အိမ်ထောင်ဘက်၏ ချစ်စရာကောင်းသောအပြုအမူ (၅)ချက်

blank

ကျွန်မတို့ အိမ်ထောင်ဘက်က ပြုလုပ်တတ်တဲ့ ချစ်မြတ်နိုးစရာ အပြုအမူလေးတွေရှိပါတယ်။ လက်တွဲဖော်နဲ့အတူတူအချိန်တွေကုန်လွန်ခဲ့ကြပေမယ့်တခါတရံမှာသူတို့ရဲ့အပြုအမူသေးသေးလေးတွေကို ကျွန်မတို့မေ့နေတတ်ကြပါတယ်။ဒီအပြုအမူလေးတွေကိုသာမာန်ပဲလို့သဘောထားမယ့်အစားသေချာစဉ်းစားကြည့်လိုက်ပါ။ သူတို့ရဲ့နေ့စဉ်အပြုအမူတွေကို ကျွန်မတို့ဘယ်လောက် နှစ်သက်ခုန်မင်လည်းဆိုတာတွေ့ရမှာဖြစ်ပါတယ်။ အခုဖော်ပြပေးမှာကတော့ ကျေးဇူးတင်ဖို့တောင် ထိုက်တန်တဲ့ ကျွန်မတို့အိမ်ထောင်ဘက်တွေရဲ့ ချစ်စရာအပြုအမူလေးအချို့ပဲဖြစ်ပါတယ်။

၁။ ကိုယ့်ကိုပြတဲ့ မျက်နှာအမူအရာလေးတစ်ခု

ကိုယ်အမြဲတမ်းမရိုးအီနိုင်တဲ့ သူ့ရဲ့မျက်နှာအမူအရာလေးတွေရှိပါတယ်။ သူနှုတ်ခမ်းကိုကိုက်ထားတဲ့အခါလည်း ဖြစ်ကောင်းဖြစ်နိုင်ပါတယ်။ မဟုတ်ရင်လည်းသူမျက်ခုံးနှစ်ဖက်ကိုပင့်တင်လိုက်တဲ့ အခါမျိုးပေါ့။ တစ်ယောက်နဲ့တစ်ယောက်တော့ တူမှာမဟုတ်ပါဘူး။ ဒါပေမယ့် ကိုယ့်အိမ်ထောင်ဘက်ဆီမှာကိုယ်အလွန်နှစ်သက်ရတဲ့ မျက်နှာအမူအရာလေးတစ်ခုသေချာပေါက်ရှိပါတယ်။ အဲဒီအမူအရာလေးကတော့ သူတို့တောင်ကိုယ်တိုင် သတိမထားမိတဲ့ ချစ်ဖို့ကောင်းတဲ့ အမူအရာလေးတစ်ခုဖြစ်ပါတယ်။

၂။ ချစ်စနိုးနဲ့ နာမည်လေးတစ်ခုခေါ်တဲ့အခါ

ကိုယ့်အိမ်ထောင်ဘက်ကကိုယ့်ကိုချစ်စနိုးနဲ့နာမည်တစ်ခုပေးထားတာမျိုးရှိတတ်တယ်လေ။ ဒါမှမဟုတ်ကိုယ့်ကို ပြုံးအောင်လုပ်နိုင်တဲ့ ချစ်စနိုးစကားလေးတစ်ခွန်းရှိတယ်မဟုတ်လား။ အဲဒါလေးကတခြားလူတွေမသိတဲ့ ချစ်သူနှစ်ယောက်ကြားရဲ့ လျှို့ဝှက်စကားလေးတစ်ခွန်းဖြစ်နေတာကြောင့် ထူးထူးခြားခြားခံစားရစေပါတယ်။ လင်မယားစုံတွဲတွေကတစ်ယောက်အကြောင်းတစ်ယောက် ကောင်းကောင်းသိကြတယ်။ ဘေးလူတွေ နားမလည်နိုင်တဲ့ စကားဝှက်လေးတွေ၊ အဌာလေးတွေနဲ့ အချင်းချင်းဆက်သွယ်ကြပါတယ်။ ကိုယ့်မှာလည်းကိုယ်ပိုင်အချစ်ရဲ့ လျှို့ဝှက်ဘာသာစကားလေးရှိသလိုပေါ့။

