ကိုယ်အလေးချိန်ပြောင်းလဲမှု၊ အသက်အရွယ်အိုမင်းလာမှုတို့ကြောင့် ယောက်ျားမိန်းမမရွေး လက်မောင်းသားတွေ တွဲကျလာတတ်ပါတယ်။ ဒါဟာ ခန္ဓာကိုယ်အလှတရားကို ထိခိုက်အကျည်းတန်စေပါတယ်။ ဒီလို လက်မောင်းသားလျော့တွဲကျတာကို ကာကွယ်စေနိုင်ဖို့၊ ကျစ်လျစ်လှပတဲ့ လက်မောင်းသားလေးတွေ ပိုင်ဆိုင်နိုင်စေဖို့ အလွယ်တကူပြုလုပ်လို့ရတဲ့ လေ့ကျင့်ခန်း ၅မျိုးကို တင်ဆက်ပေးလိုက်ပါတယ်ရှင်။ ဤဆောင်းပါးကို ဂန္ထဝင်မဂ္ဂဇင်းမှ ရေးသားတင်ဆက်သည်။
၁။ ဒိုက်ထိုး လေ့ကျင့်ခန်း
– ဒိုက်ထိုးလေ့ကျင့်ခန်းပုံစံ နေထားပါ။
– ခန္ဓာကိုယ်နဲ့ ဦးခေါင်းနဲ့တစ်ဖြောင့်တည်းရှိနေရပါမယ်။ လက်တွေကိုလည်း ပုခုံးအကျယ်အတိုင်း ထားပါ။
– ခြေဖျားထောက်ထားပြီး ခန္ဓာကိုယ်အောက်ပိုင်းရဲ့ အလေးချိန်က ခြေချောင်းလေးတွေအပေါ်မှာပဲ ထိန်းထားပါ။
– ခန္ဓာကိုယ်ကို ကြမ်းပြင်ဘက်နှိမ့်ချလိုက်ပြီး လက်တွေကို တစ်ဖြောင့်တည်းဖြစ်အောင် ပြန်မတ်လိုက်ပါ။
– ခန္ဓာကိုယ်က တဖြောင့်တည်းရှိနေပါစေ။
– ပြန်မတ်လိုက်တဲ့အချိန်မှာ လက်တွေဟာလည်း တဖြောင့်တည်း ရှိနေပါစေ။
တစ်ကျော့ကို ၁၅ကြိမ်နဲ့ တစ်နေ့ ၃ကျော့လုပ်ပေးပါ။ တစ်ကျော့ပြီးတိုင်းနားပါ။ ခံနိုင်ရည်အပေါ်မူတည်ပြီး အကြိမ်တိုးသွားပါ။
၂။ နောက်ပြန်ဒိုက်ထိုးလေ့ကျင့်ခန်း
- ခုံတန်းလျားအနိမ့်ပေါ်မှာ ထိုင်လိုက်ပါ။
- လက်တွေကို ခုံပေါ်မှာ ထောက်ထားပြီး တင်ပါးတွေကို ခုံအောက်ကို လျှောချပါ။ ခြေထောက်တွေကို ရှေ့ကို ဆန့်တန်းထားပါ။
- လက်တွေကို ပုခုံးအကျယ်အတိုင်းခွဲထောက်ထားပြီး မကွေးမိအောင် တဖြောင့်တည်းထားပါ။
- ခန္ဓာကိုယ်ကို ၉ဝဒီဂရီအနေအထားဖြစ်အောင် လက်တွေကို ကွေးပြီးထိုင်ချပါ။ ကြမ်းပြင်နဲ့ တင်ပါး မထိမိအောင် ဂရုစိုက်ပါ။
- ထို့နောက် လက်တွေကို ပြန်ဖြောင့်ပြီး မူလအနေအထားရောက်အောင် ခန္ဓာကိုယ်ကို ပြန်ဖြောင့်ပါ။
အခြားလေ့ကျင့်ခန်းတွေထက် ခက်ခဲပင်ပန်းတာကြောင့် ကိုယ့်ခံနိုင်ရည်ပေါ်မူတည်ပြီး အကြိမ်နည်းနည်းစီ ပုံမှန်လုပ်သွားပါ။
၃။ အလေးမ လေ့ကျင့်ခန်း
– မတ်တပ်ရပ်ပါ။ ခြေထောက်တွေကို ပုခုံးအကျယ်အတိုင်းခွဲထားပါ။ ဒူးကိုညွတ်ပြီး အလေးကို မ ယူလိုက်ပါ။
– အလေးကို မ ယူရာမှာ ကျောရိုးကို တဖြောင့်တည်းဖြစ်နေပါစေ။ ခါးကိုပဲ ကိုင်းပါ။
– အလေးကို မ ယူပြီးတဲ့အချိန်မှာ လက်မောင်းတွေက ကြမ်းပြင်ကို ထောင့်မတ်ကျနေပါစေ။ မကွေးမညွတ်ဘဲ တဖြောင့်တည်းဖြစ်နေအောင် ဂရုစိုက်ပါ။
