အချိန်နဲ့နေရာအလိုက် ပြုမူနေထိုင်တတ်ပါစေ

တစ်နေ့မှာ ပညာရှိ အဖိုးအို တစ်ယောက်ဟာ ဘုရင့်သားတော်လေးကို အရုပ် ၃ ရုပ် လက်ဆောင်လာပေးခဲ့ပါတယ်။ မင်းသားလေးက မိန်းကလေး မဟုတ်တော့ ဒီအရုပ် ၃ ရုပ်ကို မနှစ်သက်ဘူးပေါ့။ ဒီတော့ “ကျွန်တော်က မိန်းကလေးမှ မဟုတ်တာ။ ဒါတွေ ဘာလို့ပေးတာလဲ။” လို့ စောဒက တက်လိုက်ပါတယ်။ အဲဒီမှာ အဖိုးအိုက “ဒါဟာ အနာဂါတ်မှာ တိုင်းပြည် အုပ်ချုပ်၊ မင်းလုပ်မယ့် သူအတွက် လက်ဆောင်ကောင်း ဖြစ်တယ်။” လို့ ပြောလိုက်ပါတယ်။ အဲဒီနောက် မင်းသားလေးကို အရုပ်လေး ကမ်းပေးရင်း “အရုပ်ကို သေချာကြည့်လိုက်ရင် ဒီအရုပ်ရဲ့ နားတွေမှာ အပေါက်လေးတွေ တွေ့ရလိမ့်မယ်” လို့ ပြောလိုက်ပါတယ်။

တစ်ဆက်တည်းမှာပဲ မင်းသားရဲ့လက်ထဲကို ကြိုးစတစ်ချို့ထည့်ပေးပြီး အရုပ်လေးရဲ့ နားပေါက်ထဲထည့်ကြည့်ဖို့ ပြောလိုက်တယ်။ မင်းသားလေးလည်း ပထမဆုံးအရုပ်တစ်ရုပ်ကို ကောက်ကိုင်လိုက်ပြီး အရုပ်ရဲ့နားထဲကို ကြိုးတစ်ချောင်း ထိုးထည့်လိုက်တယ်။ ကြိုးစက အခြားနားပေါက်တစ်ဖက်ကနေ ပြန်ထွက်လာ

အဲဒီအချိန်မှာ “ ဒါဟာ လူတန်းစား အမျိုးမျိုးရှိတဲ့ ထဲက လူတစ်မျိုးရဲ့ ဝိသေသလက္ခဏာကို ဖော်ပြလိုက်တာပဲ။” လို့ ပညာရှိ အဖိုးကြီးက ပြောလိုက်ပါတယ်။ ဘယ်လိုလူမျိုးလဲဆိုတော့ သူ့ကို ပြောသမျှစကားတွေ ဘယ်ဘက်နားကဝင်ပြီး ညာဘက်နားကထွက်တဲ့သူမျိုးပေ့ါ။ သူက ပြောသမျှ စကားတွေကို နားထောင်ပြီး မေ့ပစ်တတ်တဲ့ လူမျိုးဖြစ်တယ်။” လို့ စိတ်ရှည်လက်ရှည် ရှင်းပြလိုက်တယ်။ ဤဆောင်းပါးကို ဂန္တဝင် မဂ္ဂဇင်းမှ ရေးသားတင်ဆက်ခြင်း ဖြစ်သည်။

ဒီလိုနဲ့ မင်းသာ:လေးက နောက်ထပ် အရုပ် တစ်ရုပ် ထပ်ယူလိုက်တယ်။ ပထမတစ်ခေါက်ကလို အရုပ်ရဲ့နားပေါက်ထဲကနေပဲ ကြိုးတစ်စ ထိုးသွင်းလိုက်ပြန်တယ်။ ဒီတစ်ခါတော့ကြိုးက ပါးစပ်ကနေ ထွက်လာတယ်။ အဖိုးအိုက ထပ်ပြောလိုက်ပြန်တယ်။ ဒါက နောက်ထပ် လူတစ်မျိုးပေါ့တဲ့။ ဒီလိုလူမျိုးက သကြားသမျှစကားတွေကို အကုန်ပြန်ပြောတတ်တဲ့ လူမျိုးဖြစ်တယ်။” လို့ ရှင်းပြလိုက်ပြန်တယ်။ ဒီလိုနဲ့ မင်သားလေးလည်း နောက်ဆုံးကျန်တဲ့ အရုပ်ကို ကောက်ယူလိုက်ပြီး နားထဲကြိုးတစ်စထပ်ပြီး ထိုးသွင်းပြန်တယ်။

