တစ်ခါတစ်ရံမှာ ထူးဆန်းတဲ့အိပ်မက်တွေကို ဘာကြောင့်မက်ကြတာလဲ။

blank

စာချစ်သူတို့ရေ…

လူတိုင်းမှာတော့ နိုးလာချိန်မှာ ယုတ္တိမရှိသလို ခံစားရတဲ့ ထူးထူးဆန်းဆန်းအိပ်မက်တွေအကြောင်း ပြောပြစရာကိုယ်စီရှိကြမယ်ထင်ပါတယ်။ အဲ့ဒီလိုယုတ္တိမရှိတဲ့ထူးထူးဆန်းဆန်းအိပ်မက်တွေကိုမက်ရတဲ့ အ ကြောင်းရင်းနဲ့ပတ်သက်ပြီးတော့လည်း လေ့လာတွေ့ရှိချက်တွေ ရှိနေပါတယ်။

အဲ့ဒီတွေ့ရှိချက်တွေအရ လူတိုင်းမှာ အိပ်မက်တွေအမြဲရှိနေကြတာဟာ လူတွေဟာ နေ့စဉ်နဲ့အမျှ မတူ ညီတဲ့အမျိုးမျိုးသော ခံစားချက်တွေ၊ အဖြစ်အပျက်တွေကို တွေ့ကြုံနေကြရတာကြောင့်လို့ ဆိုပါတယ်။ ပြီးတော့ လူတွေအိပ်ပျော်နေချိန်မှာ ဦးနှောက်ကတော့ အလုပ်ဆက်လုပ်နေပါတယ်။ ရေရှည်မှတ်ဉာဏ်နဲ့ ရေတိုမှတ် ဉာဏ်တွေကို ခွဲခြားမှုတွေပြုလုပ်သလို ဟိုးအရင်ကတည်းက ကြုံခဲ့တဲ့အဖြစ်အပျက်တွေနဲ့ လတ်တလောကမှ ကြုံထားရတဲ့ အဖြစ်အပျက်တွေကိုလည်း နှိုင်းယှဉ်မှုတွေပြုလုပ်နေပါတယ်။ ဒါကြောင့် တစ်ခါတလေမှာ လက်ရှိ ကိုယ်လတ်တလောရှင်သန်နေတဲ့နေရာအသစ်မှာ ကိုယ်ကလေးဘဝတုန်းက မွေးခဲ့ဖူးတဲ့ အိမ်မွေးတိရစ္ဆာန်လေး တွေနဲ့ အတူဆော့ကစားနေတာမျိုးတွေ မြင်မက်ကြတာဖြစ်ပါတယ်။

ဤဆောင်းပါးကို ဂန္ထဝင် မဂ္ဂဇင်းမှ ရေးသားတင်ဆက်ခြင်းဖြစ်သည်။

ဒါတွေအားလုံးဟာ အိပ်စက်ခြင်းရဲ့ R.E.M လို့ခေါ်တဲ့ အဆင့်တစ်ခုမှာ ဖြစ်ကြတာပါ။ ဒီအဆင့်မှာ ယုတ္တိဗေဒကို ဆန်းစစ်နိုင်ဖို့အတွက် တာဝန်ယူတဲ့အစိတ်အပိုင်းတစ်ခုကလွဲပြီး ဦးနှောက်ရဲ့ကျန်အစိတ်အပိုင်း အားလုံး သက်ဝင်လှုပ်ရှားကြပါတယ်။ ယုတ္တိဗေဒရှိမရှိ ဆန်းစစ်ဖို့ တာဝန်ယူတဲ့ norepinephrine နဲ့ serotonin တို့ဟာ အိပ်ပျော်နေချိန်အတွင်းမှာ လျော့နည်းနေကြပါတယ်။ ဒါကြောင့် အိပ်မက်ထဲမက်တဲ့အကြောင်းအရာ တွေဟာ တစ်ခါတစ်ရံ အပြင်မှာ မဖြစ်နိုင်လောက်တဲ့ ထူးထူးဆန်းဆန်းတွေဖြစ်နေတာ အံ့သြစရာမဟုတ်ပါဘူး။ အိပ်မက်ထဲမှာမြင်မက်ခဲ့တဲ့အရာတွေအားလုံးဟာ တကယ်မဟုတ်ဘူးဆိုတာကိုလည်း နိုးလာမှပဲ သိကြရတာ ဖြစ်ပါတယ်။

သင်ကော အိပ်မက်တွေနဲ့ပတ်သက်ပြီး ဘယ်လိုနားလည်ထားလဲဆိုတာ comment မှာ မျှဝေခဲ့ပါဦး နော်။