မနေ့က မောင့်ကိုပြန်တွေ့တယ်။
ကျွန်မတို့ဝေးကွာနေခဲ့ကြချိန်တွေမှာ မောင်ပျော်ရွှင်မနေခဲ့ဘူး။ ကျွန်မကို အရမ်းသတိရတယ် တဲ့။ ကျွန်မအပေါ် သစ္စာဖောက်ဖျက်ပြီး အသစ်တွဲခဲ့တဲ့ကောင်မလေးနဲ့လည်း ပြတ်သွားပြီတဲ့လေ။
မောင့်စကားတွေကိုနားထောင်ရင်းနဲ့ အရင်တုန်းက အဖြစ်လေးတွေကို ကျွန်မသတိရလိုက်မိ တယ်။
ငယ်ချစ်တွေလည်းဖြစ်၊ ကျွန်မဘက်ကလည်း ဘာအပြစ်မှမရှိပါဘဲနဲ့ မောင်ကျွန်မကို သစ္စာ ဖောက်ခဲ့တဲ့အချိန်တုန်းကပေါ့။ ကျွန်မအတွက် ကမ္ဘာပြိုသွားသလိုပါပဲ။ မျက်ရည်တွေနဲ့ နာကျင်ထိ ခိုက်ခဲ့ရတယ်။ ကျွန်မရဲ့အချစ်ဦး၊ အချစ်ဆုံးမို့ မောင့်ကို ကျွန်မမမုန်းနိုင်ခဲ့ဘူး။ သိပ်မကြာခင်မှာဘဲ မောင်က ကျွန်မကို “ ခွင့်လွှတ်ပေးပါ” လို့ ပြန်တောင်းပန်လာခဲ့တယ်။
ချစ်တဲ့သူအပေါ် မာစရာအသည်းမရှိခဲ့တဲ့ ကျွန်မ မောင့်ကို နားလည်ခွင့်လွှတ်ပေးခဲ့ပါတယ်။
ဤဆောင်းပါးကို ဂန္ထဝင် မဂ္ဂဇင်းမှ ရေးသားတင်ဆက်ခြင်း ဖြစ်သည်။
ဒါပေမဲ့ ဒုတိယအကြိမ် မောင် ထပ်ပြီးသစ္စာဖောက်ခဲ့ပြန်တယ်။ ပထမဆုံးခံစားဖူးတာမဟုတ် တော့ပေမဲ့ ချစ်တတ်တဲ့နှလုံးသားပိုင်ရှင် ကျွန်မအနေနဲ့ နာကျင်ခံစားသေးတာပါပဲ။ အချစ်ရေးမှာ ပို ချစ်တဲ့သူတွေက ရှုံးတယ်တဲ့။ ဒါပေမဲ့ အဲ့ဒီလိုအရှုံးပေးရတာကိုပဲ ချစ်တဲ့သူတွေက ကျေနပ်နေကြတာ လေ။ အဲ့ဒီတစ်ကြိမ်မှာလည်း မောင့်ကို ကျွန်မအသည်းမမာနိုင်ခဲ့ဘူး။ နောက်တစ်ကြိမ် သစ္စာမဖောက် တော့ဘူးလို့ မောင် ကျွန်မကို ကတိပေးခဲ့တယ်။ တစ်ခါတရံမှာ ယုံကြည်မှုဆိုတာလည်း ကိုယ့်နှလုံး သားကို ကိုယ်ပြန်သတ်တဲ့လက်နက်နဲ့တူပါတယ်။ ကျွန်မရဲ့ယုံကြည်မှုကို မောင်ထပ်ပြီး ချိုးဖျက်သွား ပြန်တယ်။
အခု မောင် ကျွန်မရှေ့ကို ပြန်ရောက်နေခဲ့ပြီ။ ကျွန်မကို တတိယအကြိမ်မြောက် အနူးအညွှတ် တောင်းပန်နေခဲ့ပြန်ပြီ။ မောင့်ကိုကြည့်ရတာ ဒီတစ်ခါတကယ်နောင်တရနေပုံပါပဲ။ မောင့်ဘဝမှာ ကျွန်မ မရှိရင် မဖြစ်တော့သလိုမျိုးတွေ့နေရတယ်။
“ မောင်တကယ်ကတိပေးပါတယ်။ နောက်တစ်ခါ ဒီလိုထပ်မဖြစ်စေရပါဘူး။ မောင့်ကို ခွင့်လွှတ် မှာမလား ” လို့ မျှော်လင့်တကြီးမေးတယ်။
ကျွန်မ ပြုံးလိုက်တယ်။ ပြီးတော့…
“ အချစ်ဆိုတာ ခွင့်လွှတ်ခြင်းလို့ လူတွေကပြောကြတယ်။ တကယ်လည်း အချစ်က ဘာမဆို ခွင့်လွှတ်နိုင်တယ်။ ဒါပေမဲ့ အကန့်အသတ်တော့ရှိတယ်။ အဲ့ဒီကန့်သတ်နယ်မြေကို ကျော်လွန်သွားတဲ့ အခါ အချစ်ကလည်း ခွင့်လွှတ်ခြင်းကို မမွေးဖွားနိုင်တော့ဘူး။ အချစ်ကိုယ်တိုင်လည်း သေဆုံးသွား တာပဲ။ ဒါကြောင့် ရှင် ကျွန်မကို နောက်ထပ်ကတိပေးဖို့မလိုတော့ပါဘူး။ ဘာဖြစ်လို့လဲဆိုတော့ ခွင့် လွှတ်ခြင်းရဲ့ကန့်သတ်နယ်မြေကို ကျော်လွန်သွားတဲ့အခါ ယုံကြည်မှုဆိုတာလည်း ပျက်သုဉ်းသွား ပြီမို့ပါ။ ကျွန်မနဲ့မထိုက်တန်တဲ့ချစ်ခြင်းတွေဆီကနေ လွတ်မြောက်ခွင့်ပေးခဲ့တဲ့အတွက် ရှင့်ကို တစ် သက်လုံး ကျေးဇူးတင်နေမှာပါ” လို့ ပြောလိုက်တယ်။
ပြီးတော့ လှည့်ထွက်လာခဲ့တယ်လေ။ သစ္စာမဲ့သူမပါဝင်တော့တဲ့ ကျွန်မရဲ့အပျော်ရွှင်ဆုံး အနာဂတ်ခရီးလေးဆီပေါ့…။
