သမီးရေ..
သမီးလေး အချိန်တန်အရွယ်ရောက်လာတဲ့အခါ သမီးနဲ့ သင့်တော်တဲ့ ဘဝလက်တွဲဖော်နဲ့ ဆုံတွေ့လိမ့်မယ်။ သမီးလေးတစ်ဘဝလုံးစာ ရည်ရွယ်ထားတဲ့ လက်တွဲဖော်ကို မေမေနဲ့ မိတ်ဆက်ပေးတဲ့အခါ သမီးလေးဟာ ဂါဝန်ဝဲဝဲလေး ပုံစံလေးကနေ မင်္ဂလာဝတ်စုံလေးပြောင်းသွားတာကို မြင်ယောင်ကြည့်ရင်း မေမေ့မျက်လုံးမှာ မျက်ရည်တွေရစ်ဝိုင်းနေလိမ့်မယ်။ မင်္ဂလာခန်းမထဲမှာ သတို့သမီးဝတ်စုံပေါ်က ပုလဲလုံးလေးတွေ ဇာလေးတွေနဲ့ အပြိုင်လှပနေမယ့် သမီးမျက်နှာနဲ့ ဆယ်ကျော်သက်အရွယ်က ဂျစ်ကန်ကန်ပုံစံလေးကို ယှဉ်တွေးကြည့်ရင်း အချိန်ကုန်မြန်လိုက်တာလို့ တွေးမိနေလိမ့်မယ်။
မင်္ဂလာပွဲအပြီးမှာ သမီးလေးကိုဖက်ပြီး အိမ်ထောင်သည်ဘဝကို မကြောက်ဖို့၊ ဇနီးကောင်းတစ်ယောက်ဖြစ်အောင်၊ မိခင်ကောင်းတစ်ယောက်ဖြစ်အောင်ကြိုးစားဖို့ စကားလက်ဆောင်ပေးမယ်။ နောက်ဆုံးအနေနဲ့ သမီးလေးကိုဝအောင်ကြည့်ပြီး သမီးလေးဘယ်နေရာကိုပဲရောက်နေ ရောက်နေ ကျွန်မကတော့ သမီးအတွက် ထာဝရအမေအဖြစ်ရှိနေမယ်ဆိုတာကို သမီးလေးကို ပြောပြမယ်နော်။ သမီးလေးကို နဖူးကိုဖွဖွလေးနမ်းချိန်မှာတော့ သမီးကိုပထမဆုံးနမ်းခဲ့တုန်းက ကလေးအနံ့လေးကို လွမ်းမိနေလိမ့်မယ်။
ဤဆောင်းပါးကို ဂန္တဝင် မဂ္ဂဇင်းမှ ရေးသားတင်ဆက်ခြင်း ဖြစ်သည်။
ကျက်သရေရှိလှတဲ့ သမီးလေးဟာ ပန်းတွေနဲ့ လှလှပပတန်ဆာဆင်ထားတဲ့ မင်္ဂလာကားလေးကို စီးပြီးကျွန်မနဲ့တဖြည်းဖြည်းဝေးသွားတဲ့အခါ မေမေဝမ်းနည်းမိကောင်း ဝမ်းနည်းမိမျကျွန်မမျက်စိရှေ့မှာတင် အရွယ်ပေါင်းစုံပြောင်းလဲသွားတဲ့ သမီးလေးကို ဆုံးရှုံးလိုက်ရလို့ ဝမ်းနည်းမိတဲ့အခါ မိခင်မြေကြီးဟာ အပင်လေးတွေရှင်သန်ဖို့ မြေသြဇာပေးပေမယ့် အပင်လေးတွေ မြေကြီးနဲ့ဝေးပြီးရှင်သန်နေတာကို မော့ကြည့်ပြီးပီတိဖြစ်နေတတ်တာကို သတိရပေးမယ်။ သမီးနဲ့ထိုက်တန်တာက ကောင်းကင်ကြီးဆိုရင် သမီးလွပ်လွပ်လပ်လပ်ပျံသန်းပါစေလို့ ဖြေတွေးမယ်။ ဒါပေမဲ့ မေမေ့ရဲ့ ပေးဆပ်ခြင်းတွေကို သမီးသိအောင်ပြောပြဖြစ်မှာ မဟုတ်ပါဘူး။ သမီးလေးအမေတစ်ယောက်ဖြစ်လာတဲ့တစ်နေ့မှာ မေမေ့ရင်ထဲက စကားတွေကို အလိုလိုသိနေလိမ့်မယ်။