အသည်းကွဲတယ်ဆိုတာ ပျော်ရွှင်ခြင်းတွေရဲ့အဆုံးသတ်လား။

ကျွန်မမှာ အချစ်ရေးတစ်ခုရှိခဲ့ဖူးပါတယ်။ အဲ့ဒီတုန်းက အသက်လည်း ငယ်သေးတော့ ချစ်တဲ့ စိတ်ရယ်၊ သူ့ကိုလက်လွှတ်ဆုံးရှုံးမှာ ကြောက်တဲ့စိတ်တွေပဲ ရှိခဲ့တယ်။ ဒါကြောင့် အဆင်မပြေလို့ ကျွန် မတို့အချစ်ရေးပြိုကွဲသွားချိန်မှာ ကျွန်မရဲ့ကမ္ဘာတစ်ခုလုံး အဆုံးသတ်သွားသလို ခံစားလိုက်ရတယ်။

ဘာလို့လဲဆိုတော့ ကျွန်မအသက်ရှင်နေရခြင်းရဲ့ ရည်ရွယ်ချက်ကိုက သူ့ပျော်ရွှင်မှုကို ဖန်တီး ပေးဖို့သက်သက်လို့ ခံယူထားတဲ့အတွက် ဘာမှကို မလုပ်နိုင်တော့ပါဘူး။ “ရှင်က ကျွန်မဘဝကို ပြည့် စုံစေတဲ့သူပါ” ဆိုတဲ့စကားလေးတစ်ခွန်းက ကျွန်မတို့အချစ်ရေးရဲ့ ဆောင်ပုဒ် ဖြစ်ခဲ့တယ်။ ချစ်နေခဲ့ကြ ချိန် တလျှောက်လုံးလည်း သူ့ပျော်ရွှင်မှုကို ဖြည့်ဆည်းပေးဖို့ပဲ ကျွန်မ အစွမ်းကုန်ကြိုးစားခဲ့ပါတယ်။

ဤဆောင်းပါးကို ဂန္ထဝင် မဂ္ဂဇင်းမှ ရေးသားတင်ဆက်ခြင်း ဖြစ်သည်။

ဒါပေမဲ့ ပြန်ရလိုက်တဲ့ ရလဒ်က ခါးသီးလွန်းလှတယ်။ လမ်းခွဲခြင်းတဲ့လေ။ ဘာအမှားမှလည်း မ လုပ်မိဘဲ၊ ရှင်းပြခွင့်လည်း မရှိဘဲနဲ့ ကျွန်မကို သူလမ်းခွဲသွားခဲ့တာ။

ရင်ပွင့်ထွက်မတတ် အသံတိတ်ငိုကြွေးရခြင်းတွေဟာ ကျွန်မရဲ့ အဖော်ဖြစ်လာတယ်။ စာမေးပွဲ တွေလည်း ကျတယ်။ “ ကျွန်မ” ဆိုတဲ့ ဖြစ်တည်မှုအားလုံး အလိုလို ရပ်တန့်သွားကုန်တယ်။ သူကသာ ကျွန်မရဲ့ တခြားသောခြေထောက်တစ်စုံလို၊ တခြားသော လက်မောင်းတစ်စုံလို ဖြစ်ခဲ့တာမို့ ကျွန်မရဲ့ ဆုံးရှုံးမှုက တကယ့်ကို အကြီးကြီးပါပဲ။

“ ကျွန်မတို့ ” ဆိုတာပဲ အမြဲတွေးခဲ့တာမို့ သူမရှိတော့တဲ့နောက်မှာ “ ကျွန်မ” ဆိုတာကို လွယ် လွယ်နဲ့ ပြန်မတည်ဆောက်နိုင်တော့ဘူး။ “ ကျွန်မ” ဆိုတာ သေဆုံးသွားပြီလို့တောင် ခံစားမိတယ်။

  • ကျွန်မရဲ့ ပျော်ရွှင်ခြင်းအဓိပ္ပာယ်ဆိုတာ ကျွန်မတို့ အတူရှိတဲ့အချိန်ပါ။
  • ကျွန်မရဲ့ဖြစ်တည်မှုဆိုတာ သူပါ။

ကျွန်မမှာ အဲ့ဒီလောက်ချစ်ရမယ့်သူထပ်ရှိလာနိုင်ပါဦးမလား။ အခုဆို ကျွန်မမှာ စိတ်လုံခြုံမှု တွေလည်း မရှိတော့ဘူး။ ခါးသီးခြင်းတွေကလည်း ပိုကြီးထွားလာနေတယ်။ ကျွန်မမှာ ကိုယ်ပိုင်တန်ဖိုး တွေလည်း မရှိတော့သလို ခံစားရတယ်။

ကျွန်မကိုယ်ကျွန်မ ဘယ်လိုပြန်ရှာဖွေရမလဲ။ ကျွန်မ ဘာဆက်လုပ်သင့်လဲဟင်။

ပြောချင်တာလေးတွေရှိရင် comment box မှာ ရေးခဲ့ပါဦးနော်။