မေသင်္ကြန်ဟိန် (မြစ်မခ) နှင့် ခဏတာ တွေ့ဆုံခြင်း

blank

ကျွန်မက အိမ်မှာ သမီးအကြီးဆုံး။ အကြီးဆုံးတွေက အိမ်မှာ တခြားမောင်နှမတွေထက်စာရင် မိဘရဲ့ ဆိုးမွေကောင်းမွေကို သူတို့က အရင်ဆုံးကြုံရတယ်။ ကျွန်မက မိဘကောင်းရတယ်။ ဘာကြောင့်မိဘကောင်းရလဲလို့ပြောရင် ကျွန်မမေမေက ကျွန်မတက္ကသိုလ်ကျောင်းသူဘဝတုန်းက မေမေကကျွန်မကို တက္ကသိုလ်ကဆရာမလေးအရမ်းဖြစ်စေချင်တာ။ ဒါပေမဲ့ ကျွန်မက မေမေ သမီးက တက္ကသိုလ်က ဆရာမလေးမလုပ်ချင်ဘူး။ သမီးက သတင်းထောက်ပဲလုပ်ချင်တာ။

၉၃-၉၄ မှာသတင်းထောက်လောကမှာ မိန်းကလေးသတင်းထောက်ဆိုတာ အင်မတန်ရှားတယ်။ မလုပ်စေချင်ဘူး။ တက္ကသိုလ်က ဆရာမလေးဆိုရင် အိနြေ္ဒရတယ်ပေါ့။ လင်ကောင်းသားကောင်းရမယ်ပေါ့။ အဲ့ဒီ့လိုမျိုး စံချိန်စံညွှန်းနဲ့ရှိခဲ့ကြတာ။ အဲ့ဒီ့အချိန်တုန်းက ကျွန်မက ”မဟုတ်ဘူး မေမေ။ သမီးက သတင်းထောက်ပဲလုပ်ချင်တာ။ ယောကျာ်းတစ်ယောက်ကို မှီခိုဖို့လည်း သမီးက မလိုချင်ဘူး။ သမီး တကယ်ချစ်တဲ့ ယောကျာ်းမှ သမီးကယူမှာ။” အဲ့ဒီ့လိုအတွေးအခေါ်မျိုး ကျွန်မကရှိခဲ့တာ။ အဲ့တုန်းက မေမေကပြောတယ်။ ”ရည်းစားဆိုတာ တစ်ယောက်ပြတ်တယ်။ နှစ်ယောက်ပြတ်တယ်။ တော်ပီ။ နင်တော်တော် နာမည်ပျက်နေပြီ။ ရည်းစားဆက်မထားနဲ့တော့” ဆိုတော့ ကျွန်မစိတ်ထဲမှာ အရင်တုန်းကပြောကြတယ်ပေါ့။ မိန်းမကောင်းပန်းပန်ရင် တစ်ပွင့်တည်းပန်တာတို့၊ သူနဲ့ပဲ သမီးရည်းစားဖြစ် သူနဲ့ပဲ အိမ်ထောင်ကျတယ်။ ဒါကို ဂုဏ်ယူဝင့်ကြွားစွာ ပြောလေ့ရှိကျတယ်။ ကျွန်မက အဲ့ဒီ့မှာကျွန်မစဉ်းစားကြည့်တာ။ ငယ်ငယ်လေးထဲက ကျွန်မကအဲ့ဒီ့လို လက်မခံဘူး။ ဘာကြောင့်လက်မခံတာလဲလို့ပြောရင် ကျွန်မနဲ့ပေါင်းတဲ့လူက မကောင်းဘူးလို့ပြောရင် ကျွန်မသူ့ကို စွန့်ပစ်လို့မရတော့ဘူးလား။ သူက ကျွန်မကို အနိုင်ကျင့်နေရင် ကျွန်မကအဲ့လိုပဲ ခေါင်းငုံ့ပြီး သည်းခံနေရမှာလား။ ကျွန်မမှာ ရွေးချယ်ပိုင်ခွင့် အဲ့ဒီ့လောက်တောင်မရှိဘူးလား။ ကောင်လေးတွေကျတော့ ရွေးကြတယ်လေ။ ကျွန်မတို့ မိန်းကလေးတွေမှာရော ရွေးခွင့် right ကမရှိဘူးလားဆိုပြီး အဲ့ဒါကို ကျွန်မက စဉ်းစားတော့ ကျွန်မက ရည်းစား သုံး၊ လေးယောက်ထဲမှ ကျွန်မစိတ်ကြိုက်တဲ့လူကို ကျွန်မကရွေးယူတာ။ ကျွန်မဟိုအရင်ထဲက အဲ့ဒီ့လိုပဲလုပ်ခဲ့တယ်။

