တစ်ခုလပ်ဖြစ်ရင် အိမ်ထောင်ထပ်မပြုသင့်တော့ဘူးလား။

           ကျွန်မနာမည်က သီတာပါ။ ပတ်ဝန်းကျင်အခေါ် တစ်ခုလပ်ဆိုတဲ့ အိမ်ထောင်ကွဲအမျိုးသမီး တစ်ယောက်ပေါ့။ ကျွန်မခင်ပွန်းဟောင်းက အရက်သောက်တယ်။ လောင်းကစားလုပ်တယ်။ ကျွန်မနဲ့ သားလေးကို သူပစ်ထားလို့ ကျွန်မဘာသာအိမ်ဆိုင်လေးဖွင့်ပြီး မိသားစုဝမ်းရေးကို ဖြေရှင်းခဲ့တယ်။ ဒီကြားထဲ သူဖြုန်းပစ်တဲ့အခါဆိုရင် ကျွန်မမိဘတွေဆီက ပြန်ပြန်လက်ဖြန့်ခဲ့ရတာလည်း ခဏခဏပေါ့။ သားလေးမျက်နှာနဲ့ ကျွန်မက သည်းခံခဲ့ပါတယ်။ သားလေးသုံးနှစ်သားအရွယ်မှာ သူဖောက်ပြန်တယ်။ အဲ့ဒီမိန်းမအတွက်ပါ ကျွန်မဆိုင်ရောင်းရတဲ့ငွေထဲက ပေးရတယ်။ ကျွန်မပြောတော့ ကျွန်မကိုပါ ကိုယ် ထိလက်ရောက်ရိုက်နှက်တယ်။ အဲ့ဒီလိုနဲ့ ကျွန်မလည်း တရားရင်ဆိုင်ပြီး သူ့ကို တရားဝင်ကွဲခဲ့တယ်။ ဘာလို့လဲဆိုတော့ မအေကို အမြဲရိုက်နှက်နှိပ်စက်နေတဲ့ အဖေဖြစ်သူရဲ့အရိပ်အောက်မှာ သားလေးကို မထားချင်တော့လို့ပါ။ အဲ့ဒီအရိပ်ဆိုးတွေ သားဘဝထဲအထိ မလွှမ်းမိုးသွားစေချင်ဘူး။ ဒါနဲ့ သား ငါးနှစ် အရွယ်မှာ ကျွန်မတို့ကွဲခဲ့တယ်။

ရှာမကျွေးတဲ့အပြင် ဘယ်လိုမှဆက်မပေါင်းနိုင်အောင် နှိပ်စက်တဲ့ယောက်ျားမို့ ကွဲခဲ့တာ တောင် အမေ့အိမ်ပြန်ရောက်တော့ ပတ်ဝန်းကျင်ကလည်း တစ်ခုလပ်မို့ အထင်သေးပြန်တယ်။ လူပျို အမေတွေက အရွယ်ရှိသေးတဲ့ ကျွန်မနဲ့ သူတို့သားတွေကို စိတ်မချကြဘူး။ အမျိုးသမီးတွေက သူတို့ ယောက်ျားနဲ့ ကျွန်မငြိစွန်းမှာကို စိတ်ပူကြတယ်။ ယောက်ျားလေးပျိုပျိုအိုအိုတချို့ကလည်း ကျွန်မကို အလွယ်ရမလားလို့ ထိကပါးရိကပါးလုပ်ကြတယ်။

ဤဆောင်းပါးကို ဂန္ထဝင် မဂ္ဂဇင်းမှ ရေးသားတင်ဆက်ခြင်း ဖြစ်သည်။

အဲ့ဒီဒဏ်ကို ခါးဆီးခံပြီး ငါးနှစ်အကြာမှာ ကျွန်မ သူ့ကို တွေ့ခဲ့တယ်။ သူက လူပျိုကြီးပါ။ အလုပ်အကိုင်လည်းရှိတယ်။ ကျွန်မဘဝကိုလည်း နားလည်စောင့်ရှောက်ပေးတယ်။ ကျွန်မဘာဖြစ်ဖြစ် အခွင့်အရေးမယူဘဲ ရှေ့ကနေ ယောက်ျားပီပီသသကာကွယ်ပေးတယ်။ အနွံတာခံတယ်။ စိတ်သ ဘောထားလည်း ဖြောင့်မတ်တည်ကြည်တယ်။ အသောက်အစားလုံးဝမရှိပါဘူး။ တခြားလူတွေလို အလကားရမလားလို့ သွေးတိုးစမ်းတာမဟုတ်ဘဲ ကျွန်မကို တည်တည်တံ့တံ့လက်ထပ်ခွင့်တောင်း တယ်။ သား ကလည်း သူ့ကို ခင်တွယ်တယ်။ ကျွန်မတို့နှစ်ယောက်လက်တွဲဖို့ သူရင်ဆိုင်ရမယ့် ကိစ္စတွေကိုလည်း သူသိတယ်။ ဒါပေမဲ့ သူက အေးဆေးပဲ။ သူရေးဆွဲတဲ့နှစ်ယောက်အနာဂတ်ထဲမှာ သားအတွက်ပါပါ တယ်။ ကျွန်မတို့ချင်းအဆင်ပြေပေမဲ့ အဆင်မပြေတာက ပတ်ဝန်းကျင်ပါပဲ။ အမျိုးတွေကအစ ကျွန်မ ကို တားကြတယ်။ “ နဂိုကမှ တစ်ခုလပ်မို့ သူများတွေအပြောခံဘဝပါဆို။ နောက်ယောက်ျားယူရင် ပိုပြောမှာပေါ့” တဲ့။ အိမ်ကလည်း “နောက်ယောက်ျားယူရင် ငါတို့တော့ ပတ်ဝန်းကျင်မှာ အရှက်ရမှာ။ ဘာလို့ယူမှာလဲ” တဲ့။ အခုဆို ကျွန်မက သုံးဆယ်ရှိပြီ။ သူက သုံးဆယ့်ငါးဆိုတော့ အိမ်ထောင်ပြုမယ် ဆိုရင် ဒီအရွယ်က အဆင်ပြေဆုံးပါပဲ။

ကျွန်မလေ ကျွန်မအပေါ်ကောင်းတဲ့ သူ့ကိုပဲ လက်တွဲရမလား။ ပတ်ဝန်းကျင်ကဲ့ရဲ့မှာကြောက် တဲ့ မိဘဆွေမျိုးတွေစကားပဲ နားထောင်လိုက်ရမလား။ ကျွန်မ ဘာကိုရွေးချယ်ရမလဲဟင်။

ဝိုင်းကူစဉ်းစားပေးကြပါဦးနော်။