အိမ်သာထဲဖုန်းသယ်သွားတတ်သူတွေ ဖတ်ဖို့ သတိပေးစာ။

0
52960

           သင်ဟာ အိမ်သာထဲမှာ ဖေ့စ်ဘုတ်သုံးတတ်သူလား။  အရေးကြီးဖုန်းတွေ လွတ်သွားမှာစိုးရိမ်ပြီး အိမ်သာထဲအထိဖုန်းကို ယူသွားတတ်လား။ အဲဒါဆိုရင်တော့ သင့်ကျန်းမာရေးအတွက် သိပ်ကိုစိုးရိမ်ရတဲ့ အခြေအနေရောက်နေပြီနော် ပရိသတ်ကြီး။ ဝမ်းရောဂါနဲ့ အခြားအန္တရာယ်ရှိတဲ့ ဘက်တီးရီးယားပေါင်းများစွာ ပျံ့နှံ့နေတဲ့ အိမ်သာဟာ ဖုန်းသုံးဖို့ကောင်းတဲ့နေရာတစ်ခုမဟုတ်ပါဘူး။  ဘာဖြစ်လို့လဲဆိုတော့ အိမ်သာထဲမှာ ဖုန်းသုံးပြီးတဲ့အခါ လက်ကိုဆပ်ပြာနဲ့ ဆေးကြပေမယ့် ဖုန်းကိုတော့ ဆပ်ပြာနဲ့ ဆေးလို့မရဘူးမဟုတ်လား ပရိသတ်ကြီးရေ။ ဖုန်းတွေရဲ့ နွေးထွေးနေတဲ့  အပူချိန်ဟာ ဘက်တီးရီးယားတွေအတွက် အကြိုက်ဖြစ်ပြီး အခြားနေရာတွေထက် ပေါက်ဖွားမှုနှုန်းမြန်ပါတယ်။ ဒါ့ကြောင့် သင့်ဖုန်းကို အိမ်သာထဲယူသွားတာဟာ ဘက်တီးရီးယားပေါင်းများစွာအတွက် နေအိမ်တစ်ခုတည်ဆောက်ပေးလိုက်တာနဲ့တူပါတယ်။ ဤဆောင်းပါးကို ဂန္ထဝင်မဂ္ဂဇင်းမှ ရေးသားတင်ဆက်သည်။

လူအများစုက အိမ်သာကြွေခွက်တစ်ခုတည်းမှာ ပိုးမွှားတွေပျံ့နှံ့နေတယ်လို့ထင်တတ်ကြပါတယ်။  ဒါပေမဲ့ အိမ်သာတံခါးကစ၊ တံခါးလက်ကိုင်အဆုံး အိမ်သာထဲက နေရာအားလုံးဟာ ဝမ်းရောဂါနဲ့အခြားကူးစက်ရောဂါတွေရဲ့ နေအိမ်ဖြစ်ပါတယ်။ အထူးသဖြင့် အများပြည်သူသုံး အိမ်သာတွေဟာ အိမ်သုံးအိမ်သာနဲ့ ရုံးအိမ်သာတို့ထက် ရောဂါပျံ့နှံ့မှုနှုန်းများပါတယ်။ ဒါ့ကြောင့် သင့်အနေနဲ့ အိမ်သာတက်တဲ့အခါ ဖုန်းတွေကို အပြင်ဘက်မှာသာထားခဲ့လိုက်တာ အကောင်းဆုံးပါပဲ။

ကျွန်မတို့အစာစားပြီးတိုင်း၊ အိမ်သာတက်ပြီးတိုင်း ကိုင်တွယ်နေပြီး ကျွန်မတို့လက်နဲ့ အနီးဆုံးမှာရှိတဲ့ ဖုန်းကနေ ဘက်တီးရီးယားတွေ၊ ဗိုင်းရပ်စ်တွေ ကူးစက်နိုင်ပါတယ်။ ဒါကြောင့် ကျွန်မတို့အတွက် သိပ်ကိုအသုံးဝင်တဲ့ဖုန်းကို ကျွန်မတို့အတွက် အန္တရာယ်ပေးနိုင်တဲ့အရာတစ်ခုမဖြစ်စေဖို့ ဖုန်းကိုကိုင်တွယ်အသုံးပြုပြီးတိုင်း လက်ဆေးပါ၊ ဖုန်းကို စိုစွတ်စေးကပ်နေတဲ့လက်နဲ့ မကိုင်တွယ်ပါနဲ့။ အရေးအကြီးဆုံးအချက်ကတော့ အိမ်သာတက်တဲ့အခါမှာ ဖုန်းကိုအပြင်ဘက်မှာထားခဲ့လိုက်ပါနော်။

အိမ်သာတက်ချိန်မှာ အရေးကြီးအလုပ်တွေကို ခဏလေးအပြင်မှာထားခဲ့ပြီး ဘက်တီးရီးယားတွေကို ဖုန်းပေါ်ရောက်လာမယ့် အခွင့်အရေးလေးကို ပိတ်ထားလိုက်ပါနော်။ သင့်သူငယ်ချင်းတွေထဲမှာ အိမ်သာထဲဖုန်းသုံးတတ်သူတွေရှိရင် သူတို့ဖတ်ရအောင် SHARE ပေးလိုက်ပါနော်။ မျှဝေခြင်းဆိုတာ ဂရုစိုက်ခြင်းမဟုတ်လား ပရိသတ်ကြီးရေ…။