စာချစ်သူတို့ရေ…။
ကျွန်မတို့အများစုဟာ နေထိုင်မကောင်းတဲ့ အချိန်မှာပဲ ကျန်းမာရေးအတွက် စစ်ဆေးချက်တွေ ပြုလုပ်ရမယ်လို့ ထင်နေတတ်ကြပါတယ်။ တကယ်တော့ ကျန်းမာရေးအတွက် လိုအပ်တဲ့စစ်ဆေးမှုတွေကို ကြိုတင်ပြုလုပ်ထားခြင်းဟာ နေ့စဉ်နေထိုင်မှုဘဝအတွက် များစွာအထောက်အကူပြုနိုင်ပါတယ်။ ဒါ့ကြောင့် ကျန်းမာရေးစစ်ဆေးမှု (Health Screening) ကို လုပ်သင့်တဲ့ အကြောင်းအရင်းလေးတွေကို စာချစ်သူတို့ ဗဟုသုတရရှိစေဖို့ တင်ဆက်ပေးလိုက်ပါတယ်ရှင်။
ဘယ်အချိန်မှာ Health Screening လုပ်သင့်တာလဲ။
- နှစ်စဉ် ပုံမှန်ကျန်းမာရေးစစ်ဆေးမှုပြုလုပ်လိုတဲ့အခါ
- နေထိုင်မကောင်းတဲ့အခါ
- ရောဂါတစ်ခုခု စွဲကပ်နေပြီလို့ သံသယရှိနေတဲ့အခါ
- အိမ်ထောင်ပြုဖို့ ဆုံးဖြတ်တဲ့အခါ
- ကလေးယူဖို့ စီစဉ်နေတဲ့အခါ
- ကိုယ်ဝန်ရှိနေတဲ့အချိန် မိခင်နဲ့ကလေး ကျန်းမာရေးကို စစ်ဆေးချင်တဲ့အခါ
- ဆေးဝါးတစ်ခုခုကို သောက်သုံးပြီး ဘယ်လိုရလဒ်တွေရှိနေလဲဆိုတာကို တိုင်းတာချင်တဲ့အခါ
- မျိုးရိုးလိုက်တဲ့ရောဂါရှိတဲ့ အခါ
ဘယ်လိုအသက်အရွယ်မှာ ကျန်းမာရေးစစ်ဆေးမှု (Medical Check-up) ကို စတင်ပြီး ပြုလုပ်သင့်တာလဲ။
- အသက် (၃ဝ) နဲ့ အသက်(၃ဝ) အောက် လူငယ်တွေအနေနဲ့ နှစ်နှစ် (သို့မဟုတ်) သုံးနှစ်တစ်ခါ health check-up ပြုလုပ်သင့်ပါတယ်။ လိုအပ်တဲ့စစ်ဆေးမှုတွေကြိုတင်လုပ်ထားခြင်း၊ နေထိုင်စားသောက်မှု ပုံစံတွေကို ဆရာဝန်နဲ့ ဆွေးနွေးထားခြင်း၊ လိုအပ်တဲ့ကာကွယ်ဆေးတွေ ထိုးထားခြင်းဟာ သက်ကြီးပိုင်းမှာဖြစ်လာမယ့် ကျန်းမာရေးပြဿနာတွေကို ကြိုတင်ဖြေရှင်းပြီးဖြစ်ပါတယ်။ အမျိုးသမီးတွေအနေနဲ့ အပျိုဖော်ဝင်စအချိန်မှစတင်ပြီး သားအိမ်ခေါင်းကင်ဆာကာကွယ်ဆေး ထိုးထားသင့်ပါတယ်။
- အသက် (၃ဝ) နဲ့ (၄ဝ) အတွင်း လူရွယ်တွေအနေနဲ့ နှစ်စဉ် Health-up ပြုလုပ်သင့်ပါတယ်။ တစ်ခါတရံမှာ ဆီးချို၊ သွေးတိုးရောဂါ နဲ့ သွေးတွင်းအဆီများခြင်းတွေဟာ ရောဂါလက္ခဏာမပြပေမယ့် စစ်ဆေးကြည့်မှ သိနိုင်တာမျိုးဖြစ်တတ်ပါတယ်။ အသက် (၄ဝ) အရွယ် အမျိုးသမီးတွေအနေနဲ့ ရင်သားကင်ဆာ ရှိမရှိ စစ်ဆေးထားသင့်ပါတယ်။
- အသက် (၅ဝ) အထက် အမျိုးသမီးနဲ့ အမျိုးသားတွေအားလုံးကို ခြိမ်းခြောက်နေတဲ့ ရောဂါကတော့ အူမကြီးကင်ဆာပါပဲ။ ဒါ့ကြောင့် အသက်(၅ဝ) ကျော်လာတာနဲ့ အူလမ်းကြောင်းကို မှန်ပြောင်းနဲ့ နှစ်စဉ်စစ်ဆေးသင့်ပါတယ်။ အမျိုးသမီးတွေအနေနဲ့လည်း ရင်သားအကျိတ်ရှိမရှိ ပုံမှန်ဓာတ်မှန်ရိုက်ပြီး စစ်ဆေးသင့်ပါတယ်။
- အသက် (၆၅) နှစ်ကျော်လာတဲ့ သက်ကြီးပိုင်းအရွယ်တွေဟာ နာဖျားလွယ်လာတာ၊ အအေးမိလွယ်လာတာတွေဖြစ်တတ်ပါတယ်။ ဒါ့ကြောင့် အဆုတ်ယောင်ရောဂါ ကာကွယ်ဆေး၊ နဲ့ တုပ်ကွေးရောဂါ ကာကွယ်ဆေးတွေကို ကြိုတင်ထိုးထားသင့်ပါတယ်။
