ကျွန်မက အသက် (၄၅) နှစ်အရွယ်မိခင်တစ်ဦးပါ။ ကျွန်မမှာ အသက် (၁၆) နှစ်အရွယ် သမီးလေးတစ်ဦးရှိပါတယ်။ ကျွန်မတို့ မိသားစုက မြန်မာနိုင်ငံမြောက်ပိုင်းက မထင်မရှားမြို့လေးမှာ နေထိုင်ကြပါတယ်။ မိသားစုမှာ ကျွန်မ ခင်ပွန်းရယ် ၊ ကျွန်မရယ်၊ ခင်ပွန်းရဲ့အမေ ကျွန်မယောက္ခမရယ်၊ ကျွန်မသမီးလေးရယ် မိသားစုဝင် (၄)ဦးရှိကြပါတယ်။
ဒီနှစ်မှာပဲ (၁၆) နှစ်ပြည့်သွားပြီဖြစ်တဲ့ ကျွန်မသမီးလေးဟာ လှသွေးကြွယ်နေတော့တာပေါ့။ သမီးလေးကို ကျွန်မတို့ မြို့ထဲက လူကုံထံ မိသားစုက သားဖြစ်သူက မျက်စိကျနေတယ်တဲ့။ သူက ကျွန်မတို့နဲ့ လူမျိုးတူ ဆိုတော့ ကျွန်မ ယောက္ခမနဲ့ ကျွန်မအမျိုးသားက သဘောတူတယ်။ လူကြီးချင်း နားဖောက်ထားကြပြီး သမီးလေးနဲ့ အဲ့ဒီကောင်လေးကို မကြာခင် နေရာချပေးဖို့ စီစဉ်ထားကြတယ်။ သမီးလေးရဲ့ ဆန္ဒကို မမေးကြသလို သမီးလေးရဲ့ အမေဖြစ်သူ ကျွန်မရဲ့ ဆန္ဒကိုလည်း မမေးကြဘူး။ သူတို့ဘာသာ သူတို့ပဲ စီစဉ်နေကြတယ်။
မိဘဆွေမျိုး အသိုင်းအဝိုင်းတွေကလည်း သမီးလေးနဲ့ အဲ့ဒီကောင်လေး သင့်တော်တယ်တဲ့။ သဘောတူပေးလိုက်ဖို့ ကျွန်မကို ဝိုင်းဝန်းတိုက်တွန်းကြတယ်။ သမီးကညာ အခါမလင့်စေနဲ့လို့လည်း ပြောကြတယ်။ အခါလင့်တယ် ပြောရအောင် ကျွန်မသမီးလေးက အခုမှ (၁၆) နှစ်ပဲရှိသေးတာ။ ကျွန်မမျက်စိထဲမှာတော့ သူက ကလေးသာသာပဲရှိသေးတယ်မဟုတ်လား။ ကျွန်မ အမျိုးသားက အစိုးရဝန်ထမ်း၊ ကျွန်မကတော့ အိမ်မှာနေရင်း စက်ချုပ်တဲ့အလုပ်ကိုလုပ်တယ်။ ကျွန်မသမီးလေးကလည်း ကျွန်မလိုပဲ စက်ချုပ်ဝါသနာပါတယ်။ သမီးလေးက သူကြီးလာရင် ရန်ကုန်မြို့ကြီးမှာ ဒီဇိုင်နာသင်တန်းတက်ချင်တယ်။ အောင်မြင်တဲ့ဒီဇိုင်နာဖြစ်ချင်တယ်ဆိုတဲ့အကြောင်းကို ကျွန်မကိုပြောဖူးတယ်။ သမီးလေးကို အခုကတည်းက အိမ်ထောင်ချပေးလိုက်ရင် သမီးလေးရဲ့ ရှေ့ရေးကို ပိတ်ပင်သလို ဖြစ်သွားမှာပေါ့။ သမီးလေးအရွယ်က အခုမှ အညွှန့်တလူလူ တက်ရမယ့်အရွယ်။ အိပ်မက်တွေ အနာဂတ်ပန်းတိုင်တွေကို အကောင်အထည်ဖော်ရမယ့်အရွယ် မဟုတ်လား။ အချစ်ဆိုတာ ဘယ်လိုမျိုးလဲဆိုတာတောင် သူသိချင်မှ သိဦးမှာ။ ဒီလိုအခြေအနေမျိုးမှာ အိမ်ထောင်ပြုပေးဖို့ဆိုတာက အရမ်းကိုစောသေးတယ်လို့ ကျွန်မထင်တယ်။
ဤဆောင်းပါးကို ဂန္တဝင် မဂ္ဂဇင်းမှ ရေးသားတင်ဆက်သည်။
ကျွန်မလေ ကျွန်မရဲ့ အယူအဆတွေ အတွေးအခေါ်တွေကို ကျွန်မခင်ပွန်းနဲ့ သမီးလေးကို ပြောပြဖြစ်တယ်။ သမီးလေးရဲ့ သဘောကလည်း ကျွန်မသဘောနဲ့ ထပ်တူပါပဲ။ သူ အိမ်ထောင်မပြုချင်သေးဘူးတဲ့။ သမီးလေးဘက်က ဒီလိုပြောတာတောင် ကျွန်မခင်ပွန်းက အလျှော့မပေးဘဲ လက်မထပ်ချင်သေးဘူးဆိုရင်တောင် စေ့စပ်ထားဖို့ တိုက်တွန်းတယ်။ သမီးမိန်းကလေးတစ်ယောက်တည်း လူ့လောကထဲမှာ အသက်ရှင်သန်ဖို့ မဖြစ်နိုင်ဘူးတဲ့။ သမီးလေးဘဝကို လုံခြုံမှုပေးမယ့် ယောက်ျားကောင်းတစ်ယောက်လိုအပ်တယ်လို့ ခင်ပွန်းသည်က ပြောတယ်။ ကျွန်မကတော့လေ သမီးလေးဘဝ စီးပွားရေးအရကော လူမှုရးအရပါ စိတ်ချလုံခြုံမှုရှိစေဖို့ အိမ်ထောင်ချပေးမယ့်အစား သမီးကို ကိုယ့်ဘဝကိုယ် တည်ဆောက်တတ်အောင် ကိုယ့်ကိုယ်ကိုယ် ယုံကြည်မှုရှိအောင်ပဲ ပြုစုပျိုးထောင်ပေးချင်တယ်။ ကျွန်မ ဒီလိုတွေ ပြုမူနေလို့ ကျွန်မ ခင်ပွန်းနဲ့ ကျွန်မ စကားများရပေါင်းလည်းများပြီ။ ကျွန်မယောက္ခမကလည်း ကျွန်မကို စကားမပြောတော့ဘူး။ ကျွန်မလေ သမီးလေးရဲ့ အနာဂတ်အိပ်မက်တွေကို အကောင်အထည်ဖော်ပေးချင်တယ် တစ်ဖက်မှာလည်း ကျွန်မ ယောက္ခမနဲ့ ကျွန်မ ခင်ပွန်းရဲ့ မျက်နှာတွေကိုလည်း ကြည့်နေရသေးတယ်။
ကျွန်မဘယ်လိုလုပ်ရမလဲ မသိတော့လို့ ကျွန်မကို အကြံဉာဏ်ကောင်းလေးတွေရှိရင် ပေးသွားကြပါဦး။
