှင်တို့ရဲ့ ချစ်စရာကောင်းတဲ့ဇနီးလေးရဲ့ ဦးနှောက်နဲ့ ကျန်းမာရေးကောင်းမွန်ဖို့ အိပ်ရေးဝဝအိပ်ခိုင်းလိုက်ပါ။ အိပ်ပုပ်ကြီးလို့ဆိုပြီး အပြစ်တင်စကားတွေ မပြောလိုက်ပါနဲ့နော်။ ချစ်ရင် အပြစ်မမြင်ဘူးမို့လား။

ဂန္ထဝင်စာဖတ်ပရိသတ် မမများလည်း ဒီစာစောင်လေးကို ခင်ပွန်းတွေဖတ်မိအောင် SHARE ပြီး အိပ်ရေးဝဝအိပ်လိုက်ရအောင်နော်။