ဒီတစ်ခါတော့ ကြိုးက ဘယ်အပေါက်ကမှ ထွက်မလာတော့ဘူး။ မင်းသားလေးက     “ဒါဟာလဲ လူတစ်မျိုးလားလို့ မေးလိုက်တဲ့ မျက်လုံးနဲ့ အဖိုးအိုကိုလှမ်းကြည့်လိုက်တယ်။ အဖိုးအိုက ခေါင်းလေးညိတ်ပြီး” ဒါက တော့ သူကြားရသမျှတွေ အကုန်လုံး ရေငုံနှုတ်ပိတ် ရင်ဘတ်ထဲ သိမ်းတတ်တဲ့လူမျိုးပဲ “ လို့အဖိုးကြီးက ဖြေလိုက်တယ်။ မင်းသားလေးက ဝေခွဲရခက်တဲ့ မျက်လုံးတွေနဲ့ ” ဒါဆို ဘယ်လိုလူမျိုးက အကောင်းဆုံးလဲ”လို့ မေးလိုက်တယ်။

အဲဒီအခါ အဖိုးအိုက သူ့လက်ထဲက အရုပ်နောက်တစ်ရုပ်ကို မင်းသားဆီ ကမ်းပေးလိုက်တယ်။ လုပ်နေကျ အတိုင်းပဲလုပ်လိုက် လို့ပြောလိုက်တယ်။ မင်းသားလည်း ခါတိုင်းလိုပဲ ကြိုးတစ်စကို နားထဲထိုးသွင်း လိုက်တယ်။ ကြိုးစကပထမဆုံး အရုပ်လိုပဲ အခြားနားတစ်ဖက်က ထွက်လာတယ်။ နားမလည်တဲ့ မျက်လုံးတွေနဲ့ အံ့သြနေတဲ့ မင်းသားလေးကို နောက်ထပ်ထပ်လုပ်ကြည့်ဖို့ အဖိုးအိုက ပြောလိုက်ပါတယ်။ မင်းသားလည်းကြိုးတစ်ချောင်း ထိုးထည့်လိုက်ပြန်တယ်။ ဒီတစ်ခါ ကြိုးက ပါးစပ်ကထွက်လာတယ်။ နောက်တစ်ကြိုး ထပ်ထိုးကြည့်ပြန်တယ်။ ဒီတစ်ခေါက် တော့ ကြိုးက ဘယ်အပေါက်ကမှ ထွက်မလာတော့ဘူး။

အဲဒီအချိန်မှာပဲ ပညာရှိအဖိုးအိုက “သားမှတ်ထား… ဒီလို လူမျိုးက အကောင်းဆုံးပဲ။ “ လို့ ဂုဏ်ယူဝင့်ကြွားတဲ့ အသံနဲ့ ပြောလိုက်တယ်။ လူဆိုတာ တစ်ချို့အခြေအနေတွေမှာ စကားတွေကို အကုန်မှတ်မထားရဘူး။ စွန့်ထုတ်သင့်တဲ့ အခါစွန့်ထုတ်တတ်ရတယ်။ တချို့အခြေအနေတွေမှာ ကိုယ်သိထားတဲ့၊ ကြားထားတဲ့အရာတွေကိုလည်း ပြန်မျှဝေနိုင်ရမယ်။ နောက်ပြီး အခြေအနေ တစ်ချို့မှာတော့ ရေငုံနှုတ်ပိတ်၊ ဆိတ်ဆိတ်နေခြင်းက ကောင်းတယ်။ ဒါကြောင့် ဒီအရုပ်လေးလိုပဲ အခြေအနေနဲ့ အချိန်အခါကိုလိုက်ပြီး လိုက်လျောညီထွေ ပြုမူဆောင်ရွက်တတ်တဲ့ လူမျိုးကသာ အကောင်းဆုံးဖြစ်တယ် “ လို့မင်းသားလေးကို အဖိုးအိုက ဆုံးမလိုက်ပါတယ်။

သဘောကျ နှစ်သက်ခဲ့ရင် Share ဖို့မမေ့နဲ့နော်။