ဒေါသတွေနဲ့ မတုံ့ပြန်မိအောင် ထိန်းချုပ်လို့ ရနိုင်လား….။

blank

ရုတ်တရက် ဒေါသထွက်လာတဲ့အခါ ထိန်းချုပ်နိုင်စေဖို့…။

၁။ ခန္ဓာကိုယ်ရဲ့ ဘယ်နေရာမှာ တောင့်သွားလဲဆိုတာကို သတိထားကြည့်ပါ။ တစ်ခါတလေ ဇက်ကြောတွေတက်လာတယ်။ နဖူးရှုံ့လာတယ်။ အဲ့ဒီတော့ ကိုယ့်အနေနဲ့ ဘယ်နေရာမှာ အကြောတွေက တောင့်နေလဲ ဆိုတာကို အာရုံစိုက်ပါ။ ဒေါသကြောင့် တောင့်သွားတဲ့အကြောတွေကို ဂရုစိုက်ပြီး ပြန်ဖြေလျှော့လိုက်ပါ။

၂။ ကိုယ်လုပ်လက်စအရာတစ်ခုခုကို အရှိန်နဲ့လုပ်နေရင်း စိတ်တိုလာတဲ့အခါ အရှိန်လေးနည်းနည်းလျှော့လိုက်ပါ။ တစ်ခါတလေ ဒေါသကို အရှိန်မြင့်ပေးပြီး အသိဉာဏ်ကို အလုပ်မပေးတဲ့အခါ သူများက စိတ်တိုအောင်လုပ်တဲ့အခါ အော်ထည့်ပစ်လိုက်တာမျိုး ဖြစ်တတ်ပါတယ်။ ဒါကြောင့်မို့ အသိဉာဏ်နဲ့ချိန်ဆပြီး ဒေါသကို ပြန်ဆင်ခြင်ကြည့်မယ်ဆိုရင် ကိုယ့်အနေနဲ့ နောင်တရမယ့် စကားမျိုး မပြောမိတော့ပါဘူး။

၃။ ရုတ်တရက်စိတ်တိုလာရင် အသက်ကို ဝဝရှူပါ။ ပြီးနောက် လေကို ဖြည်းဖြည်းချင်းရှူသွင်းပါ။ လေကို အပြည့်အဝရှူထုတ်ပါ။ ဒီနည်းလမ်းက စိတ်ကို အေးချမ်းစေပြီး ဒေါသကြောင့် မတည်ငြိမ်တဲ့သင့်စိတ်ကို ထိန်းချုပ်စေနိုင်ပါတယ်။

ဤဆောင်းပါးကို ဂန္ထဝင် မဂ္ဂဇင်းမှ ရေးသားတင်ဆက်သည်။

၎။ ကိုယ့်ကိုယ်ကိုယ် စာနာစိတ်၊ သနားကြင်နာစိတ်နဲ့ ပြန်လည်သုံးသပ်ပါ။

၅။ ကိုယ့်ရဲ့ဒေါသတွေက ဘယ်နေရာကနေလာတာလဲဆိုတာကို ပြန်ပြီးတော့မှ အာရုံစိုက်ကြည့်ပါ။ တစ်ခါတလေမှာ လူတွေက စိတ်တိုအောင် လာပြောတဲ့ ဒီလူရဲ့စကားကိုပဲ ဒေါသထွက်စရာလို့ ထင်တယ်။ အမှန်တော့ သူပြောတဲ့စကားက မှန်နေလို့၊ ကိုယ့်မာနကို ထိခိုက်သလိုဖြစ်သွားလို့၊ ဒီလူကို ပြန်တိုက်ခိုက်မယ်ဆိုပြီး ဒေါသကြီးတာလည်း ဖြစ်စေနိုင်တယ်။ အဲ့ဒီတော့ ကိုယ်စိတ်တိုသွားတဲ့စကားမှာ နောက်ခံအကြောင်းအရင်းရှိလားဆိုတာကို ကိုယ့်ကိုယ်ကိုယ် ပြန်ပြီး သုံးသပ်ကြည့်ပါ။

၆။ ဒေါသဖြစ်နေချိန်မျိုးမှာ ကိုယ့်အနေနဲ့တုံ့ပြန်တဲ့အခါ ချက်ချင်းတုံ့ပြန်လိုက်တာထက် အခြေအနေကို သုံးသပ်ပြီးတော့မှ ပြန်တုံ့ပြန်တာမျိုး ဖြစ်ပါစေ။ ဖတ်ခနဲ တုံ့ပြန်လိုက်ရင် အမှားတစ်ခုခုပါနိုင်တယ်။ ဥပမာ – ကိုယ်ကားမောင်းပြီးသွားနေတယ်။ အရှေ့မှာ ခွေးတစ်ကောင်က ဖြတ်ပြေးသွားတဲ့အခါ ဆဲမိလိုက်တယ်။ ဒီခွေးနောက်ကို ခွေးအုပ်စုလိုက်က လိုက်နေလို့ ကြောက်ပြီးထွက်ပြေးနေတာလားဆိုတာမျိုးလေးတွေ ဖြည့်တွေးပြီး ကိုယ့်အနေနဲ့ နည်းနည်းလေး ကြင်နာတဲ့စိတ်ထားတယ်ဆိုရင် ဒါက စဉ်းစားဉာဏ်ပါပြီးတော့မှ တုံ့ပြန်တာမျိုးဖြစ်တယ်။ ရိုးရိုးတုံ့ပြန်တာထက် စဉ်းစားဆင်ခြင်ဉာဏ်ပါပြီး တုံ့ပြန်တာမျိုးက ပိုမကောင်းဘူးခား။

ဒေါသအရမ်းကြီးပြီး ချက်ချင်းစိတ်တိုတတ်တဲ့အကျင့်ဟာ ကျွန်မတို့ခန္ဓာကိုယ်အတွက် မကျန်းမာတဲ့ဓာတ်တွေလည်း ဖြစ်စေတာမို့ ရုပ်ပိုင်းဆိုင်ရာ ကျန်းမာရေးကိုလည်း ဒေါသက အများကြီး ထိခိုက်စေနိုင်ပါတယ်။

ဒါကြောင့်မို့ ကျွန်မတို့တွေအနေနဲ့ ရုတ်တရက်စိတ်တိုချိန်မှာ ဒီအဆင့် (၆)ဆင့်လုံး လုပ်ဖို့ဆိုတာ မလွယ်ကူပေမယ့် နောက်ပိုင်းမှာ ဒီအချက် (၆) ချက်ကို ဖြည်းဖြည်းချင်းစီ အကျင့်တစ်ခုအနေနဲ့ လုပ်လာနိုင်ရင် ရေရှည်အတွက်လည်း အရမ်းကောင်းလာမယ်လို့ မြင်မိပါတယ်။
————————————————————