ကျွန်မ ငယ်ငယ်လေးကတည်းက အဖေ စိတ်အလိုမကျတိုင်း အမေ့ကို ရိုက်နှက်တတ်တာကို မကြာခဏမြင်ခဲ့ဖူးပါတယ်။ အဖေ့ကို အားလုံးက ကြောက်ရတာမို့ တားဆီးဖို့နေနေသာသာ ဘယ်သူကမှ လေသံဟဟတောင် မထွက်ရဲခဲ့ကြပါဘူး။ ကျွန်မ တားဖို့ကြိုးစားလိုက်တိုင်းလည်း အားလုံးက အခြေအနေနဲ့ အလိုက်အထိုက်နေတတ်စမ်းပါလို့ပဲ ပြောခဲ့ကြတယ်။ အဖေက ကျွန်မကို သမီးတစ်ယောက်ရယ်လို့ ဂရုမစိုက်ခဲ့သလို စကားလည်း လုံးဝမပြောခဲ့ဖူးပါဘူး။ အပြန်အလှန်အနေနဲ့ ကျွန်မလည်း အဖေ့ကို စိမ်းစိမ်းကားကားပဲ ဆက်ဆံမိပါတယ်။ ဒါ ကျွန်မမှားလားဟင်။
ကျွန်မ မှတ်မိနေပါသေးတယ်။ တစ်ခါတုန်းက ကျွန်မမိဘတွေရဲ့ မင်္ဂလာနှစ်ပတ်လည်နေ့လေးဖြစ်တာကြောင့် အဖေနဲ့အမေအတွက် “သာယာလှပတဲ့ဘဝလေး အမြဲပိုင်ဆိုင်သွားနိုင်ပါစေ” လို့ ဆုတောင်းပေးခဲ့ပါတယ်။ ဒါပေမဲ့ အဖေက “နင်ဆုတောင်းပေးမှ ငါတို့ဘဝသာယာမှာပေါ့” လို့ ခနဲ့တဲ့တဲ့ပြောခဲ့ပါတယ်။ အမေက ကျွန်မဖက်ကနေပြီး “ကလေးက အကောင်းပြောနေတာကို။ ရှင်က ဘယ်လိုတွေပြောနေတာလဲ” လို့ ပြောလိုက်တဲ့အခါ ဖိနပ်တစ်ဖက်က အမေ့မျက်နှာဆီ ပျံသွားတာ တွေ့လိုက်တယ်လေ။ ကျွန်မအမေ့ဆီ အပြေးအလွှားသွားခဲ့မိသလို အရမ်းလည်း စိတ်တိုသွားတာကြောင့် အဖေ့ဖက်လှည့်ပြီး အဖေ့ကို ရိုက်လိုက်မိပါတယ်။ ဒီထက်ပိုပြီး သည်းမခံနိုင်တော့ဘူးလေ။ ရလဒ်ကတော့ အဖေက ကျွန်မကို သေအောင် ရိုက်တာကိုခံရခြင်းပါပဲ။ ဒါဟာ ကျွန်မအပေါ်မှာ အဖေ ပထမဆုံးလက်ပါခြင်းပါ။ အမေကော ကျွန်မကော အိမ်ကထွက်သွားချင်ပေမယ့် ကျွန်မတို့က ငွေရေးကြေးရေးမှ အဆင်မပြေကြတာ။ ဒါကြောင့်ပဲ ဆိုးဝါးလွန်းတဲ့ အဖေ့ရဲ့နှိပ်စက်မှုသံသရာတွေကြားမှာ နှစ်ပေါင်းများစွာ ပိတ်မိနေခဲ့ရပါတယ်။
ကျွန်မ တက္ကသိုလ်စတက်တော့ အရာအားလုံးဟာ ပြောင်းလဲလာခဲ့ပါတယ်။ ကျွန်မအတွက် သုခဘုံလေးကို တွေ့ရှိခဲ့ပြီလေ။ ကိုယ့်ကိုယ်ကိုယ် ကခုန်ရခြင်းအပေါ်မှာ ဝါသနာပါမှန်းသိရှိလာပြီးတော့ ကကွက်တွေနဲ့ပဲ ကျွန်မခံစားချက်အားလုံးကို ဖွင့်ဟနိုင်ခဲ့ပါတယ်။ ဒါပေမဲ့ ဒါဟာ ခဏတာပါပဲ။ ကျောင်းကနေ အိမ်ပြန်လာတဲ့နေ့မှာပဲ မျက်နှာမှာသွေးသံရဲရဲနဲ့ အမေ့ကို တွေ့လိုက်တယ်လေ။ ဒါတောင်မှ အဖေက အမေ့ကို ထပ်ရိုက်ဖို့လုပ်နေပြန်တာကြောင့် ကြားဝင်ပါလိုက်တဲ့နောက်မှာတော့ ကျွန်မကိုပါ ထိုးကြိတ်တော့တာပါပဲ။
