“ အိုမင်းခြင်းဆိုတာ လူ့စိတ်ကို တုန်လှုပ်မှုပေးနိုင်တဲ့ပြဿနာတစ်ခုပါ။ ဒါပေမဲ့ ကိုယ်ကဂရုမ စိုက်ဘူးဆိုရင်လည်း ဘာမှအရေးမကြီးတဲ့သဘာဝတရားတစ်ခုသက်သက်ပါပဲ ” လို့ ကမ္ဘာကျော်စာ ရေးဆရာကြီး မာ့ခ်တွိန်း(Mark Twain) က ပြောခဲ့ဖူးပါတယ်။
မှန်ပါတယ်။ အချိန်ဆိုတာ ကျွန်မတို့လူသားတွေအတွက်တော့ တန်ဖိုးအရှိဆုံးအရာပါပဲ။ ကုန် ဆုံးသွားပြီးရင် ပြန်အစားထိုးလို့လည်း မရတော့ပါဘူး။ အချိန်ကုန်ဆုံးတာကလည်း အရမ်းမြန်ပါတယ်။ ကျွန်မတို့ငယ်ငယ်တုန်းကတော့ ကမ္ဘာပေါ်မှာ ကျွန်မတို့အတွက် အချိန်တွေအများကြီးလို့ ထင်ခဲ့ဖူးပါ တယ်။ ဒါပေမဲ့ အသက်အရွယ်ရလာတော့ လုပ်စရာတွေကများ၊ အချိန်တွေက မလုံလောက်နဲ့ အသက် တွေကြီးလာတာကလည်း အင်မတန်မြန်ဆန်လွန်းသလိုပါပဲ။
ဒီလိုနဲ့ပဲ ကျွန်မတောင် အခု ၃၉ နှစ်ထဲဝင်လာခဲ့ပါပြီ။ မှန်တာပြောရရင် ဒီအသက်အရွယ် ရောက်လာခြင်းအပေါ် ကျွန်မမှာ ထူးထွေတဲ့ခံစားချက်မရှိပါဘူး။ အသက်ကြီးလာတော့မယ်ဆိုပြီး ဝမ်း နည်းစိတ်၊ ကြောက်စိတ်လည်း မရှိပါဘူး။ လာမယ့်နှစ်သစ်အတွက်၊ ကုန်ဆုံးခဲ့တဲ့နှစ်တွေမှာ အရာရာ ကို သင်ယူခဲ့နိုင်တဲ့အတွက် ကျွန်မကိုယ်ကျွန်မ ဂုဏ်ပြုချီးကျူးလိုတဲ့စိတ်ပဲ ရှိနေပါတယ်။ ပြီးတော့ ထပ် မံသင်ယူရဦးမယ့် အနာဂတ်အသစ်အတွက် စိတ်လှုပ်ရှားပြီး ရင်ခုန်ပျော်ရွှင်မိတယ်။
ဒီလိုပြောလို့ ကျွန်မက တခြားသူတွေထက် စိတ်ဓာတ်ကြံ့ခိုင်ရဲရင့်တယ်လို့ ထင်ရင်မဟုတ်ပါ ဘူး။ ပြီးခဲ့တဲ့မွေးနေ့တွေအထိတော့ ကျွန်မလည်း တခြားသောအမျိုးသား၊ အမျိုးသမီးတွေလိုပါပဲ။ “ အ သက်အရွယ်ကြီးရင့်လာခဲ့ရင်… ” ဆိုတဲ့အတွေးနဲ့ အသက်ကြီးလာတာကို ကြောက်နေခဲ့တာ အမှန်ပါ။ သုံးဆယ်ကျော်လာကတည်းက ဆိုပါတော့။ အပြင်ပန်းမှာတော့ သူများမသိအောင် ဟန်ဆောင်နေခဲ့ ပေမဲ့ အတွင်းစိတ်မှာတော့ ကျွန်မတကယ်ကို ကြောက်နေခဲ့ပါတယ်။ အမျိုးသမီးတစ်ယောက်အနေနဲ့ အသက်အရွယ်နဲ့လိုက်ဖက်တဲ့အဝတ်အစားတွေကို တဖြည်းဖြည်းရွေးဝတ်လာရတဲ့ အဖြစ်ကလည်း ကျွန်မအတွက် တုန်လှုပ်စရာပါ။ အသက်အရွယ်ကြီးရင့်မှုကို ကြိုဆိုဖို့ ကျွန်မမှာ တကယ်အဆင်သင့် မဖြစ်သေးပါဘူး။ ဖြစ်နိုင်မယ်ဆိုရင် ငယ်ဘဝရဲ့နုပျိုသန်မာမှုလေးကိုသာ ပြန်လိုချင်မိပါတယ်။
ဤဆောင်းပါးကို ဂန္ထဝင် မဂ္ဂဇင်းမှ ရေးသားတင်ဆက်ခြင်း ဖြစ်သည်။