ကျွန်မနဲ့ခင်တဲ့ မိန်းကလေးတော်တော်များများကို ၁၉၊ ၂ဝ၊ ၂၁၊ ၂၂ ဆိုရင် ရည်းစားထားပြီးပြီလားလို့ ကျွန်မက အရင်မေးတာ။ ”ဟာ…ဘာဖြစ်လို့မေးတာတုန်း” ၂၁၊ ၂၂ ဆိုသူရည်းစားထားဖို့ လိုအပ်တယ်လေ။ ရည်းစားမထားပဲနဲ့ဆိုရင် ပထမဦးဆုံးတွေ့တဲ့လူကိုပဲ သူကစွဲလန်းသွားမယ်။ စွဲလန်းသွားတယ်ဆိုတာက အရမ်းဖြတ်ရခက်တယ်။ ဆေးလိပ်ပဲစွဲစွဲ၊ ကွမ်းယာပဲစွဲစွဲ၊ ကိုယ်ကြိုက်တဲ့ ယောကျာ်းလေးတစ်ယောက်ကိုပဲစွဲစွဲ အရမ်းဖြတ်ရခက်တယ်။ အဲ့ဒါကြောင့် ကျွန်မက အဲ့ဒီ့လို မစွဲလန်းစေချင်ဘူး။ ကိုယ်စွဲလန်းတဲ့လူက ကိုယ့်အပေါ်လည်း ကောင်းတဲ့လူ၊ ကိုယ့်ရဲ့ဘဝလက်တွဲဖော်ဖြစ်ထိုက်တဲ့လူဆိုရင်တော့ တစ်မျိုးပေါ့။ အဲ့ဒီ့လိုမဟုတ်ဘဲနဲ့။ ကိုယ်စွဲလန်းတဲ့လူကကိုယ့်အပေါ်လည်းကောင်းတဲ့လူမဟုတ်၊ အနှောက်အယှက်ပေးနေတယ်။ ဒုက္ခလည်းပေးနေတယ်။ အဲ့ဒီ့လိုလူမျိုးကို စွဲလန်းရင် အဲ့ဒီ့မိန်းကလေးက ဒုက္ခရောက်တာပဲ။ ဒုက္ခရောက်တယ်ဆိုတာ စိတ်ပိုင်းဆိုင်ရာပေါ့နော်။ အဲ့ဒါဒုက္ခရောက်လည်း ရောက်တာပဲ။

ကျွန်မက အဲ့ဒီ့လိုမဖြစ်စေချင်တဲ့အတွက်ကြောင့်မို့လို့ ရည်းစားထားပါ။ ရွေးပါ။ ကျွန်မတို့တွေက အမြဲတမ်းအင်္ကျီတောင်ဝတ်ကြည့်ကြတယ်။ အင်္ကျီဆိုင်သွားတယ်။ ဝတ်ကြည့်တယ်။ ဒါလေးကို ဒီလိုလေးပြင်ပေးပါအုံး။ ယောကျာ်းကျတော့ အဲ့ဒီ့လိုပြင်လို့မရဘူးလေ။ မိန်းကလေးပဲဖြစ်ဖြစ်၊ ယောကျာ်းလေးပဲဖြစ်ဖြစ် သမီးရည်းစားဘဝမှာ ကျွန်မတို့မြင်ရတယ်ဆိုတာ ၃ဝ% ပဲမြင်ရတာ။ ကျန်တဲ့ ၇ဝ% က unseen မမြင်ရဘူး။ ခြောက်လ၊ တစ်နှစ်နဲ့လည်း မသိနိုင်ဘူး။ အနည်းဆုံးလေး၊ ငါးနှစ်လောက် ကြိုက်ပြီးမှ သူ့အကြောင်းကို ကိုယ်ကသိတာ။ ဒီလူအကြောင်းကို ကိုယ်ကသိပြီးမှ လက်ထပ်တဲ့အခါ အောင်မြင်တဲ့ အိမ်ထောင်တစ်ခုကို တည်ဆောက်နိုင်မှာ ဖြစ်ပါတယ်။

