ခန္ဓာကိုယ်မှာ အရေးအကြီးဆုံးအစိတ်အပိုင်းက ဘာလို့ထင်လဲ

blank
Women Holding Thumbs Up Symbol

တစ်နေ့မှာ မေမေနဲ့ကျွန်မ ပန်းခြံထဲမှာ လမ်းလျှောက်နေကြရင်း မေမေက

“ သမီးရေ…မေမေတို့ခန္ဓာကိုယ်မှာ ဘယ်အရာက အရေးအကြီးဆုံးအစိတ်အပိုင်းလဲ သိလား ”

လို့ မေးပါတယ်။

“ သမီးတို့နားရွက်တွေပါ၊ မေမေ ” လို့ ကျွန်မ ဖြေလိုက်ပါတယ်။

“ မဟုတ်ဘူး၊ သမီး။ နားမကြားရတဲ့သူတွေ အများကြီးရှိပေမဲ့ သူတို့ဘဝကို ရှင်သန်နိုင်ကြတယ်။ မေမေ နောက်တစ်ကြိမ် ဒီမေးခွန်းကို ထပ်မေးဦးမှာနော် ” လို့ မေမေက ပြောပါတယ်။

နှစ်အနည်းငယ်ကြာပြီးနောက် …..

“ ခန္ဓာကိုယ်တစ်ခုလုံးမှာ ဘယ်အရာက အရေးအကြီးဆုံးအစိတ်အပိုင်းလဲ သမီးသိလား ” လို့ မေမေ မေးပြန်ပါတယ်။

ဒီအချိန်မှ ထပ်မေးတော့ ကျွန်မအဖြေက သေချာသင့်နေပါပြီ။ “ အမြင်အာရုံက လူတိုင်းအတွက် အရေးအကြီးဆုံးပါ။ ဒါကြောင့် မျက်လုံးပါ၊ မေမေ ” လို့ ကျွန်မ ပြန်ဖြေလိုက်ပါတယ်။

မေမေက “ မမှန်သေးဘူး၊ သမီး။ မျက်စိမမြင်ရတဲ့သူတွေ အများကြီးရှိပေမဲ့ သူတို့ဘဝကို ရပ်တည်ရှင်သန်နိုင်ကြတယ်၊ သမီး။ ဒီမေးခွန်းကို နောက်တစ်ခါ ထပ်မေးဦးမှာနော် ” လို့ ပြောပြန်ပါတယ်။ ကျွန်မ အဖြေအတွက် ထပ်ပြီးရှုပ်ထွေးသွားခဲ့တယ်။

နှစ်အနည်းငယ်ကြာပြီးနောက် မေမေက ကျွန်မကို ဒီမေးခွန်းပဲ ထပ်ခါထပ်ခါမေးပြန်ပါတယ်။ ဒါပေမဲ့ မေးလိုက်တိုင်း အဖြေဟာ အမြဲတမ်းမှားနေခဲ့ပါတယ်။ “ အဖြေက ဘာလဲဆိုတာ သမီး နားလည်ပါတယ်။ မေမေက အဖြေမှန်ကို စောင့်နေတယ်နော်၊ သမီး ” လို့ မေမေပြောခဲ့ပါတယ်။

တစ်နှစ်ကြာပြီးနောက် အဖိုးကွယ်လွန်သွားခဲ့ပါတယ်။ မိသားစုဝင်တွေအားလုံး ဝမ်းနည်းပြီး ငိုနေခဲ့ကြတယ်။ ဖေဖေတောင် မျက်ရည်တွေကျနေတာ ကျွန်မတွေ့လိုက်ပါတယ်။ အရင်က ဖေဖေငိုတာ တစ်ခါမှမမြင်ခဲ့ဖူးပါဘူး။

