အစစအရာရာ အဆင်ပြေနေတိုင်း ယောက်ျားက မဖောက်ပြန်တော့ဘူးလား။

blank

ကျွန်မ နာမည်က သီသီပါ။ အိမ်ထောင်ကျတာ ၁၅ နှစ်ရှိပါပြီ။ လိမ္မာရေးခြားရှိပြီး စာတော်တဲ့ ချစ်စရာ သမီးနဲ့ သားအမြွှာလေးနှစ်ယောက်ကိုလည်း ပိုင်ဆိုင်ထားပါတယ်။ နှစ်ဖက်မိသားစုနဲ့လည်း အဆင်ပြေပါတယ်။ အထူးသဖြင့် ကျွန်မအမျိုးသားဘက်က မိသားစုဖြစ်တဲ့ ကျွန်မယောက္ခမတွေ၊ ကျွန်မယောက်မတွေကလည်း ကျွန်မကို သိပ်ချစ်ကြတယ်။ အိမ်ထောင်မကျခင်က စာအုပ်တွေ၊ ဗီဒီယိုတွေထဲဖတ်ဖူး၊ ကြည့်ဖူးသလို ယောက္ခမ တွေဆိုးတာ၊ ယောက်မတွေ မကောင်းတာတွေဆိုတာ ကျွန်မ တကယ်အိမ်ထောင်ကျတော့ တက်တက်စင် အောင် လွဲတာပါပဲ။ ကျွန်မအမျိုးသားက အင်ဂျင်နီယာတစ်ယောက်ဆိုတော့ ကျွန်မတို့စီးပွားရေးလည်း အဆင် ပြေတယ်။ ပြီးတော့ ကျွန်မတို့ဇနီးမောင်နှံကြားမှာလည်း ဘာပြဿနာမှမရှိဘူး။ ကိုယ်စားမယ်ဆိုရင် သူလည်း စားမယ်။ သူသွားမယ်ဆိုရင် ကိုယ်လည်း လိုက်ပြီးသားပဲ။
ကြီးကြီးကျယ်ကျယ် သဘောထားကွဲလွဲလို့ ညှိနှိုင်းယူရတဲ့အရာဆိုတာ အိမ်ထောင်သက် ၁၅ နှစ် အ တွင်းမှာ မရှိခဲ့ဘူး။ ပြောရရင် သူငယ်ချင်းအပေါင်းအသင်းတွေကြားမှာ ကျွန်မအိမ်ထောင်ရေးက အပြစ်ပြောစရာ မရှိတဲ့ အားကျစရာအိမ်ထောင်ရေးတစ်ခုလိုတောင် ရပ်တည်လာခဲ့တာပါ။

ဒါပေမဲ့… အခုတော့ အဲ့ဒီထင်မြင်ချက်တွေက မှားသွားပါပြီ။ သိပ်မကြာခင်ကဘဲ ကျွန်မအမျိုးသား ဖောက်ပြန်တာကို လက်ပူးလက်ကြပ်မိခဲ့တယ်။ အွန်လိုင်းပေါ်က တွေ့ကြတာတဲ့။ ပြီးတော့ အပြင်မှာချိန်းတွေ့ တဲ့အထိဖြစ်လာမှ ကျွန်မသိခဲ့တာပါ။ သူ့ကိုမေးတော့လည်း ဝန်ခံတယ်။ အပျင်းပြေပါတဲ့။ ကျွန်မသိသွားပြီဆို တော့ ဆက်လည်းမလုပ်တော့ပါဘူးတဲ့။ ကျွန်မကိုလည်း တောင်းပန်တယ်။ ဒါပေမဲ့… ကျွန်မကတော့ သူ့ကို ကြောက်သွားတယ်။ ကျွန်မမှာ ဘာအပြစ်ရှိလို့လဲဆိုတော့လည်း မရှိဘူးတဲ့။ ကျွန်မကို မချစ်တော့လို့လား ဆို တော့လည်း ချစ်တယ်တဲ့။ အဲ့ဒါဆို ဘာလို့ဖောက်ပြန်တာလဲဆိုတော့ အပျင်းပြေစိတ်ကစားမိတာပါတဲ့။ ကျွန်မ တော်တော်ရှော့ခ်ရသွားတယ်။ ကျွန်မနဲ့ပေါင်းနေတဲ့ယောက်ျားတစ်ယောက်မှာ ကျွန်မသိမထားတဲ့ တခြား အခြမ်းတစ်ခုရှိနေတာ မြင်လိုက်ရသလိုပဲ။ သူ့ကို ကျွန်မမယုံတော့ဘူး။ စိတ်လည်း မချတော့ဘူး။ တစ်ခါ ခြံခုန်ဖူးတဲ့သူ့ကို ခွင့်လွှတ်လိုက်ခြင်းအားဖြင့် နောက်ထပ်လည်း သူခြံခုန်နေဦးမှာပဲဆိုတဲ့ စိတ်ကြီးစွဲနေတယ်။
ယောက်ျားတွေက အံ့သြစရာသိပ်ကောင်းတာပဲ။