တစ်ချို့ single mother တွေကပြောတယ် “ကျွန်မကို single mother ဖြစ်လို့ ပတ်ဝန်းကျင်ကပြောတယ်” လို့ပေါ့။ ပြောလည်းဘာဖြစ်လဲ။  အဲ့ဒါတစ်ခုလပ်ဖြစ်တာ ဥပဒေအရက ဘာမှပြဿနာရှိတာ မဟုတ်ဘူးလေ။ လူတစ်ယောက်က သူများတွေရဲ့ ထင်မြင်ချက်အတိုင်း လိုက်နေရမယ်ဆိုရင် ကိုယ့်မှာဆုံးရှုံးပြီးသားဖြစ်တယ်။ ကိုယ်က တော်တော်ကို ဆုံးရှုံးသွားတာဆိုတော့ အဲ့ဒါကို ကိုယ်က ဂရုစိုက်ပြီးတော့ နေသွားမယ်ဆိုရင် ကိုယ်ကတစ်သက်လုံးမလွတ်မလပ်နဲ့ ဖြတ်သန်းရမှာ။ လွတ်လပ်တယ်၊ မလွတ်လပ်ဘူးဆိုတာ၊ ကျွန်မစိတ်ထဲမှာ ခံစားရတာက ကိုယ့်ကိုတစ်ယောက်ယောက်က ချုပ်ချယ်ထားမှ အဲ့ဒါမှမလွတ်လပ်တာ မဟုတ်ဘူး။ တစ်ခါတစ်လေ ကျွန်မတို့က ဘယ်သူကတော့၊ ဘာပြောမှာပဲ၊ ”ဟာ…ဒီအဝတ်အစားလေးဝတ်ရင်ရော ငါနဲ့လှပါ့မလား မသိဘူး၊ ဒီလိုလုပ်ရင်တော့ ငါ့ကိုတော့ ပြောတော့မှာပဲ။” အဲ့ဒါတွေက မလွတ်လပ်တာလေ။ အဲ့လိုဆိုတော့ ကျွန်မက စိတ်လွတ်လပ်စေချင်တယ်။ ကျွန်မကိုယ်တိုင်လည်း ကျွန်မကစိတ်လွတ်လပ်တာကို ကြိုက်တယ်။ ကြိုက်တဲ့အတွက် ရည်းစားဆိုရင်လည်းထားပါ။ ဒါပေမဲ့ တစ်ခုတော့ရှိတာပေါ့။ သစ္စာဖောက်တာမျိုးတော့ ကျွန်မကအားမပေးဘူး။ ဒီတစ်ယောက်နဲ့တွဲနေတယ်။ ဒီတစ်ယောက်နဲ့ မပြတ်သေးဘူး။ နောက်တစ်ယောက်နဲ့ ထပ်တွဲတယ်။ အဲ့ဒီ့လိုမျိုးကိုတော့ ကျွန်မကအားမပေးဘူး။ နှစ်ယောက်စလုံးပြိုင်တွဲချင်တယ်ဆိုလည်း စဉ်းစားဦးမယ်။ မင်းကိုလည်း စဉ်းစားမယ်။ သူ့ကိုလည်း စဉ်းစားမယ်။ အဲ့ဒီ့လိုပေါ်တင်ပြောပြီး နှစ်ယောက်စလုံးကို ပေါ်တင်တွဲပါ။ ဒါကိုယ့်ရဲ့ရွေးချယ်ခွင့်လေ။ အဲ့ဒီ့လိုဟာမျိုးကို ကျွန်မကအားပေးတယ်။ ခိုးကြောင်ခိုးဝှက်မလုပ်နဲ့။ အဲ့ဒီ့မရိုးသားတာကျတော့ ကိုယ့်ကိုယ်ပဲ ပြန်ထိတာဖြစ်တဲ့အတွက် ကျွန်မကမလုပ်စေချင်ဘူးလို့။ ကျွန်မရဲ့ ပင်ကိုက open mind ဖြစ်တယ်။ တစ်ခုခုကိုစွဲလန်းပြီးတော့ ချုပ်တည်းထားတာမျိုး ချုပ်နှောင်ထားတာမျိုး ကျွန်မသိပ်မကြိုက်ဘူး။ ကိုယ်လည်း မကြိုက်တဲ့အတွက် သူများကိုလည်း မလုပ်စေချင်ဘူး။ ဒါပေမဲ့ တစ်ခါတစ်လေမသိဘဲနဲ့ ကိုယ်လုပ်လိုက်ခဲ့တာတွေလည်းရှိတယ်။ မှားသွားတာပေါ့နော်။ ငါမသိဘူးပေါ့။ ငါဒီလိုလုပ်လိုက်တာ သူဒီလောက်ထိခိုက်သွားလားပေါ့။

