ထမင်းစားနားချိန်လေးမှာ အားလုံးဟာ စုရုံးစုရုံးနဲ့ သီတင်းကျွတ်ပိတ်ရက်အတွက် ကိုယ်စီကိုယ်စီအစီအစဉ်လေးတွေ မျှဝေနေကြတယ်။
“ဒီတစ်နှစ်တော့ စုထားတဲ့ငွေလေးတွေနဲ့ အဖေနဲ့အမေကို ကန်တော့မယ်။”
“ဟယ်…..ငါကတော့ ပိုက်ဆံမကန်တော့ဘဲ အဖေနဲ့အမေကို ကမ်းခြေခေါ်သွားပြီး surprise လုပ်ပေးမလို့။ Trip အတွက် ဟိုတယ်တောင် ဘိုကင်ယူပြီးသွားပြီ။”
“ညည်းတို့က single တွေဆိုတော့ အဖေနဲ့အမေအတွက် အပူအပင်မရှိလုပ်ပေးနိုင်ကြတာပေါ့။ ငါကတော့ ကိုယ်ပိုင်မိသားစုလေးရှိနေတော့ အဖေနဲ့အမေကို အဝတ်အစားလေး၊ မုန့်လေးပဲ ကန်တော့နိုင်တော့မယ်။”
ကျွန်မရဲ့လုပ်ဖော်ကိုင်ဖက်တွေအားလုံးက သူတို့မိဘအတွက် ဘာတွေလုပ်ပေးမယ်ဆိုတာ ပြောလို့မကုန်ဖြစ်နေချိန် ကျွန်မတစ်ယောက်တည်းပဲ တိတ်ဆိတ်နေတယ်။ ကျွန်မလည်း အမေ့ကို ဘာနဲ့ကန်တော့ရမလဲ စဉ်းစားနေပါတယ်။ အဖေ့အတွက် ဘာလို့မပါတာလဲဆိုတော့ ကျွန်မမှာ အဖေမရှိတော့လို့ပေါ့။
အဖေဟာ ကျွန်မတို့မိသားစုဘဝလေး ပြည့်စုံအောင်ထားနိုင်ဖို့ အမြဲကြိုးစားခဲ့သူတစ်ယောက်ပါ။ အဖေဟာ မိသားစုလေး တင့်တင့်တယ်တယ်ဖြစ်ဖို့က အဓိကလို့ထင်နေခဲ့တယ်။ ဒါပေမဲ့ ကျွန်မတို့လိုအပ်တာက အဖေ့ရဲ့နွေးထွေးမှုကို ကျွန်မကော၊ အမေပါ ငတ်မွတ်နေခဲ့တယ်။ အဖေဟာ နံနက်မိုးလင်းတာနဲ့ မနက်စာစားသောက်ပြီး ကျွန်မမနိုးခင်မှာ အလုပ်တန်းသွားလေ့ရှိတယ်။ မနက်ခင်းမှာ အဖေ့မျက်နှာကို မြင်ဖို့ဆိုရင် အိပ်ရာစောစောထနိုင်မှပဲ မြင်ရမယ်။ ညနေမှာလည်း ဒီအတိုင်းပဲ ကျွန်မအိပ်ရာဝင်မှ အဖေကပြန်လာတတ်တယ်။ အိမ်ဆိုတာ အဖေ့အတွက် အိပ်ချိန်မှပဲ လာလို့ရတဲ့နေရာတစ်ခုလိုတောင် ဖြစ်နေပြီ။ ကျန်တဲ့အချိန်ဟာ စီးပွားရှာဖို့ အပြင်မှာပဲ အချိန်ကုန်ဆုံးရတယ်။ တစ်ခါတလေ ကျွန်မစိတ်ထဲမှာ အဖေရှိတယ်လို့တောင် မခံစားရဘူး။
ဤဆောင်းပါးကို ဂန္ထဝင်မဂ္ဂဇင်းမှ ရေးသားတင်ဆက်သည်။
ကျွန်မနေမကောင်းချိန်တွေမှာ အမေပဲ အနားမှာရှိတယ်။
မွေးနေ့တွေမှာလည်း အမေပဲ ကိတ်မုန့်တွေလုပ်ပေးပြီး သူငယ်ချင်း ၄၊ ၅ ယောက်ဖိတ်တယ်။ ပြီးသွားပြီ။
တစ်ခုခုဝမ်းနည်းစရာရှိလည်း အမေ့ကိုပဲ ရင်ဖွင့်စရာရှိတယ်။
အဖေဟာ အသက်ရှင်နေရက်နဲ့ ကျွန်မအနားမှာ မရှိနိုင်တဲ့သူပဲ။ အမေကတော့ အဖေနဲ့ပတ်သက်ပြီး နှစ်သိမ့်ရှာပါတယ်။ “နင့်အဖေက ဒီလိုပဲ သမီးရေ။ အဖေက သမီးလေး ပြည့်စုံအောင်နေရဖို့ အလုပ်တွေလုပ်နေရတာ။ အဖေက အနားမှာမရှိနိုင်ပေမယ့် ငါ့သမီးလေးအတွက်ပါ။ အဖေ့ကို စိတ်ခုမနေနဲ့ဦး။ အမေရှိနေတာပဲလေနော်။ တို့သားအမိနှစ်ယောက်ပဲ ကဲကြတာပေါ့။ အမေလည်း ငါ့သမီးလေးရှိနေလို့ သူနဲ့သာဆို အထီးကျန်လွန်းလို့ သေသွားနိုင်တယ်။ အမေဆို ကိုယ်ဝန်ကြီးနဲ့တောင် တစ်ယောက်တည်းဖြတ်ကျော်လာခဲ့ရတာ။ ငွေကြေးအဆောင်အယောင်တွေကတော့ အားလုံးဖြည့်ဆည်းပေးပါရဲ့။ လူကတော့ ဂရုစိုက်မပေးနိုင်ဘူး”။
