ဆီချိုရောဂါ ကာကွယ်ထိန်းသိမ်းခြင်း နည်းလမ်း (၅)မျိုး

0
905

ဆီချိုရောဂါ ကာကွယ်ဖို့အတွက် အထိရောက်ဆုံး ခြေလှမ်းကတော့ နေပုံထိုင်ပုံပြောင်းလဲခြင်းပါပဲ။ အနေအထိုင် ဆင်ခြင်ပြောင်းလဲဖို့က ဘယ်တော့မှ မနောက်ကျပါဘူး။ အောက်ဖော်ပြပါ အချက်လေးတွေ ဖတ်ကြည့်လိုက်ရအောင်။

ဆီးချိုရောဂါ အမျိုးအစား (၂) နှင့်ပတ်သက်ပြီး ပြောရမယ်ဆိုရင် အမျိုးအစား (၂)က အဖြစ်အများဆုံးပါပဲ။ ကိုယ့်မှာ ဆီးချိုရောဂါ ဖြစ်နိုင်ချေ များနေတယ်ဆိုရင်တော့ ရောဂါမဖြစ်အောင် ကာကွယ်ဖို့ကို ဦးစားပေးသင့်ပါတယ်။ ဥပမာ – ကိုယ်က အဝလွန်နေတယ်ဆိုရင်၊ မိသားစုထဲမှာ ဆီးချိုရောဂါ ခံစားနေရသူ ရှိနေတယ် ဆိုရင်ပေါ့။

ဆီးချိုရောဂါကာကွယ်ခြင်းကတော့ အခြေခံကျတဲ့ အချက်လေးတွေ လိုက်နာရုံပါပဲ။ ကျန်းမာရေးနဲ့ ညီညွတ်တဲ့အစားအသောက်တွေ စားမယ်၊ ကိုယ်လက်လှုပ်ရှားမှုတွေ ပြုလုပ်မယ်၊ ကိုယ်အလေးချိန်လျှော့ချ ကြမယ်ပေါ့။ စလုပ်ဖို့အတွက် ဘယ်တော့မှ မနောက်ကျပါဘူး။ နေ့စဉ် နေပုံထိုင်ပုံလေးတွေ ပြောင်းလဲလိုက်တာနဲ့ ဆီးချိုရောဂါရဲ့ နောက်ဆက်တွဲရောဂါဆိုးတွေဖြစ်တဲ့ အာရုံကြောတွေ၊ ကျောက်ကပ်တွေနဲ့ နှလုံးတွေကို ထိခိုက်ခြင်းမှ ကာကွယ်နိုင်ပါတယ်။ အမေရိကန် ဆီးချိုရောဂါ အဖွဲ့အစည်း တစ်ခုမှ နောက်ဆုံးထွက်ရှိထားတဲ့ ဆီးချိုရောဂါ ကာကွယ်ဖို့အတွက် နည်းလမ်းကောင်းတွေကို ဆက်လက်ဖတ်ကြည့်လိုက်ရအောင်။

နည်းလမ်း နံပါတ် (၁)

ကိုယ်လက်လှုပ်ရှားမှုများ ပိုမိုပြုလုပ်ပေးခြင်း

လေ့ကျင့်ခန်း ပုံမှန်လုပ်ပေးခြင်းရဲ့ အကျိုးကျေးဇူးတွေကတော့ အများကြီးရှိပါတယ်။ လေ့ကျင့်ခန်းပြုလုပ်ခြင်းက ကူညီပေးမှာတွေကတော့

–      ကိုယ်အလေးချိန် ချပေးခြင်း

–      သွေးတွင်း သကြားဓာတ် လျှော့ချပေးခြင်း

–      အင်ဆူလင် (insulin) စွမ်းအင်ကို တိုးမြင့်ပေးခြင်း (အင်ဆူလင်သည် သွေးတွင်းသကြားဓာတ်ကို ပုံမှန်လေးဖြစ်စေဖို့ ထိန်းသိမ်းပေးပါတယ်။)

လေ့လာစမ်းသပ်ချက်တွေအရ အေရိုးဘစ် (aerobic) လေ့ကျင့်ခန်းနဲ့ ကြွက်သားများသန်မာစေတဲ့ လေ့ကျင့်ခန်း နှစ်မျိုးစလုံးက ဆီးချိုရောဂါကို ထိန်းချုပ်နိုင်ပါတယ်လို့ သိရပါတယ်။ ဒါပေမယ့် ဒီလေ့ကျင့်ခန်း နှစ်မျိုးလုံး ပါဝင်တဲ့ ကိုယ်အလေးချိန်ထိန်းတဲ့ လေ့ကျင့်ခန်းတွေကတော့ ပိုပြီး အကျိုးရလဒ်များစေမှာ ဖြစ်ပါတယ်။