၃။ အိပ်ချင်မူးတူးနဲ့ အနမ်းလေးပေးတဲ့အခါ

ရုတ်တရက်ညလယ်မှာလန့်နိုးလာခဲ့တဲ့အခါ ယောက်ျားဖြစ်သူဘေးမှာရှိနေတာကစိတ်ကြည်နူးစေပါတယ်။ ဒီလိုဘေးမှာရှိပေးနေတဲ့အပြင် အိပ်ချင်မူးတူးနဲ့ အနမ်းပေးလိုက်တာ၊ ပွေ့ပိုက်လိုက်တာတွေကကိုယ့်ကိုအိပ်ပျော်တစ်ဝက် နိုးတစ်ဝက်အချိန်လေးမှာတောင် ဘယ်လောက်ချစ်တယ်ဆိုတာ ပြသလိုက်တာပါ။ အိပ်ချင်မူးတူးအသံနဲ့ ကိုယ့်ကိုချစ်ပါတယ်လို့ ပြောလာရင်တော့ ပိုပြီးတောင်ချစ်ဖို့ကောင်းတာပေါ့။

၎။ ကိုယ့်အကြောင်းတွေးနေတယ်လို့ မက်ဆေ့ခ်ျပို့လာတဲ့အခါ

ကိုယ်တောင့်တတဲ့အချိန်မှာအိမ်ထောင်ဖက်ကကိုယ့်ဆီကိုမက်ဆေ့ခ်ျပို့တာဒါမှမဟုတ်ဖုန်းခေါ်တာတို့ ပြုလုပ်ကြပါတယ်။ ကိုယ်ကမနက်တိုင်းသူ့အသံကိုကြားချင်တာဖြစ်ဖြစ်၊ မဟုတ်ရင်လည်းကိုယ့်အလုပ်ရဲ့အရေးတကြီးကိစ္စတွေ မတိုင်ခင်မှာသူ့အသံကိုကြားချင်တဲ့ အခါမျိုးမှာ ဖြစ်ဖြစ်ပေ့ါ။ ဘယ်အချိန်ပဲဖြစ်ဖြစ်ပါ ကိုယ်တောင့်တတဲ့အခါမျိုးမှာသူကကိုယ့်အတွက်ရှိနေပေးတတ်ကြတယ်။

၅။ အရာရာကိုကောင်းကောင်းဖြေရှင်းပေးနိုင်တယ်။

ကိုစိတ်ပျက်အားငယ်နေတဲ့အခါ အိမ်ထောင်ဖက်ဖြစ်သူကအခြေအနေတစ်ခုလုံးကိုဘယ်လိုဖြေရှင်းရမလဲဆိုတာကောင်းကောင်းနားလည်ပါတယ်။ ကိုယ့်မှာရှိတဲ့ပြဿနာကနေအာရုံမထားချင်တဲ့ အချိန်မျိုးမှာဆိုရင် သူကနေကြာစေ့လေးယူလာပေးပြီးတီဗွီဖွင့်ပေးတာမျိုး ပြုလုပ်ပေးတတ်တယ်။ ကိုယ်ရင်ဖွင့်ချင်တဲ့အခါမှာလည်းသူကကိုယ့်ဘေးမှာထိုင်ပြီးကိုယ့်ပြဿနာကိုတူတူအဖြေရှာပေး တယ်။ ကိုယ့်ချစ်တဲ့သူနဲ့ တူတူရှိနေရရင် သူတို့ဘာမှမလုပ်ဘဲဘေးမှာရှိနေပေးတာကိုကကိုယ့်ခံစားချက်တွေကိုအများကြီးသက်သာစေပါ တယ်။

တစ်ယောက်ယောက်ကိုတကယ်ချစ်တယ်ဆိုရင် သူ့ရဲ့ချစ်စရာကောင်းတဲ့ အပြုအမူသေးသေးလေးတွေကိုသတိထားမိပါလိမ့်မယ်။ ဒါကြောင့် အိမ်ထောင်ရေးတစ်ခုသာသာယာရှိဖို့ အိမ်ထောင်ဖက်ရဲ့ အပြုအမူလေးတွေကိုကိုယ်ဘယ်လောက်နှစ်သက်တယ်ဆိုတာမမေ့ကြပါနဲ့နော်။