နောက်တော့ ကျွန်မဘာသာ စဉ်းစားကြည့်မိပါတယ်။ ကြောက်နေလည်းပဲ အသက်ကတော့ ကြီးရင့်လာမှာပါပဲ။ ဒါဆို ကျွန်မဘာလုပ်နိုင်သလဲ။ “ ကျွန်မက ဘာကိုကြောက်နေတာလဲ။ ကျွန်မရဲ့ အကြောက်တရားက ဘယ်ဆီကနေ အခြေခံပြီး ရောက်ရှိလာတာလဲ ” လို့ ကျွန်မဘာသာမေးခွန်း ထုတ်မိတယ်။ အဖြေကနှစ်ခုရပါတယ်။ ကျွန်မတို့တွေ အသက်ကြီးတာကိုကြောက်တယ်ဆိုတာ အ သက်အရွယ်ရဲ့နောက်ဆက်တွဲ မထူနိုင်၊ မထနိုင်၊ ကိုယ့်ခြေကိုယ့်လက်နဲ့မလုပ်နိုင်တော့မယ့်အချိန်ကို ကြောက်ကြတာပါ။ ပြီးတော့ လူတွေကလည်း အသက်ကြီးလာရင်ကြောက်ရမယ်ဆိုတာ အစဉ်အလာ လို ဖြစ်နေတယ်။ အဲ့ဒီအစဉ်အလာနဲ့ပဲ အသက်ကြီးလာသူမှန်သမျှကလည်း အသက်ကြီးလာတာဟာ ကြောက်စရာလို့ တွေးကြတယ်။
သေချာစဉ်းစားကြည့်တော့ ကျွန်မတို့ခန္ဓာကိုယ်က ကျွန်မတို့အတွက် အဓိကဒေါက်တိုင်ပါ။ ကျွန်မတို့အဓိကအားကိုးလို့ရတဲ့ မှီတွယ်ရာတစ်ခုပါ။ ခန္ဓာကိုယ်ကျန်းမာပြီး ကြံ့ခိုင်သန်စွမ်းနေမယ်ဆို ရင် အသက်အရွယ်ကြီးရင့်တာက အရေးမကြီးပါဘူး။ ဒါကြောင့် ကျွန်မဟာ အဲ့ဒီအဖြေကိုရရှိလိုက်တဲ့ အချိန်ကစပြီး ကျွန်မရဲ့ကျန်းမာရေးကို ကျွန်မအထူးဂရုစိုက်ခဲ့တယ်။ လမ်းလျှောက်တယ်။ နံနက်တိုင်း လေ့ကျင့်ခန်းလုပ်တယ်။ ရေများများသောက်တယ်။ ခန္ဓာကိုယ်အတွက် အာဟာရဖြစ်စေတဲ့အစား အ သောက်တွေစားတယ်။ မကျန်းမာစေတဲ့အရာတွေကို ရှောင်တယ်။ ပြီးတော့ ချစ်ခင်သူတွေနဲ့ အချိန် ပေးပြီး ပျော်ရွှင်အောင်နေပါတယ်။ အကောင်းမြင်စိတ်မွေးတယ်။ ရယ်မောတယ်။
လာမယ့်နှစ်ဆိုရင် ကျွန်မအသက် ( ၄ဝ) ထဲရောက်တော့မှာပါ။ ကျွန်မအတွက်တော့ တုန်လှုပ် စရာမဟုတ်ဘဲ နောက်ထပ်လှပတဲ့နံပါတ်လေးတစ်ခုပေါ့။ အခွင့်အရေးသစ်တွေရှာဖွေဖို့ အချိန်ကောင်း တစ်ခု၊ ဘဝရဲ့လက်ဆောင်တစ်ခုလို့ မြင်ပါတယ်။ အသက်အရွယ်ကတော့ ရှေ့ဆက်ကြီးပြင်းလာတော့ မှာ အသေအချာပါပဲ။ ဒါကို လွန်ဆန်နေမဲ့အစား ချစ်ခြင်းအပြည့်နဲ့သာ ကျွန်မကိုယ်ကျွန်မ ပွေ့ဖက်ဖို့ ဆုံးဖြတ်ထားပါတယ်။ ကိုယ့်ကိုယ်ကို ကျန်းမာအောင်ဂရုစိုက်စောင့်ရှောက်ခြင်းက ဘယ်အသက်အ ရွယ်ကိုမဆို ပျော်ရွှင်သန်စွမ်းစေမှာပါ။ ဒီလိုသာဆိုရင် အသက်ကြီးလာမှာကိုလည်း ကြောက်စရာမလို တော့ပါဘူးနော်။
ဒါကြောင့် “ အသက်အရွယ်ကြီးရင့်လာမှာကို ကြောက်တယ်ဆိုရင် အဲ့ဒီကြောက်စိတ်ကို သင့် ကိုယ်သင်တကယ်ချစ်ခြင်းနဲ့သာ ကာကွယ်လိုက်ပါ ” လို့ ကျွန်မက အကြံပြုတိုက်တွန်းလိုက်ပါတယ် နော်။
စာစောင်လေးကို နှစ်သက်တယ်ဆိုရင် ဒီစာစောင်လေးကို SHARE လိုက်ပါဦးနော်။
