ကျွန်မက ငယ်ငယ်ကတည်းက အသားမည်းမည်း၊ ဆံပင်ကောက်ကောက်နဲ့ အရုပ်ဆိုးဆိုး ကောင်မလေးတစ်ယောက်ပေါ့။ ကျဉ်းမြောင်းလှတဲ့ကျွန်မကမ္ဘာငယ်လေးထဲမှာ စာအုပ်တွေပဲရှိခဲ့တယ်။ ပြီးတော့ လူနဲ့မလိုက်အောင် ကြီးကျယ်ခမ်းနားတဲ့အိပ်မက်တွေလည်းရှိတယ်။ အဲ့ဒီစိတ်ကူးယဉ်အိပ် မက်တွေထဲမှာတော့ ကျွန်မအတွက် မဖြစ်နိုင်တဲ့အရာမရှိသလို ဘဝကလည်း ပျော်စရာပေါ့။
ကျောင်းနေတဲ့အရွယ်ရောက်တော့လည်း ကျွန်မရဲ့ကျောင်းသူဘဝက ပျော်စရာမကောင်းလှပါ ဘူး။ စာသင်ရတာပျော်ပေမဲ့ ကျွန်မရဲ့ပုံစံ ကြောင့် တခြားသူတွေနဲ့အဆင်မပြေဘဲ အနိုင်ကျင့်ခံရတယ်။ စာကြမ်းပိုးတစ်ယောက်ဖြစ်သလို ပုလင်းဖင်လို မျက်မှန်အထူကြီးတပ်ထားတဲ့ကျွန်မပုံစံဟာ ကျွန်မရဲ့ အတန်းဖော်တွေအတွက် မခံချင်အောင် စနောက်ချင်စရာဖြစ်နေခဲ့တယ်။ ကျွန်မအတွက်တော့ ဝမ်း နည်းအားငယ်မှုတွေနဲ့ဖြတ်သန်းခဲ့ရတဲ့ အမှောင်ထုထဲကအချိန်တွေပေါ့။ အရွယ်ရောက်လာလေလေ အဲ့ဒီအမှောင်ထုက ပိုပြီးကြီးစိုးလာလေပါပဲ။ ကျွန်မရဲ့မည်းနက်နေတဲ့ခြေလက်တွေ၊ ဆံပင်ကောက် ကောက်တွေကို ကျွန်မအရမ်းမုန်းတယ်။ ဒါတွေတင်မကပါဘူး။ ကျွန်မအတွက်တော့ ကျွန်မခန္ဓာကိုယ် တစ်ခုလုံးဟာ အပြစ်မြင်စရာတွေချည်းပါပဲ။
ကျွန်မဟာ ကျွန်မရဲ့ခံစားချက်တွေကို လုံးဝလျစ်လျူရှုပစ်လိုက်တော့တယ်။ ကျွန်မရဲ့အတွင်း စိတ်နဲ့ ကျွန်မခန္ဓာကိုယ်က ပြောပြဖို့ကြိုးစားနေတဲ့အကြောင်းတွေကိုလည်း လုံးဝနားမထောင်တော့ ဘူး။ ကျွန်မမှာရှိခဲ့ဖူးတဲ့ ကြီးမားတဲ့ရည်ရွယ်ချက်တွေ၊ အိပ်မက်တွေလည်း မရှိတော့ဘူး။ အဆိုးဆုံးက ကျွန်မကိုယ်ကျွန်မယုံကြည်မှုတွေပျောက်ဆုံးပြီး ကျွန်မရဲ့ပင်ကိုယ်အစွမ်းအစတွေအပေါ်လည်း သံသ ယဝင်ဖြစ်နေခဲ့တာပါပဲ။ အပြုံးဆိုတာလည်း ကျွန်မနဲ့အဝေးကြီးမှာပေါ့။
