စာချစ်သူတို့ရေ…
အတိတ်မှာ ပျော်စရာကောင်းတဲ့အရာလေးတွေ ရှိနေတဲ့အခါ ကျွန်မတို့တွေဟာ အဲ့ဒီအချိန်လေးတွေကို ဆုပ်ကိုင်ထားချင်ကြပါတယ်။ အဲ့ဒီအချိန်လေးတွေကို ဒီအတိုင်းဆက်တည်ရှိနေစေချင်ကြတယ်။ အပြောင်းအလဲ တွေကိုလည်း မလိုချင်ကြတော့သလို ကျွန်မတို့ကမ္ဘာကိုလည်း ရှေ့ဆက်မတိုးချင်ကြတော့ပါဘူး။ ထပ်ရောက် လာမယ့်အသစ်တွေက ကျွန်မတို့ပိုင်ဆိုင်ထားပြီးသား အတိတ်ကအချိန်တွေလို ပျော်စရာမကောင်းတော့မှာကို ကျွန်မတို့ကြောက်ကြပါတယ်။
ဒါနဲ့ပဲ ကျွန်မတို့တွေဟာ အတိတ်ဆိုတဲ့အရိပ်အောက်မှာပဲ လောင်းရိပ်မိပြီး နေနေကြပါတယ်။
ကျွန်မတုိ့တွေဟာ မနေ့တုန်းက အချိန်တွေအကြောင်း စဉ်းစားရင်း၊ စိတ်ကူးယဉ်ရင်းနဲ့ ပစ္စုပ္ပန်ကာလရဲ့ အချိန်အများစုကို ဖြုန်းတီးနေမိကြပါတယ်။ ပြီးတော့ လက်ရှိအချိန်ဟာမနေ့တုန်းကလောက် ပျော်စရာမကောင်း ဘူး၊ မသာယာဘူးဆိုပြီးတော့လည်း ဝမ်းနည်းနေတတ်ကြတယ်။ ဆုံတွေ့ခဲ့ဖူးတဲ့လူတွေကို လွမ်းဆွတ်ကြ တယ်။ အရင်အချိန်တွေရဲ့ လွတ်လပ်မှုအရသာကို ပြန်တောင့်တကြတယ်။
အဲ့ဒီအချိန်မှာ ကျွန်မတို့မေ့နေကြတာက ကျွန်မတို့အတိတ်မှာ ဘာတွေပဲရှိခဲ့ပါစေ၊ အခုအချိန်မှာ ဘယ် လိုအခြေအနေမျိုးမှာပဲ ရှိနေပါစေ၊ ကျွန်မတို့ရဲ့ဘဝတွေကတော့ ရှေ့ဆက်သွားနေတယ်ဆိုတာကိုပါ။ မှန်ပါ တယ်။ ကမ္ဘာကြီးကလည်း ဆက်လက်ပြောင်းလဲနေတာပါပဲ။ နေ့ရက်တွေ၊ လတွေကလည်း ဖြတ်သန်းသွားနေ တာပါပဲ။ နှစ်တွေကလည်း ရှေ့ဆက်တိုးလာနေတာပါပဲ။ တကယ်တော့ အဲ့ဒီအရာတွေနဲ့အတူ ကျွန်မတို့က ရှင် သန်ဖို့ ကြိုးစားနေရမှာပါ။ ဘာကြောင့်လဲဆိုတော့ ဘဝက ကျွန်မတို့ကို စောင့်နေမှာ မဟုတ်လို့ပါပဲ။ ပြီးတော့ လက်ရှိအချိန် ကျွန်မတို့ဘေးနားမှာ ရှိနေတဲ့လူတွေကလည်း ကျွန်မတို့ကို စောင့်နေကြမှာ မဟုတ်ပါဘူး။
ဤဆောင်းပါးကို ဂန္ထဝင် မဂ္ဂဇင်းမှ ရေးသားတင်ဆက်ခြင်းဖြစ်သည်။
အရာအားလုံး အချိန်နဲ့အမျှ ပြောင်းလဲနေကြချိန်မှာ ကျွန်မတို့က ရပ်နေလို့ မရပါဘူး။ ကျွန်မတုိ့ဘဝတွေ တိုးတက်ဖို့၊ မြင့်မားဖို့၊ နောက်ထပ်အဆင့်တွေဆီ တက်လှမ်းနိုင်ဖို့ ကျွန်မတို့လည်း အကောင်းဆုံးကြိုးစားရင်း ရှေ့ဆက်နေရမှာပါ။ ရှိပြီးသားအချိန်တွေလောက် မကောင်းဘူးဆိုရင်တောင် နောက်လာမယ့်အချိန်တွေကို လည်း ကျွန်မတို့ ငြင်းဆန်နေလို့ မရပါဘူး။ ရောက်လာသမျှအရာတိုင်းကို ကျွန်မတို့ ရင်ဆိုင်ရမှာ၊ အကောင်းဆုံး ပွေ့ဖက်ရမှာပါ။
ဒါကြောင့် အတိတ်ကို ချစ်တယ်ဆိုရင်တောင် ဒီနေ့ကိုလည်း မမေ့ပါနဲ့။ မနက်ဖြန်ကိုလည်း အကောင်း ဆုံးရှေ့ဆက်ဖို့သာ ကြိုးစားလိုက်ပါနော်။
အပြုသဘောဆောင်စာစောင်လေးကို နှစ်သက်တယ်ဆိုရင် SHARE လိုက်ပါဦးနော်။
