အဲ့ဒီနေ့က ကျွန်မဘဝအတွက်တော့ မမေ့နိုင်စရာနေ့ပါပဲ။
ဘာလို့လဲဆိုတော့ ကျွန်မအချစ်ဆုံးသူကို အပြတ်သားဆုံး စွန့်လွှတ်လမ်းခွဲပစ်ခဲ့ရတဲ့ နေ့မို့ပါ။ ကျွန်မ လေ သူ့ကို ကျွန်မကိုယ်ကျွန်မထက်တောင် ချစ်ခဲ့တာပါ။ အဲ့ဒီလိုချစ်ခဲ့လို့လည်း ချစ်သူတွေ စဖြစ်ကတည်းက သူ့ပျော်ရွှင်မှုကိုပဲ ကျွန်မဦးစားပေးခဲ့တယ်။ ကျွန်မဘဝရဲ့ နံပါတ်တစ်ဦးစားပေးက သူပဲဖြစ်ခဲ့တယ်။ သူ ပြုံးပျော် နေတာမြင်ရရင် ကျွန်မဘဝပြည့်စုံနေပြီမို့ သူ စိတ်ချမ်းသာဖို့ပဲ အမြဲရှေ့ရှုတယ်။ တစ်ခါတလေ ကျွန်မအဆင် မ ပြေနေရင်တောင် သူအဆင်ပြေရင်ပြီးတာပဲဆိုပြီး သူဖြစ်ချင်တာတွေကို ပံ့ပိုးပေးဖို့ အဆင်သင့်ရှိခဲ့တယ်။ ကြာ တော့ ဘာဖြစ်လာလဲဆိုတော့ အပေါများဆုံးရနေတဲ့ ကျွန်မအချစ်တွေကို သူ အလေးမထားတော့ဘူး။ သူမရှိ ရင် မဖြစ်ဘူးဆိုပြီး ကျွန်မအပေါ် သူဆိုးချင်သလို ဆိုးလာတယ်။
ကျန်တဲ့အရာတွေကို ကျွန်မသည်းခံနိုင်ပေမယ့် သူ ဖောက်ပြန်တာကိုတော့ ကျွန်မ ခံစားရတယ်။ ဒါပေ မဲ့ ခွင့်လွှတ်ပါတယ်။ သူကလည်း ပြန်တောင်းပန်တယ်။ ဒါပေမဲ့ နောက်တစ်ကြိမ်ထပ်ဖောက်တယ်။ အဲ့ဒါက လည်း အပျော်ပဲတဲ့။ သူမရှိတော့မယ့်အချိန်ကို တွေးကြောက်နေမိတဲ့ ကျွန်မကလည်း ရင်နာနာနဲ့ပဲ သူ့ကို ပြန် ခွင့်လွှတ်လက်ခံပေးမိပြန်တယ်။ နာကျင်ရတာတော့ တကယ့်ကို အနှိုင်းမဲ့ပါပဲ။ ဒီလောက်သည်းခံခွင့်လွှတ်နိုင် တဲ့ ကျွန်မအပေါ် သူအားနာစိတ်နဲ့များ ပြန်ပြုပြင်လာမလားထင်ပေမဲ့ တတိယအကြိမ်မြောက် သူသစ္စာထပ် ဖောက်တယ်။
ကျွန်မ သူ့ကို အရမ်းကြောက်သွားခဲ့တယ်။ ယုံလည်း မယုံတော့ဘူး။ ခွင့်လွှတ်မှုတွေက သူနဲ့မထိုက် တန်တော့ဘူးလို့ မြင်လာတယ်။ သိပ်ချစ်ခဲ့သူမို့ လမ်းခွဲရင် ဘယ်လောက်နာကျင်ရမလဲဆိုတာလည်း ကျွန်မသိ တယ်။ အဲ့ဒါကိုလည်း ကြောက်တယ်။ ဒါပေမဲ့… ဆက်တွဲနေတော့လည်း သူက ကျွန်မကို အခုလိုပဲ အမြဲနာကျင် အောင် လုပ်နေတော့မှာပဲဆိုတာ သိနေပြီ။
ဤဆောင်းပါးကို ဂန္ထဝင် မဂ္ဂဇင်းမှ ရေးသားတင်ဆက်ခြင်းဖြစ်သည်။
သူတောင်းပန်တာကို ကျွန်မ ခွင့်မလွှတ်တော့ဘူး။ ကျွန်မ သူ့ကို လမ်းခွဲလိုက်ပါတယ်။ အံ့သြစရာပါပဲ… ကျွန်မထင်ထားတာနဲ့တခြားစီပါပဲ။ သူ့ကို စွန့်လွှတ်လိုက်လို့ နာကျင်ရတာထက် ကျွန်မခေါင်းပေါ်မှာ တင်နေတဲ့ ဝန်ထုပ်ဝန်ပိုးကြီးတစ်ခုပြုတ်ကျသွားသလိုမျိုး လွတ်လပ်ပေါ့ပါးသွားလိုက်တာများ။ သူ့ကို ကျွန်မ မချစ်ခဲ့ဘူးလား ဆိုတော့ ချစ်ခဲ့တယ်။ ချစ်တာမှ အသည်းနင့်အောင် ချစ်ခဲ့တာပါ။ ဒါပေမဲ့ သူ့အနားမှာနေလို့ ကျွန်မ တစ်ခါမှ မပျော်ရွှင်ခဲ့ရဘူး။ ဖြည့်ဆည်းပေးရတာ၊ ငဲ့ညှာပေးရတာ၊ နားလည်ပေးရတာ၊ သည်းခံခွင့်လွှတ်ပေးရတာတွေနဲ့ပဲ ကျွန်မရဲ့အချိန်တွေ တောက်လျှောက်ကုန်ဆုံးနေခဲ့တာကို သူနဲ့လမ်းခွဲလိုက်ပြီး လွတ်လပ်သွားချိန်မှ ပြန်တွေးမိ တယ်။
တကယ်တော့ ကျွန်မဟာ ကျွန်မဘဝရဲ့အဖိုးတန်အချိန်တော်တော်များများကို ကျွန်မကိုလုံးဝ အလေး မထားတဲ့၊ ကျွန်မ မချစ်သင့်တဲ့လူတစ်ယောက်ကို ချစ်ရင်း ဖြတ်သန်းကုန်ဆုံးစေခဲ့မိတာ နှမြောစရာပါ။ ပြီးတော့ သင်ခန်းစာတစ်ခုလည်း ရတယ်။ တစ်ခါတလေမှာ ကျွန်မတို့တွေဟာ ကိုယ်သိပ်ချစ်တဲ့သူတွေနဲ့ ပေါင်းသင်း ဆက်ဆံရေး၊ ဒါမှမဟုတ် အချစ်ရေးတစ်ခုတည်ဆောက်လိုက်တဲ့အခါ တစ်ဖက်ကိုပဲ အချစ်တွေလွန်ပြီး ကိုယ့် ကိုယ်ကိုယ်တော့ နောက်ပို့လိုက်တတ်ကြတယ်။ ကိုယ့်ကိုယ်ကိုယ်တောင်မချစ်တဲ့၊ ကိုယ့်ကိုယ်ကိုယ် တန်ဖိုး မထားတဲ့သူကို ကိုယ်ပတ်သက်မိတဲ့သူကလည်း ချစ်မှာ၊ တန်ဖိုးထားမှာမဟုတ်ပါဘူး။ ဗုံးပေါလအောပေးနေတဲ့ အချစ်တွေ ကြောင့် ကိုယ့်ကိုတောင် အနိုင်ယူစရာအရုပ်လို၊ သူတို့လိုအပ်ချိန်မှာ အမြဲအဆင်သင့်ရှိနေတဲ့ အဖြည့်ခံလူသားတွေလို မြင်လာတာလည်း မဆန်းပါဘူး။
တွေးကြည့်လိုက်တော့ အပြစ်က ကိုယ့်ကိုယ်ကိုယ် ချစ်ရကောင်းမှန်းမသိတဲ့ ကျွန်မမှာသာ အပြစ်ရှိပါ တယ်။ ကျွန်မကိုယ်ကျွန်မချစ်ရင် ကျွန်မတန်ဖိုးကို အဲ့ဒီလောက်နှိမ့်ချမိမှာမဟုတ်ဘူး လေ။ ကျွန်မကို နာကျင် အောင်လုပ်နေတဲ့လူအနား ကျွန်မကိုယ်ကျွန်မနာကျင်ခံပြီး ပေကပ်နေနေမိမှာ မဟုတ်ဘူးလေနော်။ ဒါတွေကို သူနဲ့လမ်းခွဲပြီးမှ ကျွန်မ အမှန်မြင်လာတာပါ။
ဒါကြောင့် အဲ့ဒီနေ့ကို ကျွန်မဘယ်တော့မှ မမေ့ပါဘူး။
ကျွန်မချစ်တဲ့သူကို လမ်းခွဲလိုက်တဲ့နေ့။ ပြီးတော့ ဘဝမှာ ကိုယ့်ကိုယ်ကိုယ်ချစ်ဖို့ ဘယ်လောက် အရေး ကြီးလဲဆိုတာလည်း သိလိုက်ရတဲ့နေ့မို့ပါ။ အချစ်တွေကုန်သွားအောင် ချစ်ခဲ့ပြီးပြီမို့ နောက်တစ်ခါ ထပ်ချစ်ဖို့ တော့ မလွယ်ပါဘူး။ ဒါပေမဲ့ တစ်နေ့နေ့ တစ်ချိန်ချိန်မှာ အချစ်ဆိုတဲ့အရာကြီးကို ကျွန်မပြန်တွေ့ခဲ့မယ်ဆိုရင် တောင် ကျွန်မကိုယ်ကျွန်မ ဆုံးဖြတ်ထားတာရှိတယ်။
ကိုယ့်ကိုယ်ကိုယ်ချစ်တဲ့အချစ်ကို နံပါတ်တစ်နေရာမှာ ထားပြီးမှ တခြားအချစ်တွေကို နေရာပေးတော့ မယ်လို့..။
သင်ကော သင့်ကိုယ်သင်ချစ်တတ်ပြီလား။
