အောင်မြင်မှုဆီ တက်လှမ်းချီ၊ မေးခွန်းလေးတွေ မေးကြမည်

blank

ဂန္ထဝင်စာဖတ်ပရိသတ်ကြီးရေ… နှစ်တစ်နှစ်ရဲ့ ပထမဆုံးနှစ်လကတော့ ကုန်မှန်းမသိဘဲနဲ့ ကုန်သွားခဲ့ပြီနော်။ ရည်မှန်းချက်ပန်းတိုင်တွေဆီကို ခြေလှမ်းဘယ်နှလှမ်း လှမ်းနိုင်ခဲ့ကြပြီလဲ။ ကျွန်မကြားဖူးတဲ့ ကုမ္ပဏီတစ်ခုက ထက်မြက်တဲ့ မန်နေဂျာမမတစ်ယောက်အကြောင်း ပြောပြပါ့မယ်နော်။

သူမက ဝန်ထမ်းတွေကိုနေ့တိုင်း မေးခွန်း (၃) ခု မေးပါတယ်။

၁။ အခု ဘာတွေလုပ်နေကြလဲ။

၂။ ဘာတွေ အလုပ်ဖြစ်လဲ။

၃။ ဘာတွေက အလုပ်မဖြစ်စေတာလဲ။

ကျွန်မတို့ရဲ့ဘဝမှာလည်း ဒီမေးခွန်းသုံးခုကို ကိုယ့်ကိုယ်ကို အကြိမ်ကြိမ်ပြန်မေးဖို့လိုပါတယ်။ ပြန်ဖြေတဲ့အခါမှာလည်း အပေါ်ယံမဖြေသင့်ဘဲ လက်ရှိ ကိုယ်လုပ်နေတဲ့ အလုပ်အခြေအနေအပေါ်သုံးသပ်ပြီး အရိုးသားဆုံးဖြေသင့်ပါတယ်။ ဒီမေးခွန်းလေးတွေက ကျွန်မတို့ရဲ့ ပန်းတိုင်ဆီကို ပို့ဆောင်ပေးမယ့် လှေကားထစ်လေးတွေဖြစ်လာမှာပါ။ ကျွန်မတို့တွေဟာ ကိုယ်လိုချင်တဲ့ဘဝကို အရယူနိုင်တဲ့ ထက်မြက်တဲ့ လူတော်တွေဆိုတာ ကိုယ့်ကိုယ်ကို ခံယူထားပါ။ ကိုယ့်ကိုယ်ကို ယုံကြည်မှုရှိပါ။ ပြီးတော့ ကိုယ့်ဘဝရည်မှန်းချက်တွေကို အကောင်အထည်ဖော်နိုင်အောင် အားသွန်းခွန်စိုက် ကြိုးစားပါ။ ဝီရိယနောက်ကိုဉာဏ်လိုက်ပါစေ။

စာဖတ်ပရိသတ်ကြီးတို့ ဘဝအောင်မြင်တိုးတက်ရေးကို ကြံရွယ်ပြီး ဂန္တဝင် မဂ္ဂဇင်းမှ ရေးသားတင်ဆက်သည်။