ဖြစ်ချင်ဦးဟဲ့….. အိမ်ရှင်မ

0
2809

တစ်ခါက အိမ်ထောင်သည်ယောက်ျားတစ်ယောက်ဟာ အလုပ်သွားခါနီးတိုင်း….

“ ကျုပ်ကတော့ တစ်နေကုန်ပင်ပင်ပန်းပန်းအလုပ်လုပ်ရတယ်။ ကျုပ်မိန်းမကတော့ အိမ်အလုပ်လေးလုပ်ပြီး အိမ်မှာပဲနေရတာ ဇိမ်ကျလိုက်တာဗျာ။ ဆုတောင်းတိုင်းသာပြည့်မယ်ဆိုရင် ကျုပ်မိန်းမနဲ့ကျုပ် နေရာလဲလိုက်ချင်တော့တယ်” လို့ ညည်းတွားနေတတ်သတဲ့။

အဲဒီနေရာမှာရှိနေတဲ့ နတ်မင်းကြီးဟာ လူကြီးရဲ့စကားကိုနေ့တိုင်းကြားနေရပြီး နားကြားပြင်းကပ်လာတာကြောင့် “ မင်းဆန္ဒအတိုင်း ဖြစ်စေရမယ်။ ငါ့ရဲ့တန်ခိုးတွေကိုသုံးပြီး မင်းနဲ့မင်းမိန်းမကိုနေရာလဲပေးမယ်ကွာ။ မင်းကမိန်းမဖြစ်သွားပြီး မင်းရဲ့မိန်းမကယောက်ျားဖြစ်သွားလိမ့်မယ်။ မိန်းမဖြစ်ရတာ ဘယ်လိုနေလဲလို့ စမ်းသပ်ကြည့်ပေါ့ကွာ” လို့ ပြောလိုက်သတဲ့။

နောက်နေ့မနက်ရောက်တဲ့အခါမှာတော့ အိမ်ထောင်ရှင်ယောက်ျားရဲ့ဝိဉာဉ်ဟာ  သူ့မိန်းမရဲ့ ခန္ဓာကိုယ်ထဲတကယ်ရောက်နေတာကို အံ့သြစွာသိလိုက်ရတော့တယ်။ သူနှိုးပြီးမျက်နှာသစ်သွားတိုက်နေပေမဲ့ ယောကျာ်းအဖြစ်ရောက်နေတဲ့ သူ့ဇနီးသည်ကတော့ နှစ်နှစ်ခြိုက်ခြိုက် အိပ်ပျော်နေသတဲ့။ မိန်းမတစ်ဖြစ်လဲ ယောကျာ်းကြီးဟာ အောက်ထပ်ကိုကပြာကယာဆင်းပြီး မနက်စာချက်ပြုတ်တော့တယ်။ ပြီးတော့ ကလေးတွေကိုနှိုး၊ ရေမိုးချိုးအဝတ်အစားလဲပေးပြီး မနက်စာကျွေးပေးရတယ်။ ကလေးတွေကို ကျောင်းကားအမီပြင်ဆင်ပေးပြီးတဲ့အခါမှာတော့ အပေါ်ထပ်ကိုတက်ပြီး အိမ်ထောင်ဖက် အိပ်ယာကထလာတဲ့အခါ အဆင်သင့်ဖြစ်အောင် အဝတ်အစား၊မျက်နှာသစ်ပုဝါ၊ သွားတိုက်တံ၊ဆပ်ပြာတွေကို ထုတ်ထားပေးတယ်။ တစ်ပြိုင်နက်တည်းမှာပဲ အိမ်ထောင်ဖက်ကိုနှိုးပေးပြီး မနက်စာအဆင်သင့်ပြင်ထားပေးတယ်။ ဤဆောင်းပါးကို ဂန္ထဝင် မဂ္ဂဇင်းမှ ရေးသားတင်ဆက်ခြင်း ဖြစ်သည်။

ဇနီးသည်နဲ့အတူ မနက်စာစားပြီးတဲ့အခါမှာတော့ ယောက်ျားကြီးဟာ ဈေးကိုပြေးရတယ်။ ဈေးကပြန်လာတဲ့အခါမှာတော့ အိမ်သန့်ရှင်းရေးလုပ်၊ အဝတ်လျှော်ဖို့ အဝတ်တွေကို စုထားရတယ်။ အဲဒီနောက်မှာတော့ ခွေးတွေကိုအစားကျွေး၊ သန့်ရှင်းရေးလုပ်ပေးပြီး ပန်းကန်ခွက်ယောက်တွေကို ဆေးကြောသန့်စင်ရတယ်။

