ကိုယ့်ကိုယ်ကိုယ်ချစ်ခြင်းဆိုတာ ပျော်ရွှင်တဲ့ဘဝအားလုံးရဲ့အခြေခံအုတ်မြစ်ပါ။

blank

ကျွန်မနာမည်ကတော့ ဖြူလေးပါ။ မှတ်မိသလောက်တော့ ကျွန်မတို့မိန်းမသားတွေရဲ့ဘဝမှာ ငယ်ငယ်လေးကတည်းက တခြားသူတွေ အ ပေါ် ကြင်နာမှုရှိဖို့၊ စာနာထောက်ထားမှုရှိဖို့၊ မျှဝေခံစားဖို့၊ ချစ်ခြင်းမေတ္တာထားဖို့တွေကို အမြဲသင်ကြားပေးတာခံ လာကြရပါတယ်။ ကြာလာတဲ့အခါ ကျွန်မတို့ဘဝမှာ ကိုယ့်ကိုယ်ကိုယ်ချစ်ခြင်းဆိုတာ အရေးပါတဲ့အရာဆိုတာ ကိုတောင် နားမလည်တော့ပါဘူး။ အဲ့ဒါနဲ့ပတ်သက်ပြီး ကျွန်မရခဲ့တဲ့ အကြီးမားဆုံးဘဝသင်ခန်းစာလေးကို မျှဝေ ပေးချင်ပါတယ်။ ဘာကြောင့်လဲဆိုတော့ ဒါဟာ မိန်းမသားတိုင်းအတွက် အရေးကြီးလို့ပါ။

လွန်ခဲ့တဲ့ရှစ်နှစ်လောက်က ကျွန်မအိမ်ထောင်ပြုခဲ့တယ်။ ကျွန်မခင်ပွန်းက တစ်မြို့တစ်ရွာသားဖြစ်တဲ့ အတွက် သူနဲ့လက်ထပ်ပြီးတဲ့နောက်မှာ ကျွန်မကလည်း သူရှိတဲ့မြို့ကို လိုက်ပါပြောင်းရွှေ့ခဲ့ပါတယ်။ အဲ့ဒီအချိန် တုန်းက ကျွန်မမှာ သူ့ကိုချစ်တဲ့စိတ်ရယ်၊ ဇနီးကောင်းတစ်ယောက်ဖြစ်ချင်စိတ်ရယ်၊ ကျွန်မတည်ထောင်လိုက်တဲ့ အိမ်ထောင်ရေးသာယာအောင်ကြိုးစားမယ်ဆိုတဲ့စိတ်ရယ်ပဲ ရှိနေပါတယ်။ အဲ့ဒီစိတ်တွေကြောင့် အိမ်ထောင်ရေး မှာ ဘယ်လိုအခြေအနေပဲ ကြုံလာလာ ကျွန်မဘက်က အလျှော့ပေးပြီး စစ်ပြေငြိမ်းပေးဖို့ အဆင်သင့်ဖြစ်နေခဲ့ တယ်။ ကျွန်မခင်ပွန်းကိုပဲ အချစ်တွေအကုန်ပုံပေးခဲ့တယ်။ သူ့စိတ်ချမ်းသာမှုကိုပဲ ဦးစားပေးဖြစ်ခဲ့တယ်။ အဲ့ဒီလို လိုက်လျောခဲ့တာတွေအတွက် ကျွန်မလည်း ပျော်ရွှင်မှုတွေအများကြီးကို ပိုင်ဆိုင်ရလိမ့်မယ်လို့ မျှော်လင့်ခဲ့ တယ်။

