ကျွန်မက အသက် ၂ဝ ထဲကို ဝင်ရောက်လာခဲ့ပြီဖြစ်တဲ့ မိန်းကလေးတစ်ယောက်ပါ။ ကျွန်မ တွေ့ရသလောက် ဒီအရွယ်အများစုဟာ ပျော်ပွဲရွှင်ပွဲတွေနောက်လိုက်ပြီး ဘဝကို ပေါ့ပေါ့ပါးပါး ဖြတ် သန်းနေကြတယ်။ သူတို့ဟာ ကျောင်းတက်တယ်။ မိတ်ဆွေသူငယ်ချင်းအသစ်တွေ ရှာဖွေကြတယ်။ တစ်နေရာတည်းမှာ အခြေတကျနေရတာမျိုးကို မလို ချင်ကြဘူး။ လူကြီးမိဘတွေကလည်း ဒါကို နား လည်မှုပေးထားကြပါတယ်။ ကျွန်မကိုဆိုရင် ငယ်ရွယ်တုန်းမှာပျော်ပျော်နေဖို့ လူကြီးတွေက တိုက် တွန်းကြတယ်။ သူတို့စေတနာကို ကျွန်မနားလည်သဘောပေါက်ပါတယ်။
ဒါပေမဲ့ တခြားသူတွေက ကျွန်မ မဟုတ်သလို ကျွန်မကလည်း တခြားသူမဟုတ်ဘူးလေ။ လူ ငယ်ဆိုပေမဲ့ ပါတီတစ်ခုကိုရောက်သွားတဲ့အခါ ဘယ်လိုပျော်ရွှင်ရမယ်ဆိုတာကို ကျွန်မတကယ် မသိ ဘူး။ ပြီးတော့ အများနဲ့နေရတာထက် ကျွန်မဘာသာတစ်ယောက်တည်းနေရတာကို ပိုကြိုက်တယ်။
ကျွန်မကိုယ်ကျွန်မ သေသေချာချာသိနေတဲ့ပျော်ရွှင်မှုဆိုတာ…
- ခရီးလေးတွေထွက်ပြီး အမှတ်တရလေးတွေဖန်တီးဖို့ ဖြစ်တယ်။
- မိသားစုနဲ့ညစာစားဖို့ ဖြစ်တယ်။
- စိတ်တူကိုယ်တူသူငယ်ချင်းတွေနဲ့ ရုပ်ရှင်အတူကြည့်ဖို့ ဖြစ်တယ်။
- ကျွန်မဝါသနာပါတဲ့ ပညာရပ်လေးတွေကို လေ့လာသင်ယူဖို့ ဖြစ်တယ်။
- ချစ်သူနဲ့စကားလေးတွေ အေးအေးဆေးဆေးထိုင်ပြောနေဖို့ ဖြစ်တယ်။
သေချာတာကတော့ လူတိုင်းမှာ ကိုယ်ဖြတ်သန်းရမယ့်ဘဝအပေါ်ရွေးချယ်ခွင့်အပြည့်အဝရှိ ကြတယ်။ ကျွန်မကတော့ နောင်တစ်ချိန်အသက်ကြီးလာတဲ့အခါ…
- ကျွန်မကိုယ်ကျွန်မ နောင်တတွေနဲ့ မမြင်တွေ့ချင်ဘူး။
- နောက်ကျမှုတွေနဲ့ သူများနောက်မှာ ကျန်မနေခဲ့ချင်ဘူး။
- နောက်တစ်ကြိမ်ပြန်မရနိုင်တော့တဲ့ အခွင့်အရေးတွေအတွက် မနှမြောချင်ပါဘူး။
အသက် ၂ဝ ဆိုတာ ကျွန်မအတွက်တော့ ဘဝခရီးရှည်ကြီးကိုလျှောက်လှမ်းဖို့ ပထမဆုံးခြေ လှမ်းပဲဖြစ်တယ်။ ဒါကြောင့် ကျွန်မရဲ့တစ်နေ့ချင်းစီတိုင်းကို အဓိပ္ပာယ်ရှိစွာဖြတ်သန်းတယ်။ အဲ့ဒီအ တွက်လည်း ကျွန်မအရမ်းပျော်နေပါတယ်။ ကိုယ့်အတွက် အဓိပ္ပာယ်ရှိတဲ့ဘဝကမှ တကယ်ပျော်စရာ ကောင်းတဲ့ဘဝမဟုတ်ပါလားရှင်။
စာစောင်လေးကို နှစ်သက်တယ်ဆိုရင် LIKE & SHARE လေးလုပ်သွားပါဦးနော်။