လူတိုင်းဟာ ကိုယ့်ကိုယ်ကိုပဲ ဦးတည်ပြီး စဉ်းစားကြတာကို အဲ့ဒီ့တော့ အဲ့လိုအဖြစ်အပျက်မျိုးလဲ ကျွန်မမှာရှိပါတယ်။ ကျွန်မပြောချင်တာက စိတ်ပိုင်းဆိုင်ရာကတော့ ကျွန်မလွတ်လွတ်လပ်လပ်ပဲ နေချင်တယ်။ ပြောချင်တယ်။ ရုပ်နဲ့စိတ်နဲ့ တစ်ခါတစ်လေကျရင် ကွာတာတွေရှိတယ်။ ကျွန်မကို ငယ်ငယ်တုန်းကလူတွေကပြောတာ မြန်မာအင်္ကျီလေးနဲ့ ချိတ်လုံချည်လေးနဲ့ ဆံပင်ရှည်ရှည်လေးနဲ့ သိပ်ပြီးတော့ မိန်းမဆန်မယ်လို့ တစ်ချို့ကထင်ကျတာ။ ကျွန်မမြန်မာအင်္ကျီဝတ်ရခြင်း အကြောင်းအရင်းက ဘာလဲလို့ပြောရင် အမေ့ကြောင့် မြန်မာအင်္ကျီဝတ်ရတာ။ ငယ်ငယ်တုန်းက ကျွန်မလည်း  အခြားဆယ်ကျော်သက်တွေ ဝတ်သလိုပဲ short pant လေးနဲ့ တီရှပ်ကလေးတွေနဲ့ ဝတ်ချင်တာ။  ကျွန်မတို့ခေတ်တုန်းက လုံချည်တိုတိုနဲ့ တီရှပ်အရှည်ကြီးတွေဝတ်တဲ့ခေတ် အဲ့ဒီ့လိုအရမ်းဝတ်ချင်တာ။ ဤဆောင်းပါးကို ဂန္ထဝင် မဂ္ဂဇင်းမှ ရေးသားတင်ဆက်ခြင်း ဖြစ်သည်။

ဒါပေမဲ့ အဖေကနိုင်ငံရေးလုပ်တဲ့အခါ အမေရဲ့ ကျောင်းဆရာမတစ်ယောက်ထဲ လစာနဲ့မလောက်ဘူး။ ကျွန်မ ဆယ်ကျော်သက်အပျိုအရွယ်မှာ အရမ်းဆင်းရဲတော့ အင်္ကျီဝတ်မယ်ဆိုရင် အမေ့အင်္ကျီတွေ သီပြီးဝတ်ရတာလေ။ အမေက တက္ကသိုလ်ကဆရာမလေ။ အဲ့တော့ အမေ့အင်္ကျီသီပြီး ဝတ်ရတယ်။ အမေ့ရဲ့ လုံခြည် မတော်မတမ်းကို ဝတ်ထားတာဆိုတော့ အမြဲတမ်း အဖုလိုက်။ ဒါကိုကျွန်မလက်ခံတယ်။ ဒါအခြေအနေအရ ဝတ်ရတာလေ။ အဲ့ဒါကို လူတွေက မြန်မာအင်္ကျီလေးဝတ်ထားတယ်။ ဆံပင်လေးက ရှည်ရှည်လေးနဲ့ မိန်းမဆန်မယ်ပေါ့။