ဤဆောင်းပါးကို ဂန္ထဝင်မဂ္ဂဇင်းမှ ရေးသားတင်ဆက်သည်။

“ ခန္ဓာကိုယ်ရဲ့ဘယ်အစိတ်အပိုင်းက အရေးအကြီးဆုံးလဲဆိုတာ အခုသိပြီလား၊ သမီး ” လို့ မေမေ ထပ်မေးပြန်ပါပြီ။ မေမေ့မေးခွန်းကြောင့် ကျွန်မစိတ်ရှုပ်ထွေးသွားခဲ့တယ်။ ဒီအချိန်ထိ အဖြေကို သေချာမသိသေးပါဘူး။

“ ဒီမေးခွန်းက အရမ်းအရေးကြီးတယ်။ သမီးဘဝမှာ သမီးဘယ်လိုရှင်သန်ရမလဲဆိုတာကို ဒီမေးခွန်းက ပြောပြနေတယ်။ သမီးဖြေခဲ့တဲ့အဖြေအားလုံးက မှားနေခဲ့တယ်။  ဘာလို့အဖြေမှားလဲဆိုတာ မေမေ တစ်ခါမှရှင်းမပြခဲ့ဘူး။ ဒါပေမဲ့ ဒီနေ့မှာ မေမေ သမီးအဖြေကို လိုအပ်တယ် ” လို့ မေမေပြောလိုက်ပါတယ်။

မေမေ့မျက်လုံးမှာ မျက်ရည်တွေဝိုင်းနေတာကို ကျွန်မတွေ့လိုက်ပါတယ်။ နောက်ဆုံးမှာတော့ “ သမီးခန္ဓာကိုယ်မှာ အရေးအကြီးဆုံးအစိတ်အပိုင်းက သမီးပခုံးပဲလေ ” လို့ မေမေက အဖြေပြောလိုက်ပါတယ်။

“ ဘာလို့လဲ၊ သမီးတို့ခေါင်းကို မယိုင်လဲအောင် ထိန်းထားပေးလို့လားဟင် ” လို့ ကျွန်မ မေမေ့ကို ပြန်မေးလိုက်ပါတယ်။

“ မဟုတ်ဘူး၊ သမီး။ ဘာလို့လဲဆိုတော့ သူငယ်ချင်းတစ်ယောက်၊ ဒါမှမဟုတ် ကိုယ်ချစ်တဲ့သူတစ်ယောက် ဝမ်းနည်းပူဆွေးနေတဲ့အခါ သူတို့စိတ်သက်သာရဖို့ ကိုယ့်ပခုံးတစ်ဖက်အပေါ် မှီထားဖို့ လိုအပ်လို့ပဲ။ သမီးမှာလည်း သမီးချစ်တဲ့သူနဲ့ သူငယ်ချင်းတွေက သမီးလိုအပ်တဲ့အခါ အမှီခံဖို့ ပခုံးတစ်ဖက်ပေးမယ်လို့ မေမေမျှော်လင့်ပါတယ်။” လို့ မေမေက ပြောပြီး ကျွန်မပခုံးပေါ်ကို မှီလိုက်ပါတယ်။

ဒီနေ့မှာ အရမ်းအရေးအကြီးတဲ့ သင်ခန်းစာတစ်ခုကို ရလိုက်ပါတယ်။ ပခုံးဆိုတာ သင့်အတွက်မဟုတ်ဘဲ အခြားသူတွေအတွက် ဖြစ်တည်လာတဲ့အရာပါ။ အခြားသူတွေရဲ့နာကျင်မှုကို စာနာခြင်းပါပဲ။ လူတွေက ကျွန်မတို့ပြောခဲ့တာကို မေ့ချင်မေ့နေလိမ့်မယ်။ ဒါပေမဲ့ သူတို့ကို စိတ်သက်သာရအောင် ဘယ်လိုပေးခဲ့လဲဆိုတာကိုတော့ လူတွေကဘယ်တော့မှမမေ့ကြပါဘူး။

ဒီစာစောင်လေးကို သူငယ်ချင်းတွေနဲ့ ချစ်တဲ့သူတွေအတွက် မျှဝေပေးလိုက်ပါဦးနော်။