အဖေဟာ ကျွန်မကို သတိလစ်မေ့မြောသွားရလောက်အောင်ကို ရိုက်နှက်ခဲ့ပါတယ်။ အမေကပဲ ကျွန်မကို ဆေးရုံခေါ်သွားရတာပေါ့။ အဲ့ဒီနောက်မှာတော့ ဆရာဝန်တွေက ကျွန်မကို ပြောပါတယ်။ ကျွန်မရဲ့ လည်ပင်းနဲ့ ကျောရိုးကို ပြင်းပြင်းထန်ထန်ထိခိုက်ခဲ့တာကြောင့် ကျွန်မ ဝါသနာပါတဲ့ အကကို တစ်သက်လုံးပြန်လုပ်နိုင်တော့မှာမဟုတ်ဘူးတဲ့လေ။ ကျွန်မကမ္ဘာကြီးပျက်စီးသွားသလိုပဲ ခံစားလိုက်ရပါတယ်။ ကျွန်မဝါသနာကိုပါ စတေးလိုက်ရအောင် ကျွန်မဘာတွေများ အမှားလုပ်ခဲ့မိလို့လဲ။
ဤဆောင်းပါးကို ဂန္ထဝင် မဂ္ဂဇင်းမှ ရေးသားတင်ဆက်ခြင်းဖြစ်သည်။
ဒါပေမဲ့ အမေကော ကျွန်မပါ ဒီဘဝထဲက ရုန်းထွက်နိုင်ဖို့ တစ်ခုခုတော့ လုပ်ရမယ်လို့ ကျွန်မသိလာခဲ့တယ်။ ဒါကြောင့် ကျွန်မနေပြန်ကောင်းလာတဲ့အချိန်မှာပဲ တခြားမြို့တစ်ခုက ခိုကိုးရာမဲ့သူတွေ တည်းခိုရာဂေဟာမှာ ခဏတာအဖြစ် ရွှေ့ပြောင်းနေထိုင်ခဲ့ပါတယ်။ ဘာလို့လဲဆိုတော့ ကျွန်မတို့မှာ တခြားသွားစရာနေရာလည်း ရှိမှမရှိတာကိုး။ ကျွန်မရဲ့ ဘဝတစ်ခုလုံးကို ချန်ထားခဲ့ရတာဟာ လွယ်တော့လွယ်ပါ့မလား။ ဒါပေမဲ့ ကျွန်မမှာ ရွေးချယ်စရာမရှိဘူးလေ။ ဒါကြောင့် ကျွန်မနဲ့ အမေ စားဝတ်နေရေးအတွက်လည်း အဲ့ဒီမှာပဲ အလုပ်တစ်ခုရှာဖို့ ဆုံးဖြတ်လိုက်ပါတော့တယ်။
ကျွန်မအလုပ်ရှာနေတဲ့အချိန်မှာပဲ အမေက တရားရုံးမှာ အဖေနဲ့ ကွာရှင်းခွင့်ရဖို့ ဦးတိုက်လျှောက်ထားလိုက်ပါတော့တယ်။ အဲ့ဒီနောက်မှာတော့ သူငယ်ချင်းတွေ၊ ဆွေမျိုးတွေဆီက အကူအညီအနည်းငယ်နဲ့ တိုက်ခန်းလေးတစ်ခုဆီ ရွှေ့ပြောင်းနိုင်ခဲ့ပါတယ်။ ကျွန်မတို့သားအမိ အဖေ့ဆီကနေ လွတ်မြောက်ဖို့အတွက် တော်တော်ကိုရုန်းကန်ခဲ့ရပါတယ်။ နောက်ဆုံးမှာတော့ အမေက အဖေနဲ့ ကွာရှင်းခွင့်ရခဲ့သလို ကျွန်မလည်း အလုပ်အကိုင်လေးတည်တည်တံ့တံ့ရရှိပြီး ဘဝအသစ်တစ်ခု စနိုင်ခဲ့ပါတော့တယ်။
ဒါပေမဲ့ ဒီနေ့အထိတောင်မှ ကျွန်မကော အမေပါ စိတ်ဒဏ်ရာတွေနဲ့ ရုန်းကန်နေရတုန်းပါ။ ကျွန်မလည်း အခုထိ ကျောရိုးဒဏ်ရာကို ခံစားနေရသေးသလို အမေ့မှာလည်း ပြင်ပဒဏ်ရာတွေ ပျောက်ကင်းသွားပေမယ့် အတွင်းဒဏ်တွေတော့ ကျန်နေခဲ့ပါတယ်။ ဒါတောင်မှ လူတွေက ကျွန်မကို အဖေ ပြစ်မှားလို့ ကံကြီးထိုက်မယ့်သူတဲ့။ ကျွန်မတို့ဖက်မှာ ဘယ်သူမှ မရပ်တည်ပေးတဲ့အချိန်မှာ နှိပ်စက်ခံနေရတဲ့ ဒီဘဝထဲကနေ ရုန်းထွက်ဖို့ ကြိုးစားခဲ့တာ တကယ်ပဲ မှားနေလို့လားဟင်။
စာချစ်သူတို့ကော ဘယ်လိုထင်မိလဲဆိုတာ မျှဝေပေးသွားပါဦးနော်။