အဲ့ဒီ့ခေတ်တုန်းက မိန်းကလေးဆိုရင် ရည်းစားလည်း မထားဘူး။ အိမ်ထဲကလည်း အိမ်ပြင်မထွက်ဘူး။ အချက်အပြုတ်ကလည်း ကျွမ်းကျင်တယ်။ အိမ်မှုကိစ္စကလည်း နိုင်တယ်။ အဲ့ဒါမျိုးကို တကယ်ကို တော်လေးဝဝင်မိန်းမမျိုးကို ကြိုက်ကြတာ။ စာတွေမှာရေးရင်လည်း ဆရာငြိမ်းကျော်တို့ ဆရာနွမ်ဂျာသိုင်းတို့ ခေတ်က အဲ့ဒီ့လိုမျိုးတွေ သွားတယ်ပေါ့နော်။ ကျွန်မကျတော့ ကျွန်မကကြိုက်တယ်၊ မကြိုက်ဘူးဆိုရင် သိပ်မစဉ်းစားဘူး။ ဘာဖြစ်လို့လဲဆိုရင် စဉ်းစားစရာမလိုဘူး။ တစ်ခုကြိုက်တယ်ဆိုရင် ဒါကြိုက်တာပဲ။ ကြိုက်ခြင်း မကြိုက်ခြင်းမှာ အကြောင်းပြချက် သိပ်မရှိဘူးလေ။ ကျွန်မတို့က လူတစ်ယောက်ကြိုက်ခြင်း မကြိုက်ခြင်းဆိုတာက အဲ့ဒါကိုကျွန်မတို့က သိပ်ပြီးတော့ မခက်ခဲတဲ့ကိစ္စလို့ ကျွန်မကယူဆတယ်။ ယူဆတဲ့အတွက် ယောကျာ်းလေးတစ်ယောက်ကို အချိန်ဆွဲတာတို့ ဒါမျိုးတွေက ကျွန်မအတွက် သိပ်မရှိဘူး။ ကြိုက်တယ်လို့ ယူဆရင် လက်ခံနိုင်တယ်။ သမီးရည်စားအနေနဲ့ ကျွန်မတို့တွဲကြည့်မယ်။ တွဲကြည့်လို့ တွဲနေတဲ့သက်တမ်းမှာ ကျွန်မကိုမကြိုက်ဘူး။ အဲ့ဒီ့အချိန်မှာလည်း ကျွန်မကလည်းမကြိုက်ဘူး။ ပြောင်းလဲချင်တယ်ဆိုလည်း ပြောင်းလဲမယ်။ ကျွန်မက အဲ့ဒီ့လိုစိတ်မျိုးဖြစ်တယ်။