– ခါးကိုင်းလျက်အနေအထားနဲ့ပဲ အလေးကို ရင်ဘတ်နားထိရောက်အောင် ဆွဲယူလိုက်ပါ။ အလေးတုံးရဲ့ အလေးချိန်ကို လက်မောင်းအားနဲ့ပဲ ထိန်းထားပါ။
– စက္ကန့်အနည်းငယ်လောက် မ ထားပြီး ပြန်ချလိုက်ပါ။
တစ်ကျော့ကို ၁ဝကြိမ်နဲ့ တစ်နေ့ကို ၃ကျော့လုပ်ပေးပါ။ ခံနိုင်ရည်အားပေါ်မူတည်ပြီး အကြိမ်ရေ တိုးသွားပါ။
၎။ အလေးတုံးနောက်ပြန်မ လေ့ကျင့်ခန်း
– ခန္ဓာကိုယ်ကို မတ်မတ်ရပ်ပါ။ ခြေထောက်တွေကို ပုခုံးအကျယ်အတိုင်း ခွဲထားပါ။
– အလေးတုံးတစ်တုံးကို လက်နှစ်ဖက်နဲ့ကိုင်ပြီး လက်တွေကို တဖြောင့်တည်းဖြစ်အောင် မြှောက်ထားပါ။
– လက်မြှောက်လျက်သားအတိုင်း လက်မောင်းသားတွေမလှုပ်စေဘဲ တံတောင်ဆစ်ကနေ နောက်ကို ၉ဝဒီဂရီအနေအထားရောက်အောင်ကွေးလိုက်ပါ။
– ထို့နောက် လက်မောင်းအားကိုသုံးပြီး လက်တွေတဖြောင့်တည်းဖြစ်တဲ့အထိ အလေးတုံးကို ပြန် မပါ။
– လေ့ကျင့်ခန်း လုပ်နေစဉ် လက်မောင်းကို မလှုပ်မိအောင် သတိထားပါ။
တစ်ကျော့ကို ၁၅ကြိမ်နဲ့ တစ်နေ့ကို ၃ကျော့လုပ်ပေးပါ။ ခံနိုင်ရည်အားပေါ် မူတည်ပြီး အကြိမ်ရေ တိုးလုပ်သွားပါ။
၅။ ဒူးကွေးအလေးမ လေ့ကျင့်ခန်း
- လက်တစ်ဖက်စီမှာ အလေးတုံးတစ်တုံးဆီ ကိုင်ထားပါ။ ခန္ဓာကိုယ်ကို မတ်မတ်ထားပါ။
- ဒူးကို ဖြည်းဖြည်းချင်းကွေးညွတ်ပြီး ခါးကို အရှေ့ကိုင်းထားပါ။
- ခန္ဓာကိုယ်ကို ကြမ်းပြင်နဲ့ အပြိုင်အနေအထား ပြုလုပ်ပြီး ခေါင်းကို မတ်မတ်ထားပါ။ လက်နှစ်ဖက်ကို ခန္ဓာကိုယ်မှာ ကပ်ထားပါ။
- လက်မောင်းတွေကို မလှုပ်စေဘဲ တံတောင်ဆစ်အောက်ပိုင်းကို ၉ဝဒီဂရီဖြစ်အောင် ကွေးပါ။ တံတောင်ဆစ်အောက်ပိုင်းက ကြမ်းပြင်နဲ့ ထောင့်မတ်ကျနေရပါမယ်။
- ထို့နောက် လက်တွေတဖြောင့်တည်းဖြစ်သွားတဲ့အထိ လက်မောင်းအားကိုသုံးပြီး အလေးတုံးတွေကို ပြန် မလိုက်ပါ။
တစ်ကျော့ကို ၁၅ကြိမ်နဲ့ တစ်နေ့ကို ၃ကျော့လုပ်ပေးပါ။ ခံနိုင်ရည်အားပေါ် မူတည်ပြီး အကြိမ်ရေ တိုးလုပ်သွားပါ။
လက်မောင်းသားကို ကျစ်လျစ်လှပစေတဲ့ ဒီလေ့ကျင့်ခန်းလေးတွေ လုပ်ဖို့ အားကစားခန်းမကို တကူးတက သွားစရာမလိုပါဘူးနော်။ အိမ်မှာနေရင်းနဲ့ပဲ ရိုးရှင်းတဲ့လေ့ကျင့်ခန်းလေးတွေကိုလုပ်ရင်း လှပကျစ်လျစ်တဲ့ လက်မောင်းလေးတစ်စုံပိုင်ဆိုင်နိုင်ဖို့ ကြိုးစားလိုက်ရအောင်လား ဂန္ထဝင်စာဖတ်ပရိသတ်ကြီးရေ…။
သူငယ်ချင်းတွေပါ လေ့ကျင့်ခန်းလုပ်လို့ရအောင် SHARE ပေးလိုက်ဦးနော်။
