ကိုယ့်လက်တွဲဖော်က “ယုံကြည်မှုနဲ့ ထိုက်တန်လား”လို့ ခံစားနေရသူတိုင်း ဒီစာလေးကို ဖတ်ကြည့်ပါ။

blank

တစ်ခါတလေမှာ ကျွန်မတို့ဟာ တစ်ယောက်တည်း အထီးကျန်နေရမှာကို ကြောက်ပြီး ယုံကြည်မှုနဲ့ မထိုက်တန်တဲ့ အချစ်ရေးတစ်ခုကို ဖက်တွယ်နေတတ်ကြတယ်။ တစ်ယောက်တည်းနေရတာထက် စာရင်တော့ အတူတူရှိနေရင် ပြီးတာပဲလို့တွေးနေတတ်ကြတယ်။ ဒီလို ယုံကြည်မှုကင်းမဲ့နေတဲ့ Relationship မှာဇွတ်အတင်း ဖက်တွယ်ထားတာထက် ကိုယ်ကဘာကိုတန်ဖိုးထားဖို့ လိုအပ်နေလဲဆိုတာကို ပြန်စဉ်းစားသင့်ပါပြီ။ ယုံကြည်မှု မရှိနေတာက ဘာကြောင့်လဲဆိုတာကို နားလည်ဖို့ လိုအပ်ပြီ။

ဤဆောင်းပါးကိုဂန္ထဝင်မဂ္ဂဇင်းမှရေးသားတင်ဆက်သည်။

တစ်ခါတလေမှာ ကျွန်မတို့ လူတစ်ယောက်ကို ယုံကြည်မှု မရှိနေတာက ဒီလူ့အပြစ်မဟုတ်ဘဲနဲ့ ကိုယ်အတိတ်မှာ ရခဲ့တဲ့ နာကျင်မှုတွေ၊ ဒဏ်ရာတွေက အကြောက်တရားအဖြစ် ရင်ထဲမှာ ကိန်းအောင်းနေတာကြောင့်လည်း ဖြစ်နိုင်ပါတယ်။ ဒါမှမဟုတ် သူ့ရဲ့ လုပ်ရပ်တွေက ကိုယ့်အတွက် ယုံကြည်ရခက်နေတာမျိုးလည်း ဖြစ်နိုင်ပါတယ်။ အဲ့ဒီအခါမျိုးမှာ ကျွန်မတို့က သူ့ရဲ့ဖုန်းကို သွားပြီး ချောင်းကြည့် နေတာမျိုးတို့၊ မက်ဆေ့ခ်ျတွေ ခိုးကြည့်တာမျိုးတို့ လုပ်တတ်ကြတယ်။ တစ်ယောက်တည်းပူလောင်နေတတ်တယ်။ တကယ်တော့ ကိုယ့်ရဲ့အကြောက်တရားတွေက သူတို့ကို မတားဆီးနိုင်ဘူးဆိုတာနဲ့ ဒါဟာနှစ်ယောက်စလုံးအတွက် အဆင်မပြေဘူးဆိုတာ ကျွန်မတို့ သိသင့်ပါတယ်။ ကိုယ်လုပ်လို့ ရတာက အတိတ်က နာကျင်မှုတွေကြောင့် သူ့အပေါ်မှာ သံသယတွေ ဖြစ်နေတာလား။ အတွေးလွန်နေတာလား။ သူကတကယ်ကို ယုံကြည်မှုတွေနဲ့ ထိုက်တန်တဲ့သူ မဟုတ်လို့လား။ ဒီလူနဲ့ ကိုယ်တန်ဖိုးမကိုက်ညီဘူးဆိုရင် ကိုယ်ဒီလူနဲ့ဘာလို့ဆက်ပြီး ရှိနေချင်တာလဲ။ ကိုယ့်ကိုယ်ကိုယ်မေးကြည့်ဖို့ပါပဲ။

ကိုယ့်ကိုယ်ကိုယ်နားလည်ဖို့ ကြိုးစားကြည့်ပါ။ အဲ့ဒီလိုနားလည်မှုအပေါ်မှာမှ ကိုယ့်အနေနဲ့ ဘယ်လိုတုံ့ပြန်ရမလဲဆိုတာကို နှိုက်နှိုက်ချွတ်ချွတ်စဉ်းစားကြည့်ပါ။ လူတစ်ယောက် ကိုယ့်အတွက် ယုံကြည်မှုနဲ့ မထိုက်တန်ဘူးလို့ ခံစားနေရရင် သင့်တန်ဖိုးထားတဲ့အရာတွေနဲ့မကိုက်ညီဘူးဆိုရင်တစ်ယောက်တည်း ဖြစ်သွားမယ်ဆိုတဲ့ အကြောက်တရားတစ်ခုတည်းအတွက် သူ့ကို ဖက်တွယ်ထားသင့်လားဆိုတာကို စဉ်းစားကြည့်လိုက်ပါနော်။