အစစအရာရာအဆင်ပြေပြီး ကိုယ်တိုင်လည်း ကိုယ့်ဇနီးကို ချစ်သေးပါရက်နဲ့ နောက်တစ်ယောက်နဲ့ ဖောက်ပြန်နိုင်တယ်လား။ ဘာအတွက် ဖောက်ပြန်တာလဲ။ ဒီအိမ်ထောင်မှာလည်း ပျော်တယ်။ ပျော်အောင် လည်း ထားတယ်။ အဲ့ဒါကို အပျင်းပြေဆိုပြီး နောက်ထပ်အသစ်ရှာစရာလား။ လောလောဆယ်တော့ သူ့စကား အတိုင်း နောက်ကောင်မလေးနဲ့မဆက်သွယ်ဘဲနေနေတယ်။ (ဟုတ်ချင်မှလည်း ဟုတ်မှာပါ။ ဒါပေမဲ့ သံသယ ဖြစ်စရာတော့ မတွေ့ပါဘူး။) ဒါပေမဲ့… သူဖောက်ပြန်ခဲ့တယ်။ ကျွန်မမှာ အပြစ်မရှိဘဲ သူဖောက်ပြန်ခဲ့တယ်။ ကျွန်မက အခုမှ အသက် ၄ဝ ပါ။ လူကလည်း နုတုန်း၊ လှပတုန်းပါ။ ဒီအရွယ်မှာတောင် သူက ဖောက်ပြန်နေပြီ ဆိုရင် နောင်ငါးနှစ်၊ နောင်ဆယ်နှစ်ဆိုရင် သူနောက်ထပ်ဖောက်ပြန်မလာဘူးလို့ ဘယ်သူအာမခံနိုင်သလဲ။

သူ့ကို ခွင့်လွှတ်ရမလား၊ ခွင့်လွှတ်ထိုက်လား၊ ခွင့်မလွှတ်ရဘူးလား ဆိုတာ ကျွန်မ ဝေခွဲမရဘူး။
ဘာဆက်လုပ်ရမယ်မှန်းလည်း မသိဘူး။ ယုံကြည်စရာမရှိတော့တဲ့ ယောက်ျားတစ်ယောက်အပေါ် ကိုယ့်အိမ်ထောင်ဦးစီးရယ်လို့ လေးစားရိုသေမှုတွေဆိုတာလည်း ရင်ထဲမှာ မရှိတော့ပါဘူး။ သူ့ကို မြင်တိုင်း သူဖောက်ပြန်တာကြီးနဲ့ တွဲတွဲမြင်နေတယ်။

ဖြစ်နိုင်ရင်တော့ ကျွန်မယောက်ျားအပါအဝင် တချို့သောယောက်ျားတွေကို မေးချင်မိတယ်။
ဒီလောက်အိမ်ထောင်ရေးသာယာနေတာကို ဘာလို့များဖောက်ပြန်ချင်ကြသေးတာလဲ ရှင်တို့ရယ်လို့…။