ဒီနေ့ အဆင်မပြေဘူးလား။
သင့်ပတ်ဝန်းကျင်မှာ လူတိုင်းလိုလိုအောင်မြင်နေကြပြီး သင်တစ်ယောက်တည်းပဲ အဆင်မပြေတာ ဘာကြောင့်များပါလိမ့်လို့ တိတ်တိတ်လေးအားငယ်ဝမ်းနည်းမိနေလား။
အဲ့ဒီလိုတွေးမိလိုက်ချိန်မှာ သင့်ထက်နိမ့်ကျနေတဲ့၊ သင့်ထက်အဆင်မပြေဖြစ်နေတဲ့သူတွေကိုကော သတိရ မိလား။
တချို့တွေမှာ သင့်လိုအခက်အခဲတွေ့စရာ အလုပ်အကိုင်တောင်ရှိမနေကြပါဘူး။ အလုပ်တွေ အပူတပြင်း ရှာဖွေနေကြရတယ်။
တချို့တွေမှာ သင့်လိုရှုံးနိမ့်စရာကြိုးစားခွင့်တောင် ရှိမနေကြဘူး။ သူတို့ကိုကြိုးစားခွင့်ပေးမယ့်နေရာတွေ လိုက်ရှာနေကြရတယ်။
ပြီးတော့ သင့်အထက်ကလူတွေကိုလည်း တစ်ချက်မော့ကြည့်လိုက်ပါ။
သင်အားကျပါတယ်ဆိုတဲ့ အောင်မြင်မှုတွေရရှိဖို့ နောက်ကွယ်မှာ သူတို့ထမ်းပိုးထားရတဲ့ ဝန်ထုပ်ဝန်ပိုးတွေက သင်မြင်နိုင်တာထက် အဆပေါင်းများစွာ ရှိနေကြတယ်။
ဤဆောင်းပါးကို ဂန္ထဝင်မဂ္ဂဇင်းမှ ရေးသားတင်ဆက်ခြင်းဖြစ်သည်။
အဲ့ဒီတစ်နေရာရောက်ဖို့ သင်မသိနိုင်တဲ့ရင်းနှီးပေးဆပ်မှုတွေအများကြီး ရှိခဲ့လိမ့်မယ်။
သင်မြင်နေရတာထက် ပိုပင်ပန်းနေတဲ့နေ့ရက်တွေလည်း သူတို့မှာ ရှိနေကြတယ်။
ယုံပါ…. လူတိုင်းဟာ အတူတူပါပဲ။ ကျားကြီးခြေရာကြီးဆိုတဲ့အတိုင်း နေရာအလိုက် ပင်ပန်းမှုတွေ၊ ရုန်းကန်ရမှု တွေ၊ အခက်အခဲတွေကို ကိုယ်စီရင်ဆိုင်နေကြရသူတွေချည်းပါပဲ။ ရောက်တဲ့နေရာမှာ ရှိတဲ့အခက်အခဲတွေ၊ ကိုယ့်ဖြစ်တည်မှုတွေကို လက်ခံဖို့မကြိုးစားသေးသရွေ့ ဘယ်နေရာရောက်ရောက် စိတ်ပင်ပန်းနေဦးမှာပဲ။ ကိုယ့်အပြစ်အနာအဆာတွေကို အားမလိုအားမရဖြစ်နေသရွေ့ ပျော်ရွှင်မှုနဲ့ဝေးနေဦးမှာပါပဲ။
တကယ်တော့ ကိုယ့်အပြစ်အနာအဆာဆိုတာ ကိုယ့်ရဲ့ ကိုယ်ပိုင်အမှတ်အသားပါ။ သန်းပေါင်းများစွာသော လူအားလုံးထဲမှာမှ ကိုယ်တစ်ဦးတည်းသာပိုင်ဆိုင်ခွင့်ရတဲ့ ကိုယ်ပိုင်အမှတ်အသားပါ။ အဲ့ဒီအမှတ်အသားကို လက်ခံကျေနပ်စိတ်ထားတာဟာ ကိုယ့်ကိုယ်ကိုယ်တကယ်ချစ်တာပါပဲ။ ကိုယ့်ဘဝကို တကယ်ချစ်တာပါပဲ။
ကိုယ့်ပျော်ရွှင်မှုကို တကယ်တည်ဆောက်ယူတာပါပဲ။
ဘဝဆိုတာ အဆင်ပြေတဲ့နေ့ရှိမယ်။ အဆင်မပြေတဲ့နေ့ရှိမယ်။ ကိုယ့်ဖြစ်တည်မှုကို လက်ခံကျေနပ်ပြီး ကိုယ့်ကိုယ်ကိုယ်သာချစ်မယ်ဆိုရင် အဆင်ပြေမှု၊ မပြေမှုတွေက အရေးမကြီးတော့ပါဘူး။ နေ့ရက်တိုင်းက စိတ်အေးချမ်းစရာဖြစ်လာမှာပါ။
သင်ကော သင့်အပြစ်အနာအဆာတွေကို လက်ခံကျေနပ်တတ်သူလား။
