ချစ်သက်တမ်းကြာရှည်မယ့် ချစ်မောင်နှံတွေရဲ့ လက္ခဏာများ

          တချို့အချစ်ရေးတွေက လွယ်လွယ်ဖြစ်တည်ပြီး လွယ်လွယ်ပြိုကွဲကြသလို တချို့အချစ်ရေးတွေက ဘယ်သူဖျက်ဖျက်မပျက်ဘဲ ကြာရှည်တည်တံ့တတ်ကြပါတယ်။ အံ့သြစရာကောင်းတာက ချစ်သူနှစ်ဦးကြားက အပြုအမူတွေကို ကြည့်လိုက်တာနဲ့ အဲဒီအချစ်ရေးဟာ တာရှည်ခိုင်မြဲနိုင်လားဆိုတာ သိနိုင်ပါတယ်။

ဒီတော့ တာရှည်ခိုင်မြဲတဲ့အချစ်ရေးတွေမှာ ရှိနေတတ်တဲ့အမူအကျင့်လေးတွေ၊ လက္ခဏာလေးတွေကို တင်ဆက်ပေးလိုက်ပါတယ်ရှင်။

၁။ တာရှည်ခိုင်မြဲမယ့်စုံတွဲတွေဟာ  ချစ်သူနှစ်ယောက်အကြား တစ်ယောက်အကြိုက်ကို တစ်ယောက်က အလိုက်တသိဖြည့်ဆည်းပေးတာဖြစ်ပါတယ်။ အလိုက်တသိဖြည့်ဆည်းပေးတယ်ဆိုတဲ့နေရာမှာ လိုချင်တာတွေကိုဝယ်ပေးတာကို ဆိုလိုတာမဟုတ်ပါဘူး။ ချစ်သူမကြိုက်တာတွေကိုရှောင်ပြီး သူဖြစ်စေချင်တဲ့အတိုင်း နေထိုင်ပြုမူတာကို ဆိုလိုတာပါ။

၂။ တာရှည်ခိုင်မြဲမယ့်စုံတွဲတွေဟာ  တစ်ယောက်နဲ့တစ်ယောက်ကြားချုပ်ချယ်တာတွေမရှိဘဲ ယုံကြည်မှုနဲ့ လွတ်လပ်ခွင့်ပေးထားတတ်ပါတယ်။ ယောက်ျားလေးတွေအတွက် ဘော်ဒါအကန့်ဆိုတာရှိသလို မိန်းကလေးတွေအတွက်လည်း သူငယ်ချင်းကဏ္ဍဆိုတာ ရှိတာကို နားလည်ကြပါတယ်။ ဒါကြောင့်သူတို့ဟာ ကိုယ်ပိုင်အချိန်ပေးပြီး နားလည်မှုတွေနဲ့ လွတ်လပ်စွာနေစေပြီး ချစ်ခြင်းတွေကို ခိုင်မြဲစေပါတယ်။

၃။ တာရှည်ခိုင်မြဲမယ့်စုံတွဲတွေဟာ  တစ်ယောက်နဲ့တစ်ယောက်ကြား ငယ်ပေါင်းကြီးဖော်သူငယ်ချင်းတွေလို ပျော်ရွှင်စွာ စနောက်ရင်းပျော်ပျော်နေတတ်ကြပါတယ်။ ပျော်ရွှင်စရာအမှတ်တရလေးတွေက ခိုင်မာတဲ့အချစ်ရေးအတွက် ဒေါက်တိုင်လေးတွေပါ။

၎။ တာရှည်ခိုင်မြဲမယ့်စုံတွဲတွေဟာ  ဘာပြဿနာပဲရှိရှိ တစ်ယောက်ကိုတစ်ယောက်ဖွင့်ပြောတိုင်ပင်ပြီး အတူတကွရင်ဆိုင်ဖြေရှင်းကြပါတယ်။ ဒီလိုအတူတူဖြေရှင်းကြရင်း အချိန်ကြာလာတဲ့အခါမှာ တစ်ယောက်မရှိရင် တစ်ယောက်မနေတတ်တော့သလိုဖြစ်ပြီး ချစ်ခြင်းခိုင်မြဲစေပါတယ်။

၅။ တာရှည်ခိုင်မြဲမယ့်စုံတွဲတွေဟာ  အားနည်းချက်လေးတွေကိုလက်ခံပေးပြီး ရှေ့ဆက်ကြိုးစားဖို့တွက် စိတ်ခွန်အားပေးတတ်ကြပါတယ်။

ဤဆောင်းပါးကို ဂန္ထဝင်မဂ္ဂဇင်းမှ ရေးသားတင်ဆက်သည်။

၆။ တာရှည်ခိုင်မြဲမယ့်စုံတွဲတွေဟာ  တစ်ယောက်နဲ့တစ်ယောက်ကြား လျှို့ဝှက်ချက်တွေ၊ မျိုသိပ်ထားတဲ့မကျေနပ်ချက်တွေ မရှိဘဲ ပွင့်လင်းရိုးသားစွာ ပြောဆိုဆက်ဆံကြခြင်းပါ။ မုသားတွေဆိုတာ အချစ်ရေးအတွက် အဆိပ်အတောက်တွေ မဟုတ်လား။

၇။ တာရှည်ခိုင်မြဲမယ့်စုံတွဲတွေဟာ  ဘယ်လောက်ဝေးဝေး စိတ်ချင်းဆက်နေပြီး ကွယ်ရာမှာတောင် တစ်ယောက်မကြိုက်တာကို တစ်ယောက်ကမလုပ်တတ်ကြပါဘူး။ ဒီလိုမျိုး စိတ်ချင်းဆက်နေတဲ့ချစ်သူတွေဆိုတာ တာရှည်ခိုင်မြဲတဲ့အချစ်ရေးကို တည်ဆောက်နိုင်ကြပါတယ်။

၈။ တာရှည်ခိုင်မြဲမယ့်စုံတွဲတွေဟာ ကတိသစ္စာတည်ပြီး တစ်ယောက်တည်းကိုပဲ ရိုးမြေကျချစ်ခြင်းပါ။

၉။ တာရှည်ခိုင်မြဲမယ့်စုံတွဲတွေဟာ  ချစ်သူနှစ်ယောက်ကြားမှာ အထိအတွေ့၊ အယုအယလေးတွေနဲ့ ရင်ခုန်သံတွေ အမြဲတမ်းပူနွေးနေစေပါတယ်။

ဒီလက္ခဏာလေးတွေရှိနေတဲ့အချစ်ရေးဟာ ရေရှည်ခိုင်မြဲမယ့်အချစ်ရေးဆိုတာ မြေကြီးလက်ခတ်မလွဲပါဘူးနော်။