ကျွန်မနဲ့နီးစပ်တာက ဒေါသတွေရယ်၊ ပူလောင်သောကစိတ်တွေရယ်ပါပဲ။ ကျွန်မရဲ့ဆံပင်တွေ ကိုလည်း မနှစ်မြို့တဲ့အတွက် မကြာခဏညှပ်ပစ်တယ်။ ပြီးတော့ အပတ်တိုင်းနားရက်မယူဘဲ အလုပ် တွေချည်း ဖိလုပ်ခဲ့တယ်။ မောမောပန်းပန်းနဲ့အိပ်ရာဝင်မှ ကျွန်မရဲ့ခက်ခဲကြမ်းတမ်းတဲ့ ဘဝအကြောင်း ကို မတွေးမိမှာလေ။ ကြာတော့ ကျွန်မကိုယ်ကျွန်မဖိနှိပ်လွန်းတာကြောင့် နာမကျန်းဖြစ်ပြီး အိပ်ရာထဲ အထိတောင်လဲခဲ့တယ်။ ခန္ဓာကိုယ်လည်း ပိန်လှီပါးလှပ်လှပ်လေးပဲ ကျန်တော့တယ်။ ကျွန်မကိုယ်ကျွန် မ အပြောင်းအလဲတစ်ခုခုနဲ့ကုစားဖို့ လိုအပ်လာပြီဆိုတာကို သဘောပေါက်လာခဲ့တယ်။
နေသာတဲ့တစ်ရက်မှာတော့ ကျွန်မဟာ မြစ်ရိုးတလျှောက်ကို လမ်းလျှောက်ထွက်ခဲ့တယ်။ အဲ့ဒီ အချိန်မှာ မထင်မှတ်ဘဲနဲ့ အမှန်တရားတစ်ခုကို ရှာဖွေတွေ့ရှိခဲ့တယ်။ ကျွန်မသွားနေတဲ့နေရာတဝိုက် မှာ သွားလာနေတဲ့လူတွေပေါ့။ အားလုံးဟာ သူတို့ပန်းတိုင်ရှိရာအရပ်ကိုရောက်ဖို့ အသီးသီးသွားနေ ကြတယ်။ သူတို့ကိုကြည့်ရတာ အလုပ်များနေတဲ့ပုံပေါ်နေတာတောင်မှ သူတို့သွားရမယ့်နေရာကို တိ တိကျကျသိပြီး သွားနေကြပုံပါ။ ဤဆောင်းပါးကို ဂန္ထဝင် မဂ္ဂဇင်းမှ ရေးသားတင်ဆက်ခြင်း ဖြစ်သည်။
ကျွန်မခေါင်းထဲမှာ အလင်းတန်းလေးတစ်ခု ချက်ချင်းဖြတ်သန်းသွားတယ်။
ကျွန်မရဲ့လျှောက်နေတဲ့ခြေလှမ်းတွေ တုံ့ခနဲရပ်ပြီး ကျွန်မကိုယ်ကျွန်မ မေးမိတယ်။ “ ငါကော ဘယ်ကိုသွားနေတာလဲ။ ငါ့ဘဝမှာ တကယ်လုပ်ချင်တာကကော ဘာလဲ ”ဆိုတဲ့ မေးခွန်းတွေပေါ့။ အဲ့ဒီ အခိုက်အတန့်မှာပဲ ကျွန်မဟာ မယုံနိုင်လောက်စရာစွမ်းအားတစ်ခုနဲ့ တွန်းအားတစ်ခုရဲ့ လှုပ်နှိုးမှုကို ခံ လိုက်ရသလိုပါပဲ။ သေးငယ်တဲ့အဲ့ဒီအခိုက်အတန့်လေးအတွင်းမှာ ကျွန်မဟာ ကျွန်မရဲ့ဘဝကို ကျွန်မ လက်တွေနဲ့ ကိုယ်ပိုင်ဖန်တီးရမယ်ဆိုတဲ့ဆုံးဖြတ်ချက်ချဖို့ လမ်းကြောင်းမှန်ကို ရှာတွေ့လိုက်တော့ တယ်။ ပြီးတော့ ကျွန်မနဲ့တကယ်ထိုက်တန်တဲ့ဘဝတစ်ခုမှာ နေထိုင်ဖို့ပေါ့။