အခုအသက် ၄၄၊ ၄၅ အရွယ်ကျတော့လည်း တစ်ချို့ဟာတွေက ကိုယ်ကပြန်ပြန်သုံးသပ်တဲ့အခါကျတော့ တစ်ချို့ကိစ္စတွေက ကျွန်မအမေနဲ့အဖေက မိဘကောင်းမဟုတ်ခဲ့ဘူးဆိုရင် ကျွန်မက သူတို့ခေတ်ကပုံသွင်းတဲ့ထဲမှာ ဝင်သွားမှာ။ အဲ့ဒီတော့ ကျွန်မအမေက အမေကောင်းဖြစ်ခဲ့တဲ့အတွက် သူကကျွန်မကို တက္ကသိုလ်ကဆရာမလေး လုံးဝကိုဖြစ်စေချင်တာ။ ကျွန်မရဲ့အိမ်မက်က ကျွန်မကသတင်းထောက်တစ်ယောက်ဖြစ်ချင်တယ်။ နောက်ကိုယ်လုပ်နိုင်တာ သူများအတွက် ကျွန်မဘာလုပ်ပေးရမလဲ။ အဲ့ဒီ့လိုမျိုးတွေ ကျွန်မလုပ်ချင်တယ်။ ကျွန်မစိတ်က အဲ့ဒီ့လိုမျိုးဖြစ်တယ်။ အဲ့ဒါကြောင့် ကျွန်မက သတင်းထောက်ဖြစ်ချင်တာလေ။ အဲ့ဒီ့တော့ အမေ့အိမ်မက်ကို အမေက ဇွတ်အတင်းပုံမဖော်ခိုင်းခဲ့ဘူး။ ပုံဖော်ခိုင်းလို့ ရတယ်လေ။ သမီးဒါလုပ်ဆိုပြီး တက္ကသိုလ်ကဆရာမတစ်ယောက် ဖြစ်ဖို့အတွက်က လုပ်ခိုင်းရတယ်လေ။ အဲ့ဒီ့လို မလုပ်ဘဲနဲ့။ မေမေက သတင်းထောက်လုပ်ချင်ရင် လုပ်ပေါ့ဆိုပြီး သူ့အိမ်မက်ကို ကျွန်မကိုဇွတ်အတင်းပုံမဖော်ခိုင်းဘူး။ အဲ့ဒါကို ကျွန်မအရမ်းကို appreciate ဖြစ်တယ်။ နောက်တစ်ချက်က သူကျွန်မကိုပံ့ပိုးပေးတယ်။ ငါမကြိုက်တဲ့အလုပ်ကိုလုပ်လို့ ပစ်ထားလိုက်မယ်။ ငါမိဘပဲ။ ငါ့စကားနားမထောင်ရင် အိမ်ရိပ်တောင်မနင်းနဲ့ဆိုတဲ့ မိဘထဲမပါဘူး။ သူကဘာလုပ်ပေးဆိုတော့ ”အမေကြိုက်တဲ့အလုပ်တော့ မဟုတ်ဘူး။ ကဲ…ငါ့သမီးလုပ်နိုင်အောင် ငါ့သမီးဘာလိုလဲဆိုပြီး။ ကူညီပေးတယ်။ ” လိုက်ပြီးလုပ်ပေးတယ်။ ဒါက ကျွန်မ မိဘကောင်းရတာပေါ့နော်။

အိမ်ထောင်ပြုမယ်ဆိုတော့ ကျွန်မကရှေ့မှာလည်း ရည်းစားတွေထားခဲ့တယ်။ သူက ကျွန်မအတွက် ဘဝလက်တွဲဖော်ကောင်းဖြစ်မယ်။ ကျွန်မသူ့ကိုပဲ လက်ထပ်မယ်လို့ ဆုံးဖြတ်မယ်ဆိုတဲ့ အချိန်မှာလည်း ကျွန်မအမေ့ကို ပြောတယ်။ ”အမေ…သမီးလက်ထပ်တော့မယ်” ဆိုတော့ အံသြတာပေါ့နော်။ ”ဟာ…ဘာဖြစ်လို့လက်ထက်မှာ” ကျွန်မက ”ဒီနှစ်မှာ ဘယ်နှစ်လပိုင်းမှာ လက်ထပ်မှာဆိုတော့” အမေက “သဘောမတူဘူး” တဲ့ ကျွန်မက ”အမေက သဘောမတူဘူးက အမေနဲ့ပေါင်းရမယ့်သူဆိုရင်တော့ အမေကဆုံးဖြတ်လို့ရတယ်။ ဒီလူက သမီးနဲ့ပေါင်းရမှာ ဖြစ်တဲ့အတွက် သမီးကပဲဆုံးဖြတ်ရမှာ” ပြောမယ်ဆိုတော့ အဖေနဲ့အမေက အသည်းတော့ကွဲတာပေါ့။ ဖေဖေကပြောတယ် ကျွန်မကို “သမီးကို ဖေဖေကယုံတယ်။ အဲ့ဒါကြောင့် သမီးရွေးတဲ့လူဟာ သမီးတောင်လက်ခံနိုင်တာပဲဆိုတော့ သမီးရွေးတဲ့လူဟာ သမီးဘဝအတွက် အကောင်းဆုံးဖြစ်လိမ့်မယ်လို့ ဖေဖေကယုံတယ်။ အဲ့ဒါကြောင့် သမီးရွေးတဲ့ချစ်သူကို ဖေဖေကလက်ခံပါတယ်။” တဲ့ ဖေဖေက အဲ့ဒါပဲပြောတာ။ အဲ့တော့ ကျွန်မပြောချင်တာကလေ ကျွန်မက မိဘကောင်း၊ ပတ်ဝန်းကျင်ကောင်းတစ်ခုကို ကျွန်မရခဲ့တယ်။