ကျွန်မရဲ့မှားယွင်းမှုတွေဟာ အဲ့ဒီအချိန်ကနေ စတင်လာခဲ့တာပါပဲ။ ကျွန်မက ကျွန်မဘာဖြစ်ချင်တာလဲ၊ ကျွန်မဘယ်သူလဲဆိုတဲ့ ကျွန်မဖြစ်တည်မှုတွေအားလုံးကိုမေ့ပြီး ကျွန်မခင်ပွန်းသည်ရဲ့ဘဝထဲကို တိုးဝင်ခဲ့တယ်။ ကျွန်မခင်ပွန်းကတော့ သူ့ဘဝထဲမှာပဲ သူရှင်သန်နေခဲ့ပါတယ်။ အရင်တုန်းကလိုပဲ သူပျော်ရွှင်သလိုနေတယ်။ သူ စိတ်ချမ်းသာမယ်ထင်တာလုပ်တယ်။ သူနေနေကျအတိုင်း ဆက်နေတယ်။ ကိုယ့်ကိုယ်ကိုယ်မေ့ထားတဲ့ ကျွန်မဟာ ကြာလာတဲ့အခါမှာ ကျွန်မဘဝမှာ မပျော်ရွှင်တော့ဘူး။ အထီးကျန်လာတယ်။ ကျွန်မကိုယ်ကျွန်မ လမ်းပျောက်သလို ခံစားလာရတယ်။ ကျွန်မကိုယ်ကျွန်မ စိတ်ပျက်လာတယ်။

ဤဆောင်းပါးကို ဂန္ထဝင် မဂ္ဂဇင်းမှ ရေးသားတင်ဆက်ခြင်းဖြစ်သည်။

ကိုယ်တိုင်တောင် မပျော်ရွှင်တော့တဲ့ ကျွန်မဟာ အိမ်ထောင်ရေးကိုလည်း ကျွန်မမျှော်လင့်သလို အ ကောင်းဆုံးမတည်ဆောက်နိုင်တော့ပါဘူး။

အဲ့ဒီအချိန်မှ ကျွန်မဘဝကို ကျွန်မပြန်ရှာဖွေမိတယ်။ ကျွန်မမှားခဲ့တယ်ဆိုတာကိုလည်း ကျွန်မဘာသာ နားလည်သွားတယ်။ တကယ်တော့ ကျွန်မတို့တွေဟာ ကျွန်မတို့ဝန်းကျင်မှာ ရှိတဲ့သူတွေကို ပျော်ရွှင်စေချင်ရင် ကျွန်မတို့ကိုယ်ကျွန်မတို့ ပျော်ရွှင်အောင် အရင်တည်ဆောက်ရမှာပါ။ ကျွန်မတို့မှာ ပျော်ရွှင်မှုရှိနေမှ တခြားသူ တွေကိုလည်း ပျော်ရွှင်မှုတွေ ပေးနိုင်မှာပါ။

လူအများစုကတော့ ကိုယ့်ကိုယ်ကိုယ်ချစ်ခြင်းလို့ဆိုလိုက်ရင် တစ်ကိုယ်ကောင်းဆန်တာလို့ မြင်ကြပါ တယ်။ တကယ်တော့ အဲ့ဒီလိုမဟုတ်ပါဘူး။ ကိုယ့်ကိုယ်ကိုယ်ချစ်တတ်ခြင်းဟာ တခြားသူတွေကို ပိုဂရုစိုက် တတ်လာစေဖို့ ကျွန်မတို့ရဲ့စွမ်းရည်ကိုတောင် ပိုနက်ရှိုင်းလာစေပါသေးတယ်။ ဒါကြောင့် အမျိုးသမီးတိုင်းကို ကျွန်မတိုက်တွန်းချင်တာက ဘဝမှာ ပျော်ရွှင်ချင်ရင် ကိုယ့်ကိုယ်ကိုယ်အရင်ချစ်ပါ။ ကိုယ့်ကိုယ်ကိုယ်ချစ်ခြင်း ဆိုတာ ကျွန်မတို့ကိုယ်ကျွန်မတို့ပေးနိုင်တဲ့ အကောင်းဆုံးလက်ဆောင်ဆိုလည်း မမှားပါဘူး။

ကမ္ဘာကြီးကို အမျိုးသမီးတွေအတွက် ပိုနွေးထွေးတဲ့နေရာလေးတစ်ခုဖြစ်လာစေချင်တယ်ဆိုရင် ကျွန်မ တို့ကိုယ်ကျွန်မတို့ချစ်ခြင်း၊ ဂရုစိုက်မှုပေးခြင်းတွေနဲ့ စတင်သင့်တယ်ဆိုတာလေး မျှဝေပေးချင်ပါတယ်။
သင်ကော သင့်ကိုယ်သင်ချစ်တတ်ပြီလား။