ကျွန်မဟာ အိမ်ကိုအမြန်ပြန်ပြီး ကျွန်မဖြစ်ချင်ခဲ့တဲ့အိပ်မက်တွေ၊ ပန်းတိုင်တွေ၊ ကျွန်မဘဝမှာ အမြဲတမ်းလိုချင်ခဲ့တဲ့အရာတွေအကြောင်းကို တစ်ခုချင်းချရေးလိုက်တယ်။
နောက်ဆုံးမှာတော့ ကျွန်မဟာ ကျွန်မရဲ့အမြင်တွေကို ပြောင်းလဲနိုင်ခဲ့ပြီ။ ကျွန်မနှလုံးသားရဲ့ စ ကားသံတွေကို နားထောင်နိုင်ခဲ့ပြီ။ ကျွန်မအတွက် ကောင်းမွန်တဲ့အရာတွေကိုပဲ ကျွန်မ ပြုလုပ်နိုင်ခဲ့ပြီ။ ကျွန်မရဲ့စိတ်ကော၊ နှလုံးသားကော၊ ဘဝတစ်ခုလုံးကိုကော ပြတ်သားအောင် လုပ်နိုင်ခဲ့ပြီ။ ကျွန်မကို ဖိနှိပ်ဖို့ကြိုးစားတဲ့လူတွေနဲ့ ကျွန်မဝေးဝေးနေလိုက်တယ်။ ကျွန်မဟာ လက်ရှိအချိန်မှာပဲ အသက်ရှင်ဖို့ ဆုံးဖြတ်ချက်ချမှတ်ခဲ့တယ်။ ဒါဟာ လွယ်ကူတဲ့အလုပ်တော့မဟုတ်ပါဘူး။ ဒါပေမဲ့ ဒီလို မှမပြင်ဆင်ရင် လည်း ဘဝက စိတ်ပျက်စရာတွေနဲ့ပဲ အဆုံးသတ်သွားရတော့မှာပါ။ ခက်ခဲပေမဲ့ ကျွန်မကြိုးစားဖို့သာ ဆုံးဖြတ်ခဲ့တယ်။
အခုဆို စက္ကန့်တိုင်းမှာ ကျွန်မပျော်ရွှင်နေခဲ့ပြီ။ ဒီလိုဖြစ်ဖို့ နေ့ချင်းညချင်း ပြောင်းလဲခဲ့တာမဟုတ် ပါဘူး။ အဆင့်ဆင့်ဖြတ်သန်းလာခဲ့ရတာပါ။ ဖြတ်သန်းလာရသမျှနဲ့ ထိုက်တန်တဲ့ပျော်ရွှင်မှုကိုလည်း ကျွန်မ တကယ်ရရှိခဲ့တယ်။
တကယ်လို့ သင်ကလည်း ကျွန်မလိုပဲ စိတ်ပျက်အားငယ်စရာတွေနဲ့ ဖြတ်သန်းနေတဲ့လူဆိုရင် ကျွန်မပြောတာကို ယုံပါ။ သင်ဟာ ဘယ်လိုလူပဲဖြစ်နေနေ လှပပြီးတန်ဖိုးရှိတဲ့လူတစ်ယောက်ပါ။ ဒါ ကြောင့် သင့်တန်ဖိုးကို သင်ကိုယ်တိုင်ပွေ့ဖက်ဖို့ ပြောင်းလဲမှုလေးတစ်ခုပြုလုပ်ချင်တဲ့ သတ္တိလေးတစ် ခုပဲ မွေးမြူလိုက်ပါနော်။
စာစောင်လေးကို ကြိုက်နှစ်သက်တယ်ဆိုရင် SHARE လိုက်ပါဦး။