သူမထုတ်ထားတဲ့ စာအုပ်တွေနဲ့ ပတ်သက်ပြီး…

စာအုပ်ထုတ်တာ ၁၂ အုပ်လောက်တော့ ရှိပါပြီ။ ဗီဒီယိုရုပ်သံဇာတ်လမ်းစီးရီးထုတ်နေတာ ရုပ်ရှင်ထုတ်လုပ်ရေးလုပ်မလို့ အဲ့ဒါဆိုတာ ကျွန်မက ရုပ်သံစီးရီးကိုသွားချင်တာ။ ရုပ်ရှင်တွေကြည့်ရတာ စိတ်ပျက်လို့ မြန်မာကားတွေလေ။ အဲ့ဒါတွေနဲ့ လူတွေကို brain wash လုပ်သလိုပဲ။ အဲ့ဒါကို ကျွန်မမကြိုက်တာနဲ့ ရုပ်သံကိုသွားဖို့ ကျွန်မရည်ရွယ်တာ။ ၂ဝဝ၈ က ရွှေမြစ်မခ မီဒီယာအေဂျင်စီကိုလုပ်တယ်။ ကျွန်မ အသက် ၃ဝကျော်ပေါ့။ ကျွန်မက ၁၆နှစ်လောက် ၉၃မှာ သတင်းထောက်စလုပ်တယ်။ နောက် ၃၊ ၄ နှစ်လောက်ကြာတော့ မဂ္ဂဇင်းစထုတ်တယ်။ ၉၇မှာ ရွှေပုဇွန်မဂ္ဂဇင်း အယ်ဒီတာချုပ်လုပ်တယ်။ ၂ဝဝ၄ သြဂုတ်မှာ အစိုးရက ပိတ်သွားတယ်။ ကျွန်မကို ကလောင်ပိတ်လိုက်တယ်။ စာရေးခွင့်၊ အယ်ဒီတာလုပ်ခွင့်တွေပါ အကုန်ပိတ်လိုက်တယ်။ ပိတ်လိုက်တော့ ကျွန်မကသတင်းထောက်အနေနဲ့ ပြန်ရှင်သန်ရတယ်။ မြန်မာ့စီးပွားရေးဂျာနယ်မှာ မြန်မာ့ဓနမဂ္ဂဇင်းမှာ ကျွန်မက ကော်လံစားသတင်းထောက်ပြန်လုပ်ရတယ်။ နောက် ကျွန်မက VOA ရဲ့ သတင်းထောက်ဖြစ်သွားတာပေါ့။ လုပ်ပြီးတော့ ကျွန်မဘန်ကောက်မှာ advanced journalism သွားတက်ရသေးတယ်။ ပြီးတော့ အဲ့ဒီ့ကနေပြန်လာတော့ VOA ကနေ ကျွန်မကို အကြီးတန်းသတင်းထောက်အနေနဲ့ ခန့်ပေးတယ်။

အကြီးတန်းသတင်းထောက်လုပ်ပြီးတော့ ကျွန်မ ၂ဝဝ၇ မှာဆုရတယ်။ ICFJ ကပေးတဲ့ International Center for Journalist တစ်ကမ္ဘာလုံးမှာရှိတဲ့ journalism အဖွဲ့အစည်းတွေက အဲ့ဒီ့မှာပါတယ်။ သူက တစ်နှစ်ကို တစ်ယောက်ရွေးတယ်။ သူက ကျွန်မကို 2007 nice award ပေါ့။ အဲ့ဒါကို ကျွန်မ ၂ဝဝ၇ ကရတယ်။ နောက်အဲ့ဒီ့ကရတဲ့ ပိုက်ဆံနဲ့ ကျွန်မကမြစ်မခသတင်း အေဂျင်စီထောင်တယ်။

ဆရာမ မေသင်္ကြန်ဟိန်နဲ့ ခဏတာ တွေ့ဆုံပြီးနောက်မှာ ကျွန်မနောက်မှာ တွေးစရာတွေ တသီကြီးပါလာခဲ့တယ်။ စာချစ်သူတို့ကော…