နည်းလမ်း နံပါတ် (၂)

အမျှင်ဓာတ် များစွာ စားသုံးပေးခြင်း

အမျှင်ဓာတ်များတဲ့ အစားအစာတွေက ကြမ်းတမ်းပေမယ့် ခန္ဓာကိုယ်အတွက် ကူညီပေးပါလိမ့်မယ်။

–      သွေးတွင်း သကြားဓာတ်ကို ထိန်းပေးခြင်းဖြင့် ဆီးချိုရောဂါ ဖြစ်နိုင်ချေကို လျှော့ချပေးပါတယ်။

–      နှလုံးရောဂါ ဖြစ်နိုင်ချေကို လျှော့ချပေးပါတယ်။

–      ဗိုက်ပြည့်တယ်လို့ ခံစားစေတဲ့အတွက် ကိုယ်အလေးချိန်ကျစေပါတယ်။

အမျှင်ဓာတ်ကြွယ်ဝတဲ့ အစားအစာတွေကတော့ အသီးအရွက်များ၊ ပဲ၊ whole grain၊ ခွံမာသီးများနှင့် သစ်စေ့များတို့ ဖြစ်ပါတယ်။

နည်းလမ်း နံပါတ် (၃)

Whole grain စားသုံးပါ။

ဘာကြောင့်မှန်းတော့ မသိပေမယ့် whole grain တွေက ဆီးချိုရောဂါ၏ ဆိုးကျိုးတွေကို လျှော့ချပေးနိုင်ပါတယ်။ သွေးတွင်းသကြားဓာတ်ကိုလည်း ထိန်းညှိပေးပါတယ်။ နေ့စဉ်စားသောက်တဲ့ အစားအစာရဲ့ တစ်ဝက်ကို whole grain များပါဝင်အောင် စားသုံးပေးပါ။ ဥပမာ – ဘာလီစပါး၊ ဂျုံကြမ်းနှင့် ပြောင်း စသည်တို့ပေ့ါ။ Whole grain ကရတဲ့ အစားအစာများစွာက အဆင့်သင့်စားသုံးနိုင်ပါတယ်။ ဂျုံကြမ်းပေါင်မုန့်တွေ ကောက်ပဲသီးနှံတွေပေါ့။

နည်းလမ်း နံပါတ် (၄)

ကိုယ်အလေးချိန် လျှော့ချပါ။

အဝလွန်နေတယ်ဆိုရင် ဆီးချိုရောဂါကာကွယ်ဖို့အတွက် ကိုယ်အလေးချိန်လျှော့ချခြင်း အချက်အချာကျပါတယ်။ ကိုယ်ချလိုက်တဲ့ ပေါင်ချိန်တွေအားလုံးက ကျန်းမာရေးကို တိုးတက်လာစေပါလိမ့်မယ်။ အံ့သြတဲ့ရလဒ်ကို မြင်တွေ့ရမှာပါ။ လေ့လာစမ်းသပ်ချက်တစ်ခုမှာ ကိုယ်အလေးချိန်ရဲ့ (၇)ရာခိုင်နှုန်းကို လျှော့ချပြီး လေ့ကျင့်ခန်းပုံမှန်လုပ်တဲ့ လူတစ်ယောက်ဟာ ရောဂါအခြေအနေ (၆၀)ရာခိုင်နှုန်းထိ သက်သာလာတာကို တွေ့ရပါတယ်တဲ့။

နည်းလမ်း နံပါတ် (၅)

ခဏတဖြုတ် ဝိတ်ချတာမျိုးလုပ်မယ့်အစား ကျန်းမာရေးနဲ့ညီညွတ်အောင် စားသောက်ပါ။

ကာဘိုဟိုက်ဒြိတ်နည်းတဲ့ အစားအစာတွေ၊ Glycemic index နည်းလမ်းဖြင့် ဝိတ်ချတာတွေ၊ fad diet နည်းတွေက ကိုယ်အလေးချိန်ကို မြန်မြန် ကျစေတာမှန်ပါတယ်။ ဒါပေမယ့် ဆီးချိုရောဂါ ကာကွယ်ဖို့အတွက် အကျိုးရှိတယ်လို့ မသိရပါဘူး။ စားနေကျ အစားအသောက်တွေထဲကမှ ကိုယ်အလေးချိန်တက်စေမယ့် အစားအစာတွေ ရှောင်ခြင်းဖြင့် လိုအပ်တဲ့ အာဟာရကို မရစေပါဘူး။ ဒီနည်းတွေအစား ကျန်းမာရေးအတွက် ကောင်းမွန်စေတဲ့ စားသောက်နည်းကို ကျင့်သုံးပေးပါ။