ဂန္ထဝင်ရေ…
ကျွန်မနာမည်ကို ညိုလို့ပဲ မှတ်ထားပေးပါ။ ကလေးတစ်ယောက်အမေ အိမ်ထောင်သည်တစ်ယောက်ပါ။ ယောက်ျားနဲ့လည်း ချစ်ကြိုက်ပြီးမှ ယူခဲ့တာပါ။ နှစ်ယောက်လုံး ကုမ္ပဏီဝန်ထမ်းတွေမို့ ပုံမှန်ဝင်ငွေရှိပါတယ်။ မယူခင်ကတော့ ယူပြီးရင် သူ့အိမ်ကို ခဏလိုက်နေမယ်။ ပြီးရင် ပိုက်ဆံစုပြီး ကိုယ်ပိုင်အိမ်မဝယ်နိုင်ရင်တောင် တိုက်ခန်းအသင့်တင့်လေးဝယ်ပြီး နေကြမယ်လို့ တိုင်ပင်ထားကြပါတယ်။ တကယ်ယူပြီးတော့ ဘာမှတောင် သိပ်မကြာလိုက်ပါဘူး။
ယောက်ျားတွေက အချိုးပြောင်းတော့တာပါပဲ။ သူ့အိမ်လိုက်နေတာမို့ဆိုပြီး သူ့လစာကို သူ့အမေဆီအပ်ပါတယ်။ ကျွန်မလစာနဲ့လင်မယားနှစ်ယောက်အတူသုံးကြပါတယ်။ ကျန်တဲ့သူ့မောင်နှမတွေက လူလွတ်တွေမို့ ကုန်ကျစရိတ်အားလုံးနီးပါးကို ကျွန်မတို့လင်မယားဘဲ ထည့်ရပါတယ်။ သူ့ငွေက သူ့အမေကို အပ်လိုက်တော့ ကျွန်မပိုက်ဆံထဲက ထည့်ရပါတယ်။
အပျိုဘဝတုန်းကမှ ကိုယ့်မိဘကို ကိုယ်ပေးချင်သလောက် ပေးလို့ရသေးတယ်။ အိမ်ထောင်ကျပြီးမှ မပေးချင်လည်းပေး၊ ပေးချင်လည်းပေးပြီး သူ့ညီအစ်ကိုမောင်နှမတွေ ကိုပါ လုပ်ကျွေးနေရသလိုဖြစ်နေပါတယ်။ တိုက်ခန်းဝယ်ဖို့ ဝေလာဝေး။ ကိုယ့်အတွက်တောင် ကိုယ်မချန်နိုင်ပါ ဘူး။ ကလေးရလာတော့ ပိုဆိုးသွားပါတယ်။ ကျွန်မဘက်ပြန်ပြောင်းမယ်ပြောတော့လည်း သူ့ကိုအဓိကမှီခိုနေ ကြတဲ့သူ့ မိဘမောင်နှမတွေကို ပစ်မထားခဲ့နိုင်ဘူးလို့ ပြောပါတယ်။
ဤဆောင်းပါးကိုဂန္ထဝင်မဂ္ဂဇင်းမှရေးသားတင်ဆက်သည်။
တကယ်က အားလုံးက အရွယ်ရောက် ခြေအကောင်း၊ လက်အကောင်းတွေပါ။ ချွေးမက ကျွန်မတစ်ယောက်တည်းမို့ အိမ်အလုပ်တွေလည်း ကျွန်မပဲ ဒိုင်ခံလုပ်ရပါ တယ်။ ကျွန်မလေ အလုပ်လုပ်သမျှလည်း မစုမိ၊ ညနေရုံးကပြန်လာတော့လည်း အိမ်အလုပ်တွေ က အပုံအပင်၊ အိမ်ခွဲနေဖို့လည်း ယောက်ျားကို ပြောမရနဲ့ စိတ်တွေလည်း တော်တော်ညစ်နေပါပြီ။ အခုအသက် က ၃ဝ နား ကပ်နေပြီမို့ သားလေးအတွက် အဖော်ရအောင် ကလေးနောက်တစ်ယောက်ယူပေးချင်တာတောင် ကျွန်မမှာ တွန့်ဆုတ်နေရပါတယ်။ မယူခင်ကနဲ့ ယူပြီးတဲ့နောက်ပိုင်း ယောက်ျားတွေပြောင်းလဲသွားပုံက တကယ် အံ့မခန်းပါပဲ။ ဒါကြောင့်လည်း တချို့စီနီယာတွေက ကျွန်မတို့အပျိုတုန်းက အိမ်ထောင်မပြုနဲ့လို့ ပြောကြတာ ဖြစ်မှာပါ။
ထူထောင်ပြီးပြီဆိုမှတော့ အဆင်ပြေအောင်တော့ ကြိုးစားနေပါတယ်။ ဒီစာကိုရေးတာက အချစ်ကား လေးတွေ ကြည့်ပြီး တကယ်ထင်နေတဲ့ ညီမလေးတွေ သိအောင်သက်သက်ပါ။ ချစ်ချင်ရင်တော့ ချစ်ပါ။ ယူပြီးမှ တည်မယ့်ကတိကိုမယုံပါနဲ့။ မယူခင်လက်တွေ့တည်ဆောက်ပြီး တကယ်ခိုင်မာပြီဆိုမှ ယူကြပါလို့။
