သင့်ရဲ့ လှပမှုဟာ သင့်ရဲ့ ခြေလှမ်းတွေမှာ ရှိနေပါတယ်။ ခန္ဓာကိုယ်လှရုံ၊ မျက်နှာလေးက ချစ်စရာကောင်းရုံနဲ့ ဆွဲဆောင်မှုရှိတာမဟုတ်ပါဘူး။ မိန်းကလေးတစ်ယောက်ရဲ့ ခြေလှမ်းအချီအကြွလေးတွေ၊ ခြေတစ်လှမ်း လှမ်းလိုက်တိုင်းမှာ ယိမ်းနွဲ့သွားတဲ့ ကိုယ်ဟန်လေးတွေ၊ မြင့်ချီနိမ့်ချီလှုပ်ရှားသွားတဲ့ အလှအပတွေကမှ တကယ်ဆွဲဆောင်မှုရှိစေတဲ့ အရာတွေပါ။ အမျိုးသားတွေမှာလည်း ဆွဲဆောင်မှုပိုရှိသွားစေနိုင်တဲ့ လမ်းလျှောက်ပုံတွေရှိပါတယ်။ ဤဆောင်းပါးကို ဂန္ထဝင်မဂ္ဂဇင်းမှ ရေးသားတင်ဆက်သည်။
လမ်းလျှောက်ပုံအမျိုးမျိုးရှိတဲ့အထဲကမှ အမျိုးသမီးတွေအနေနဲ့ တင်ပါးလေးကို လှုပ်ခါနွဲ့ခါ လမ်းလျှောက်တတ်တဲ့ အမျိုးသမီးတွေက ကိုယ်နေဟန်ထားပိုလှပြီး ၅ဝ% ပိုဆွဲဆောင်မှုရှိတာကို တွေ့ရပါတယ်။
အမျိုးသားတွေမှာတော့ swagger ပုံစံ ခပ်မတ်မတ်လမ်းလျှောက်ပုံက ဆွဲဆောင်မှုကို နှစ်ဆပိုတိုးစေပါတယ်။ Swagger ပုံစံဆိုတာ ခြေတစ်လှမ်းလှမ်းလိုက်တိုင်းမှာ ပုခုံးကို အနည်းငယ်နှိမ့်စောင်းပြီး rolling motion ပုံစံမျိုးဖြစ်အောင် လမ်းလျှောက်နည်းပါ။
လူတွေအားလုံးဟာ လှပဖို့၊ ချောမောခန့်ညားဖို့ ကြိုးပမ်းနေကြပါတယ်။ အဲဒီအတွက် မျက်နှာ၊ အသားအရေနဲ့ ခန္ဓာကိုယ်ကိုပါ လှပအောင် ကြိုးစားကြတယ်။ တကယ်တော့ လမ်းလျှောက်ပုံအနေအထားကလည်း အလှအပအတွက် အဓိကသော့ချက်ပါပဲ။
