ဂန္ထဝင်စာချစ်သူတို့ရေ…
လက်ထပ်တော့မယ့်သူတွေ၊ လက်ထပ်ကာစသူတွေအတွက် သိပ်ကိုအရေးကြီးတဲ့အခန်းကဏ္ဍကတော့ လက်ထပ်ပြီးသွားတဲ့အခါ တည်ဆောက်မယ့် မိသားစုပုံစံပဲဖြစ်ပါတယ်။ ဒါကြောင့် လက်ထပ်ပြီးတဲ့အခါ ယူမယ့်ကလေးအရေအတွက်၊ ကလေးတွေရဲ့ အသက်အရွယ်အပိုင်းအခြားတွေအတွက် မိသားစုစီမံကိန်းချထားသင့်ပါတယ်။
လူအများစုကတော့ အိမ်ထောင်ပြုပြီးတဲ့အခါ ကလေးလိုချင်လာတဲ့အချိန်မှာ ယူပစ်လိုက်ရင်ရတဲ့ကိစ္စလို့ ထင်နေတတ်ကြပါတယ်။ မိသားစုစီမံကိန်းဟာ အိမ်ထောင်ရေးဘဝမှာ ငွေကြေးပြဿနာနဲ့ စီမံခန့်ခွဲမှုပြဿနာတွေကို များစွာလျော့ကျစေပါတာကြောင့် သိပ်ကိုအရေးကြီးတဲ့ အရာပဲဖြစ်ပါတယ်။
ရင်သွေးတွေဆိုတာ အိမ်ရဲ့ဆည်းလည်းလေးတွေဖြစ်ပါတယ်။ ဒါပေမဲ့ ကိုယ်အဆင်သင့်မဖြစ်သင့်ခင်မှာ ကိုယ်ဝန်ရသွားတာ၊ ကလေးနီးသွားတာဖြစ်သွားတဲ့အခါ ကလေးငယ်တွေရဲ့ ပညာရေး၊ ကျန်းမာရေးစတဲ့ကိစ္စတွေကို ပြည့်ပြည့်စုံစုံဖြည့်စွမ်းပေးဖို့ အဆင်မပြေနိုင်ပါဘူး။ ဒါကြောင့် လက်မထပ်ခင်ဒါမှမဟုတ် လက်ထပ်ပြီးကာစအချိန်မှာကတည်းက ဘယ်နှနှစ်မှာ ကလေးဘယ်နှစ်ယောက်ယူမယ်ဆိုတာ သတ်မှတ်ထားတဲ့အခါ လစ်ဟင်းမှုတွေကို လျော့ချနိုင်ပါတယ်။
မိသားစုစီမံကိန်း သေချာချမှတ်ထားခြင်းမရှိတဲ့အခါ မမျှော်လင့်ဘဲ ကိုယ်ဝန်ရသွားတာမျိုးဖြစ်တဲ့အခါမှာ မွေးဖွားလာမယ့်ကလေးရဲ့ ကျန်းမာရေးနဲ့ လက်ရှိကလေးအကြား ဗျာများရတတ်ပါတယ်။ မိခင်အနေနဲ့ လက်ရှိကလေးကို နို့ချိုအပြည့်အဝတိုက်ကျွေးခွင့်မရသလို ဝမ်းထဲက ကလေးအတွက်လည်း ကျန်းမာရေးစောင့်ရှောက်မှုတွေ အလုံအလောက်မပေးနိုင်တာမျိုးဖြစ်တတ်ပါတယ်။
အမျိုးသမီးတွေရဲ့ ခန္ဓာကိုယ်ဟာ ကိုယ်ဝန်ဆောင်တဲ့အခါနဲ့ ကလေးမွေးဖွားတဲ့အခါ အင်အားတွေကုန်ခမ်းသွားပါတယ်။ ကလေးတစ်ယောက်နဲ့တစ်ယောက်နီးကပ်လွန်းတဲ့အခါ အမျိုးသမီးရဲ့ ခန္ဓာကိုယ်က ပြန်လည်အားဖြည့်ဖို့ အချိန်မလုံလောက်တော့ဘဲ ကျန်းမာရေးထိခိုက်တာတွေဖြစ်လာနိုင်ပါတယ်။ ကလေးတစ်ယောက်နဲ့တစ်ယောက် ခြားလိုက်ခြင်းအားဖြင့် မိခင်နဲ့ကလေးနှစ်ယောက်လုံးရဲ့ ကျန်းမာရေးအတွက် ကောင်းမွန်ပါတယ်။
ယနေ့ခေတ်ကြီးဟာ အိမ်ထောင်ရှင်အမျိုးသမီးတွေအနေနဲ့ အိမ်ရှင်မတာဝန်တစ်ခုတည်းကိုထမ်းဆောင်ပြီး ရောင့်ရဲနေလို့မရတော့ပါဘူး။ စရိတ်စကများလာတဲ့ အိမ်အသုံးစရိတ်တွေကို ဇနီးမောင်နှံနှစ်ယောက်လုံး အလုပ်လုပ်ရတဲ့အတွက် မိသားစုစီမံကိန်းချမှတ်ခြင်းမရှိဘူးဆိုရင် အမျိုးသမီးတွေရဲ့ အလုပ်အကိုင်ကို ထိခိုက်စေပါတယ်။
စာဖတ်ပရိသတ်တွေအနေနဲ့ မိသားစုစီမံကိန်းတွေမချခင်မှာ ကလေးငယ်တစ်ယောက်ကို ပြုစုပျိုးထောင်ဖို့ဆိုတာ စိတ်ပိုင်းဆိုင်ရာ၊ ရုပ်ပိုင်းဆိုင်ရာပြင်ဆင်ထားဖို့နဲ့ ငွေကြေးတွေကိုပြင်ဆင်ထားဖို့လိုတဲ့အရာဖြစ်ပါတယ်။ မိမိအတွက်မနိုင်ဝန်တွေဖြစ်ပြီး ကလေးတွေနဲ့ ကသီကလင်မဖြစ်စေအောင် နားလည်တတ်ကျွမ်းတဲ့ပညာရှင်တွေနဲ့ တိုင်ပင်ပြီး သင့်တော်တဲ့သားဆက်ခြားနည်းကို အသုံးပြုသင့်ပါတယ်။
လူအမျိုးမျိုးမှာ မတူညီတဲ့ မိသားစုစီမံကိန်းတွေရှိတတ်ကြပါတယ်။ လူတွေရဲ့ အခြေအနေတွေမတူညီတာကြောင့် တိကျတဲ့ မိသားစုစီမံကိန်းတွေကို ပုံသေသတ်မှတ်ထားလို့မရနိုင်ပါဘူး။ ဒငွေရေးကြေးရေးအခြေအနေ၊ မိသားစုအခြေအနေတွေကို ချင့်ချိန်ကြည့်ပြီး မိမိအတွက် သင့်တော်တဲ့အစီအစဉ်ကို ဇနီးမောင်နှံနှစ်ယောက်တိုင်ပင်ပြီး ချထား ရမှာဖြစ်ပါတယ်။
