၁။ ထိုင်တဲ့အခါ ကုန်းပြီးမထိုင်ပါနဲ့။ မတ်မတ်ထိုင်ပါ။
ထိုင်တဲ့အခါမှာ ကျောရိုးကို မတ်မတ်တဖြောင့်တည်းထားပြီး မတ်မတ်ထိုင်ခြင်းက ကျန်းမာရေးနဲ့ ညီညွတ်ပါတယ်။ ခါးကုန်းပြီး ထိုင်တာက ကြာလာရင် ကျောရိုးကို နာကျင်ညောင်းညာစေပြီး လက်ပြင်ကိုင်းသွားစေပါတယ်။
၂။ အိပ်တဲ့အခါ မနိမ့်မမြင့်ခေါင်းအုံးကိုသုံးပါ။
ပက်လက်အိပ်တဲ့အခါမှာ ခေါင်းအုံးက ပုခုံးနဲ့ခေါင်းကို တစ်ညီတည်းဖြစ်စေနိုင်တဲ့ အမြင့်ကိုပဲ ရွေးသင့်ပါတယ်။ မြင့်လွန်းတာက မကောင်းသလို နိမ့်လွန်းတဲ့ခေါင်းအုံးတွေကလည်း ခေါင်းကိုက်၊ ဇက်ကြောတက်တာတွေ ဖြစ်စေနိုင်ပါတယ်။
၃။ ဖုန်းသုံးတဲ့အခါ ဖုန်းကို မျက်နှာရှေ့ထိ မြှောက်ကိုင်ပြီးကြည့်ပါ။
ဖုန်းသုံးတဲ့အခါ ငုံ့မကြည့်ပါနဲ့။ ဖုန်းကို ငုံ့ကြည့်ခြင်းက ကြာလာတဲ့အခါမှာ ဇက်ကြောတက်ပြီး ကျောရိုးကို ထိခိုက်စေနိုင်ပါတယ်။ ဒါကြောင့် ဖုန်းကို မျက်နှာနဲ့တပြေးညီဖြစ်အောင် မြှောက်ကိုင်ပြီးမှ သုံးပါ။
၎။ ကွန်ပျူတာသုံးတဲ့အခါ မျက်နှာနဲ့တည့်တည့်ထားပါ။
ကွန်ပျူတာသုံးတဲ့အခါမှာ မတ်မတ်ထိုင်ပြီး ကွန်ပျူတာမျက်နှာပြင်နဲ့ မျက်နှာကို မျက်နှာချင်းဆိုင်တပြေးတည်းဖြစ်အောင်လုပ်ပြီးမှ ကြည့်ပါ။ ဒါမှ အမြင်အာရုံထိခိုက်တာ၊ အာရုံကြောအားနည်းတာ၊ ဇက်ကြောတက်ခေါင်းကိုက်တာတွေမဖြစ်မှာ ဖြစ်ပါတယ်။
၅။ အလေးမတဲ့အခါ ဆောင့်ကြောင့်ထိုင်ပြီးမှ မ,ပါ။
လေးလံတဲ့ပစ္စည်းတွေကို သယ်မတဲ့အချိန်မှာ ခါးကိုကိုင်းပြီး ကုန်း,မမပါနဲ့။ ဆောင့်ကြောင့်ထိုင်၊ သယ်မပြီးမှ မတ်တပ်ရပ်လိုက်ပါ။ ဒါဆိုရင် အလေးမလိုက်လို့ ခန္ဓာကိုယ်ဟန်ချက်ပျက်တာ၊ ခါးနာတာတွေမရှိမှာ ဖြစ်ပါတယ်။
၆။ ကျောပိုးအိတ်လွယ်တဲ့အခါမှာ ခါးကို မတ်မတ်ထားပြီးမှ လွယ်ပါ။
ကျောပိုးအိတ်အလေးကြီးတွေကို လွယ်တဲ့အခါမှာ လူတော်တော်များများက ခန္ဓာကိုယ်ကို ရှေ့ဘက်ကိုကိုင်းပြီး လွယ်တတ်ပါတယ်။ ဒီလိုရှေ့ဘက်ကိုင်းပြီး လွယ်ပါများလာရင် ကျောရိုးမကြီးကို ထိခိုက်စေနိုင်ပြီး လက်ပြင်ကိုင်းသွားစေနိုင်ပါတယ်။ ဒါကြောင့် ခါးကိုမတ်မတ်ထားပြီးမှ ကျောပိုးအိတ်လွယ်ပါ။
မှတ်သားစရာ တစ်ခုခုရလိုက်ရင် SHARE လိုက်ပါ။