အဲဒီနောက်မှာတော့ ကလေးတွေရဲ့ အိပ်ယာတွေ၊ ကစားစရာတွေ၊ အဝတ်အစားတွေကို သိမ်းရတယ်။ အဲဒါပြီးတော့ အောက်ထပ်မှာ စိမ်ထားတဲ့အဝတ်တွေကို လျှော်ရတယ်။ ရေချိုးပြီးတဲ့အခါမှာတော့ နေ့လည်စားစားတဲ့အချိန်ရောက်သွားရော။ အခုအချိန်ထိ တစ်မိနစ်တောင် နားနားနေနေမထိုင်ရသေးတာတွေးမိပေမဲ့ နေ့လည်စာစားပြီးတဲ့အခါမှာတော့ ရေမီတာရုံးကိုသွားပြီး ရေမီတာခဆောင်ရပြန်တယ်။ ရေမီတာရုံးကနေ အ်ိမ်ကိုပြန်ရောက်တဲ့အခါ နှစ်နာရီနီးပါးရှိနေပြီ။ နားဖို့မစဉ်းစားနိုင်သေးဘဲ မီးဖိုခန်းကိုကြမ်းတိုက်ပြီး ဧည့်ခန်းကိုရှင်းလင်းရတယ်။  အဲဒါတွေပြီးချိန်မှာတော့ ကလေးတွေရဲ့ကျောင်းဆင်းချိန်နီးလာတာကြောင့် လမ်းထိပ်ကိုထွက်ပြီး ကလေးတွေကို ကြိုရတယ်။ အိမ်ရောက်တဲ့အခါ ကလေးနှစ်ယောက် စကားများရန်ဖြစ်တာကို နားထောင်ဖြေရှင်းပေးရင်း အဝတ်အစားလဲပေးရတယ်။

ကလေးတွေအဝတ်အစားလဲပြီးတဲ့အခါ အဆာပြေမုန့်ကျွေးပြီး ကျူရှင်ကိုလိုက်ပို့ရတယ်။ ကလေးတွေကျူရှင်သွားတဲ့အခိုက်မှာ အဝတ်လျှော်ထားတာတွေသိမ်းပြီး မီးပူတိုက်ရတယ်။ မီးပူတိုက်ပြီးချိန်မှာ ညနေစာအတွက်ချက်ပြုတ်ပြင်ဆင်ရတယ်။ အဲဒီအချိ်န်မှာ ရုံးကပြန်လာတဲ့ဇနီးသည် ချွတ်ထားခဲ့တဲ့ အင်္ကျီတွေ၊ဖိနပ်တွေကို သိမ်းပြီး သူမအတွက် သံပုရာရည်ဖျော်ပေးရတယ်။ ဇနီးသည်က အလုပ်မှာပင်ပန်းခဲ့တာကို ညည်းတွားနေလို့ ဇက်ကြောကဇွဲပေးရသေးတယ်။

ညနေစာခူးခပ်ပြင်ဆင်ပြီးတဲ့အခါမှာတော့ တစ်မိသားစုလုံး ညစာစားတယ်။ ညစာစားပြီးတဲ့အခါ ပန်းကန်ဆေး၊ ကလေးတွေရဲ့ အိမ်စာတွေကို ကူလုပ်ပေးပြီး ကလေးတွေကို သိပ်ရတယ်။ မနက်ပိုင်းကနေ ညဦးပိုင်းအထိ တရစပ်အလုပ်လုပ်ပြီး ပင်ပင်ပန်းပန်းနဲ့ အိပ်ချင်ပေမဲ့လည်း……

နောက်တစ်နေ့မနက်မှာတော့ ယောက်ျားကြီးဟာ နတ်မင်းကြီးကိုရှာပြီး

“နတ်မင်းကြီးခင်ဗျား… ကျွန်တော်တော့ အိမ်ရှင်မတစ်ယောက်ရဲ့ ဒုက္ခတွေကို ကောင်းကောင်း နားလည်သွားပါပြီ။  မနက်ကနေ ညနေအလုပ်ချိန်လေးလုပ်ရတာကို ပင်ပန်းလှပြီထင်နေခဲ့တာ။ အခုတော့ အလုပ်ချိန်မရှိ နာမည်တပ်စရာ အလုပ်မယ်မယ်ရရမရှိတဲ့ အိမ်ရှင်မတာဝန်က ပိုကြီးတယ်ဆိုတာ ကျွန်တော်သိသွားပါပြီဗျာ။ တကယ်တော့ အိမ်ရှင်မဆိုတာ အိမ်ထောင့်တာဝန်တွေကို လစာမဲ့မထားရတဲ့သူကြီးကိုးဗျ။  နောက်နောင်မှာ အိမ်ရှင်မတစ်ယောက်ရဲ့ အလုပ်တွေကို ဘယ်တော့မှအထင်မသေးတော့ပါဘူး၊ ကျွန်တော့်ရဲ့ယောက်ျားဘဝကို ပြန်ပေးပါဗျာ” လို့ ငိုသံတစ်ဝက်နဲ့ တောင်းဆိုလိုက်တော့သတဲ့။

အဲဒီအချိန်မှာ နတ်မင်းကြီးက“ လူကလေးရေ… မင်းအနေနဲ့ မင်းဇနီးရဲ့ ဒုက္ခတွေကို နားလည်သွားရပြီဆိုတာ သိရတဲ့အတွက် ကျုပ်ဝမ်းသာပါတယ်။ ဒါပေမဲ့ မင်းကိုအခုချက်ခြင်းတော့ယောက်ျားဘဝကို ပြန်ပေးလို့မရတော့ဘူးကွ။ မိန်းမတစ်ယောက်အဖြစ် နောက်ထပ်ကိုးလနေရဦးမယ်ကွ။ ဘာဖြစ်လို့လဲဆိုတော့ မနေ့ညက ယောက်ျားတစ်ဖြစ်လဲ မင်းရဲ့မိန်းမနဲ့ ချစ်တင်းနှောပြီး  ကိုယ်ဝန်ရသွားတယ်ကွ…” လို့ပြောပြီး ပျောက်ကွယ်သွားတော့သတဲ့ကွယ်။