အမျိုးသမီးတွေဟာ ဘာကြောင့် အိပ်စက်ချိန်ပိုလိုအပ်တာလဲ။

တစ်ချိန်တည်းမှာ တာဝန်တွေအမြောက်အများလုပ်ဆောင်ခြင်းဟာ ဦးနှောက်ကို အရမ်းအသုံးချရတတ်ပါတယ်။   အမျိုးသားတွေထက် အမျိုးသမီးတွေ အိပ်စက်ချိန်ပိုလိုအပ်ရခြင်းရဲ့ အဓိကအကြောင်းရင်းဟာ အမျိုးသမီးတွေဟာ တာဝန်တွေအများကြီးကို တပြိုင်နက်တည်းလုပ်တတ်တာကြောင့်မို့လို့ပါပဲ။ အမျိုးသားတွေထက် ဦးနှောက်ကို ပိုအသုံးချတတ်တာကြောင့် အိပ်စက်ချိန်လည်း ပိုလိုအပ်ပါတယ်။ နေ့ခင်းဖက်မှာ ဦးနှောက်ကို အသုံးချရတာများလေလေ ပြန်လည်အပန်းဖြေနိုင်ဖို့အတွက် အိပ်စက်ချိန်တွေပိုလိုအပ်လေလေမဟုတ်လား…။

အလုပ်တွေလုပ်ရရုံသာမက ကလေးတွေကိုပါ အုပ်ထိန်းရတဲ့ မိခင်တစ်ယောက်ရဲ့ဘဝဟာ တကယ်ကို စိတ်ပင်ပန်းစရာကောင်းလွန်းပါတယ်။ သူဟာ အိမ်ထောင်စုတစ်ခုမှာ နောက်ဆုံးမှ အိပ်စက်သူဖြစ်သလို မနက်အစောဆုံး ထတတ်သူလည်းဖြစ်ပါတယ်။ တစ်နေ့တာကို အဆင်ချောချောနဲ့ ဖြတ်သန်းနိုင်ဖို့ အစီအစဉ်ဆွဲနေရတာကြောင့် မနက်စောစောဖုန်းကိုင်နေဖို့တောင်မှ သူမအတွက် ခဲယဉ်းလွန်းပါတယ်။ ဖုန်းကြည့်နေမယ့်အစား အိပ်လိုက်တာကမှ သူမကို ပိုအားပြည့်စေဦးမယ် မဟုတ်လား…။ ဒါ့အပြင် မိခင်တစ်ယောက် နှစ်နှစ်ခြိုက်ခြိုက်အိပ်ပျော်တယ်ဆိုတာမျိုးက ရှားပါတယ်။ ဘာလို့လဲဆိုတော့ အမေတစ်ယောက်ဆိုတာ ကိုယ့်ကလေး အဲ့ခနဲ အသံထွက်ရင်တောင်မှ ကလေးနားချက်ချင်းရောက်သွားတတ်ကြသူတွေ မဟုတ်လား။

ဤဆောင်းပါးကို ဂန္ထဝင်မဂ္ဂဇင်းမှ ရေးသားတင်ဆက်သည်။

သားသည်မိခင်တွေပဲ အိပ်စက်ချိန်ပိုလိုအပ်တာတော့မဟုတ်ပါဘူးနော်။ အမျိုးသမီးတွေအားလုံးမှာ အိပ်စက်ချိန်ပိုမိုလိုအပ်ရတဲ့ အကြောင်းရင်းတွေ အများကြီးရှိပါတယ်။ ဥပမာ- ဓမ္မတာလာတဲ့အခါမှာ ပရိုဂက်စ်စတီရုန်း (Progesterone) လို့ခေါ်တဲ့ ဟော်မုန်းတွေ မြှင့်တက်လာပါတယ်။ ဒီဟော်မုန်းမြင့်တက်လာတဲ့အခါမှာ ခန္ဓာကိုယ်က အားအင်တွေ ပိုလိုအပ်ပါတယ်။ ဒါကြောင့် အိပ်စက်ချိန်တွေ ပိုလိုအပ်လာပါတယ်။ ဟော်မုန်းအပြောင်းအလဲတွေဟာ PMS ကာလအတွင်းမှာ မယ်လာတိုနင် (melatonin) ထုတ်လုပ်မှုကို အနှောင့်အယှက်ပေးနိုင်တာကြောင့် အမျိုးသမီးတွေဟာ ရာသီမလာခင်မှာ ပုံမှန်အတိုင်းအိပ်စက်နေရင်းတောင်မှ အိပ်ရေးပျက်တတ်ကြပါတယ်။

နောက်ထပ်အိပ်ရေးပျက်ရခြင်းအကြောင်းရင်းတစ်ခုကတော့ ရယ်စရာလေးပါပဲနော်။ ကိုယ့်ထက် ခန္ဓာကိုယ်ကြီးမားတဲ့ အိမ်ထောင်ဖက်ကို ပိုင်ဆိုင်ထားခြင်းကြောင့် အိပ်နေရင်းနဲ့ မကြာခဏနေရာရွှေ့ပေးနေရတာကြောင့် ခဏခဏနိုးနေရလို့ပါတဲ့။

ကိုယ့်ကို အိပ်ပုတ်လို့ခေါ်နေတဲ့ သူငယ်ချင်းတွေကို ကိုယ် ဒါတွေကြောင့် အိပ်နေရတာဆိုတာ မန်းရှင်းပြီး ပြောပြလိုက်ပါဦးနော်။