အဲ့ဒီလိုတွေလာနှစ်သိမ့်တော့ ကျွန်မဝမ်းနည်းတာထက် အမေ့ကို ပိုသနားမိတယ်။ “အမေလည်း အားမငယ်ပါနဲ့။ သမီးက အမေ့အတွက် အမြဲအဆင်သင့်ပဲ။ အမေသာ ကျန်းကျန်းမာမာနဲ့နေပေးနော်။ ချစ်တယ်”လို့ အမေ့ကို ပြန်နှစ်သိမ့်လိုက်ရတယ်။
အမေနဲ့သမီး နှစ်ယောက်တစ်ဘဝနဲ့နေလာတာ ကျွန်မဘွဲ့ရပြီး အလုပ်တစ်ခုရတဲ့အထိပါပဲ။ တစ်နေ့ အလုပ်မှာရှိနေတုန်း ကျွန်မဆီ အဖေဖုန်းဆက်လာတယ်။ ကျွန်မစိတ်ထဲမှာ “သြော်….ဒီနေ့တော့ ထီထိုးရဦးမယ်”လို့ တွေးနေမိသေးတယ်။ “နေကောင်းလား။ သမီးခွင့်ရရင် အိမ်ပြန်ခဲ့လေ။ အဖေတွေ့ချင်တယ်”တဲ့။ ကျွန်မ အဖေ့ရဲ့နွမ်းလျလျအသံကို ကြားနေပေမယ့် ဝမ်းမနည်းခဲ့ဘူး။ အရွဲ့တိုက်ချင်စိတ်ပဲ ရှိနေတယ်။ “အလုပ်တွေ မကြိုးစားနိုင်တော့ဘူးလား။ အခုမှ အိမ်ကို အိမ်မှန်းသိနေပြီပေါ့”လို့ ခပ်ထေ့ထေ့ပြောလိုက်မိတယ်။ “ကျန်းမာရေးဂရုစိုက်ဦး။ ခွင့်ရမှပြန်လာခဲ့မယ်”လို့ ခပ်ပြတ်ပြတ်ပြောပြီး ဖုန်းချလိုက်တယ်။
လကုန်ခါနီးဆိုတော့ ရုံးမှာလချုပ်စာရင်းတွေနဲ့ အလုပ်ရှုပ်နေလို့ ချက်ချင်း ခွင့်မယူနိုင်ခဲ့ဘူး။ လကုန်ပြီးမှပဲ အိမ်ပြန်ခဲ့တယ်။ ကျွန်မအိမ်ပြန်ရောက်ချိန်မှာ အဖေက ကျွန်မကို နှုတ်တောင်မဆက်နိုင်တော့ပါဘူး။ ကျွန်မမရောက်ခင် နာရီပိုင်းအလိုမှာ အဖေကံကုန်သွားတယ်တဲ့။ “သမီးအဖေ ကင်ဆာဖြစ်နေတာကြာပြီ။ အခုလွန်မှ သိရတယ်။ သမီးစိတ်မကောင်းဖြစ်မှာမို့ သမီးအဖေက မပြောခိုင်းဘူး”လို့ အမေက ကျွန်မကို ပြောပြနေတယ်။ ကျွန်မ အမေ့ကို ဘာမှတောင်ပြန်မပြောနိုင်ဘဲ အဖေ့မျက်နှာကိုပဲ စိုက်ကြည့်နေခဲ့တယ်။ မြင်ခဲရတယ်လေ။ နောက်ဆုံးချိန်မှ ဘာလို့ဖုန်းဆက်ရလဲလို့ အဖေ့ကို အပြစ်မတင်နိုင်တော့ပါဘူး။ အခုချိန်မှာ အဖေ့ကို ဒေါသစကားတွေနဲ့ နှုတ်မဆက်ချင်ဘူးလေ။ ရှင်ရက်နဲ့ဝေးနေရတဲ့ အဖေနဲ့သမီးဟာ အခုချိန်မှာတော့ ထာဝရဝေးကြရပြီ။
လာမယ့်သီတင်းကျွတ်လမှာ အဖေဆုံးသွားတာ ၃ လ ပြည့်ပါပြီ။ မိသားစုစုံစုံလင်လင်ရှိတဲ့ ကျွန်မလုပ်ဖော်ကိုင်ဖက်တွေရဲ့ သီတင်းကျွတ်ညလေးကတော့ မီးရောင်စုံ ထိန်ထိန်လင်းလင်းနဲ့ ပျော်စရာကောင်းတဲ့ညလေးဖြစ်နေမှာပေါ့။ ကျွန်မရဲ့သီတင်းကျွတ်ညလေးကတော့ အဖေကိုလွမ်းစိတ်နဲ့ ထွန်းညှိထားတဲ့မီးတွေဖြစ်တာကြောင့် မှိန်ပြပြညလေးတစ်ညဖြစ်နေဦးမှာပါပဲ။
သင့်ရဲ့သီတင်းကျွတ်ညလေးကကော။