Medical Check-up လုပ်တော့မယ်ဆိုရင်…
- ကျန်းမာရေးစစ်ဆေးမဲ့ ရက်ချိန်းမတိုင်မီညတွင် အနည်းဆုံး (၈)နာရီကြိုပြီး အစာနှင့်အရည်ကို မစားသောက်ဖို့ လိုအပ်ပါတယ်။ ရေသောက်လိုပါက သောက်နိုင်ပါတယ်။
- သောက်သုံးနေကျဆေးဝါးတွေရှိရင်လည်း သွေးဖောက်ပြီးတဲ့အချိန်ထိစောင့်ပြီးမှ သောက်သင့်ပါတယ်။
- ဆေးလိပ်သောက်သူဖြစ်ပါက ကျန်းမာရေးစစ်ဆေးမဲ့နေ့တွင် ဆေးလိပ်မသောက်သင့်ပါ။
- အမျိုးသမီးများ ဓမ္မတာပေါ်နေချိန် ဆီးနှင့်ဝမ်းစစ်ဆေးခြင်း မပြုလုပ်သင့်ပါ။
- ရင်သားဓါတ်မှန်ရိုက်မယ်ဆိုပါက ချွေးနံ့ပျောက်ဆေး၊ ရေမွှေး၊ ပေါင်ဒါနှင့် Lotion များကို လက်မောင်းနှင့်ရင်သားနေရာတစ်ဝိုက် မသုံးစွဲပါနှင့်။
- အမျိုးသမီးများ သားအိမ်ခေါင်းအသားစယူခြင်းကို ရာသီလာပြီး အနည်းဆုံး (၇)ရက် ကျော်လွန်ပြီးမှသာ စစ်သင့်ပါတယ်။ မစစ်ဆေးမီ အမျိုးသမီးအသုံးအဆောင်ပစ္စည်းများ၊ သန့်စင်ရည်များ မသုံးရပါ။
စာချစ်သူတို့ရေ…။
ကာကွယ်ခြင်းက ကုသခြင်းထက် ထိရောက်တယ်လို့ဆိုတဲ့အတိုင်း ကျန်းမာရေးအတွက် ပုံမှန် ကျန်းမာရေးစစ်ဆေးမှု (Medical check-up) တွေလုပ်တာဟာ ခန္ဓာကိုယ်အတွင်း ဖြစ်ပေါ်နေတဲ့ရောဂါတွေကို စောလျင်စွာသိနိုင်တဲ့အပြင် ထိရောက်တဲ့ကုသမှုကို စောစီးစွာ ခံယူနိုင်တဲ့အတွက် အသက်ဆုံးရှုံးမှုမှ ကာကွယ်နိုင်ခြင်းနဲ့ ကုန်ကျစရိတ်သက်သာခြင်း စတဲ့ အကျိုးကျေးဇူးတွေကို ခံစားရစေပါတယ်။ ကျန်းမာရေးစစ်ဆေးမှု (Medical Check-up) တွေ လုပ်တော့မယ်ဆိုရင် ဝန်ဆောင်မှုကောင်းကောင်းပေးနိုင်တဲ့ ဆေးရုံကို ရှာဖွေဖို့လိုသလို၊ လွတ်လပ်စွာ ဆွေးနွေးနိုင်ပြီး နွေးထွေးစွာ နှစ်သိမ့်မှုတွေပေးနိုင်တဲ့ ဆရာဝန်တွေရှိရာ ဆေးရုံကို ရွေးချယ်ဖို့လိုပါတယ်။
ဘာကြောင့် ပန်းလှိုင်စီလုံဆေးရုံမှာ ကျန်းမာရေးစစ်ဆေးမှု (Medical Check-up) ကို ပြုလုပ်သင့်တာလဲ။
ပန်းလှိုင်စီလုံဆေးရုံမှာဆိုရင် အသက်အရွယ်အပိုင်းခြားလိုက်၊ စစ်ဆေးလိုတဲ့ အမျိုးအစားလိုက် Package မျိုးစုံရှိတဲ့အပြင်၊ ကုမ္ပဏီဝန်ထမ်းများအတွက်လည်း Pre-Employment Package များကို One Stop Medical Check-up Center ထားရှိပြီး ဝန်ဆောင်မှုတွေ ပေးနေတဲ့အတွက် မိမိကြိုက်နှစ်သက်ရာ Package တွေကို ရွေးချယ်ပြီး ကျန်းမာရေးစစ်ဆေးမှုတွေကို ပြုလုပ်နိုင်ပါတယ်။ ကျန်းမာရေးစစ်ဆေးမှုတွေ မပြုလုပ်မီမှာ ပန်းလှိုင်စီလုံဆေးရုံရဲ့ Medical Check-up Center ကို ကြိုတင်စာရင်ပေးသွင်းဖို့တော့လိုမယ်နော်။
စာချစ်သူတို့အတွက် ဗဟုသုတလေးကို ဂန္ထဝင်မဂ္ဂဇင်းနဲ့ ပန်းလှိုင်ဆေးရုံတို့မှ ပူးပေါင်းစီစဉ်တင်ဆက်ပေးလိုက်ပါတယ်ရှင်။
