သစ်ခွပင်လေးတွေ စိုက်တော့မယ်ဆိုရင် သိထားသင့်တဲ့အချက်များ

ပွဲတက်အခမ်းအနားတွေတိုင်းမှာ မပါမဖြစ်တာ သစ်ခွပန်းလှလှလေးတွေပေါ့။ ပျိုတိုင်းကြိုက်တဲ့ သစ်ခွပန်းပင်လေးတွေကို စီးပွားဖြစ်စိုက်ပျိုးကြသလို တချို့တွေက အိမ်မှာပဲ တပိုင်တနိုင်လေး စိုက်ပျိုးကြပါတယ်။ သစ်ခွချစ်သူတွေအတွက် ဒီတစ်ပတ်မှာ အိမ်တွင်းသစ်ခွစိုက်ပျိုးရာမှာ သိထားသင့်တဲ့အချက်လေးတွေကို ဝေမျှပေးသွားမှာဖြစ်ပါတယ်။

၁။ သစ်ခွပင်လေးတွေက ရေလောင်းလွန်းရင်လည်း မကြိုက်သလို ခြောက်သွေ့နေရင်လည်း မကြိုက်ပါဘူး။ တစ်ပတ်မှာ ၂ ခါလောက်ပဲ ရေလောင်းပေးရင်ရပါတယ်။

၂။ စိုက်ပျိုးရာပတ်ဝန်းကျင်က စိုစွတ်နေဖို့လိုပါတယ်။

၃။ သစ်ခွပင်ကို အပေါက်ပါတဲ့ အိုးထဲမှာ အုန်းဆံဖတ်၊ သစ်ခေါက်၊ မီးသွေး စတာတွေနဲ့ ရံပြီး စိုက်သင့်ပါတယ်။

၎။ သစ်ခွအိုးကို မြေအိုးထက် သစ်သားချောင်းလေးတွေကို ဆင့်ရိုက်ထားတဲ့ သစ်သားအိုးနဲ့စိုက်ရင် ပိုကောင်းပါတယ်။ ဤဆောင်းပါးကို ဂန္ထဝင်မဂ္ဂဇင်းမှ ရေးသားတင်ဆက်သည်။

၅။ သစ်ခွပင်တွေက အလင်းရောင်ကြိုက်ပါတယ်။ အိမ်ထဲမှာ စိုက်မယ်ဆိုရင်တောင် ပြတင်းပေါက်နားလေးမှာ မကြာခဏထားပေးသင့်ပါတယ်။

၆။ သစ်ခွရွက်တွေက အရောင်ရင့်ပြီးထူတယ်ဆိုရင် အဲဒီသစ်ခွပင်က အလင်းရောင်ပိုကြိုက်ပါတယ်။ အရွက်တွေက အစိမ်းရောင်ဖျော့ပြီး ပါးလွှာတယ်ဆိုရင်တော့ အဲဒီသစ်ခွပင်ကို နေရောင်တိုက်ရိုက်မထိအောင် ဆင်ခြင်သင့်ပါတယ်။

၇။ သစ်ခွပင်တွေကို ၆ဝ ကနေ ၇ဝ ဒီဂရီဖာရင်ဟိုက် အပူချိန်ရှိတဲ့နေရာမှာ ထားသင့်ပါတယ်။ သစ်ခွပင်လေးတွေက နွေးထွေးတဲ့ပတ်ဝန်းကျင်ကို ပိုကြိုက်ကြတယ်။

၈။ သစ်ခွပင်ရဲ့ အသက်ဟာ အမြစ်တွေပါ။ အမြစ်တွေ သန်ပြီး ဖြူနေရပါမယ်။ အမြစ်တွေခြောက်နေရင်လည်း ရေလေးလောင်းပေးရပါမယ်။

၉။ သစ်ခွပင်တွေက ပုံမှန်အားဖြင့် တစ်နှစ်ကို တစ်ခါသာပွင့်ကြပါတယ်။ ဒါပေမဲ့ မြေသြဇာကောင်းပြီး အပင်သန်ရင်တော့ မကြာခဏ အပွင့်ပွင့်တတ်ပါတယ်။ သစ်ခွအားဆေးလေးတွေ သုံးပေးရင် ပိုကောင်းပါတယ်။

သစ်ခွချစ်တတ်သူတွေအတွက် SHARE ပေးလိုက်ပါဦးနော်။