အိပ်ရာနိုးချိန်မှာ လုံးဝမလုပ်သင့်တဲ့ လုပ်ရပ် (၇)ခု

0
403
၁။ နှိုးစက်ပိတ်ပြီး ပြန်မအိပ်ပါနဲ့။

နှိုးစက်ပိတ်ပြီး ၅မိနစ်၊ ၁ဝမိနစ်လောက် ပြန်အိပ်တာက အိပ်ရေးမဝသလို ခံစားရစေပြီး တစ်နေ့တာလုံးမှာ ထိုင်းမှိုင်းလေးလံနေစေပါတယ်။ ဒါကြောင့် နှိုးစက်မြည်တာနဲ့ အိပ်ရာကချက်ချင်း ထလိုက်ပါ။

၂။ အိပ်ရာထဲမှာ ခွေခေါက်ပြီး နှပ်မနေပါနဲ့။

အိပ်ရာနိုးတာနဲ့ ခြေလက်နဲ့ ခန္ဓာကိုယ်ကို အကြောဆန့်လိုက်ပါ။ အကြောများများဆန့်လေလေ အညောင်းအညာတွေပြေပျောက်ပြီး လန်းဆန်းတက်ကြွလေလေ ဖြစ်ပါတယ်။ အိပ်ရာနိုးနိုးချင်း မထဘဲနဲ့ ခွေခေါက်နေရင်တော့ တစ်နေ့တာလုံး အိပ်ငိုက်ပြီး စိတ်ဖိစီးမှုများနေတတ်ပါတယ်။ ဤဆောင်းပါးကို ဂန္ထဝင်မဂ္ဂဇင်းမှ ရေးသားတင်ဆက်သည်။

၃။ အိပ်ရာနိုးနိုးချင်း အင်တာနက်မသုံးပါနဲ့။

အိပ်ရာနိုးနိုးချင်း ဖေ့ဘုတ်တွေ၊ အီးမေးလ်တွေဖွင့်ကြည့်တာက တစ်နေ့တာလုံး လုပ်ဆောင်ရမယ့် အရေးကြီးအလုပ်တွေအတွက် အဟန့်အတားဖြစ်စေပါတယ်။ ဖေ့ဘုတ်ဆိုတာ ကြည့်လေကြည့်လေ စိတ်ဝင်စားလေဆိုသလို စိတ်အာရုံကို ဆွဲဆောင်နိုင်တာကြောင့် သင့်ရဲ့ တန်ဖိုးရှိတဲ့မနက်ခင်းကို အလဟဿကုန်ဆုံးစေနိုင်ပါတယ်။

၎။ အိပ်ရာမသိမ်းဘဲ ပစ်မထားခဲ့ပါနဲ့။

သန့်ရှင်းသပ်ရပ်နေတဲ့ အိပ်ရာလေးကို မြင်လိုက်ရခြင်းဟာ တစ်နေ့တာလုံးအတွက် စိတ်အားတက်ကြွအောင် လှုံ့ဆော်ပေးနိုင်ပါတယ်။ ပြီးတော့ အိပ်ရာသိမ်းတတ်တဲ့ အကျင့်ကောင်းလေးကနေ နောက်ထပ်အရေးပါတဲ့ အကျင့်ကောင်းလေးတွေကို ထိန်းသိမ်းဖို့ စိတ်ခွန်အားဖြစ်စေပါတယ်။

၅။ အိပ်ရာနိုးနိုးချင်း ကော်ဖီမသောက်ပါနဲ့။

မနက် ၈နာရီနဲ့ ၉ နာရီအတွင်းမှာ ခန္ဓာကိုယ်ကနေ စွမ်းအင်တွေကို တိုးပွားစေတဲ့ ကော်တီစောလ် (cortisol) ဟော်မုန်းကို ထုတ်လွှတ်ပေးပါတယ်။ မနက် ၉နာရီခွဲမတိုင်ခင် ကော်ဖီသောက်ခြင်းက ကော်တီစောလ်ဟော်မုန်းထွက်ရှိမှုကို အဟန့်အတားဖြစ်စေနိုင်ပြီး တစ်နေ့တာလုံးအတွက် စွမ်းအင်မလုံလောက်ဘဲ မောပန်းနွမ်းလျနေတတ်ပါတယ်။

၆။ တံခါးတွေပိတ်မထားပါနဲ့။

မျက်လုံးမှိတ်ပြီး အိပ်နေပေမဲ့ မသိစိတ်က အလင်းနဲ့ အမှောင်ကို သိနေပါတယ်။ မနက်အိပ်ရာထချိန်မှာ တံခါးတွေပိတ်ထားပြီး မှောင်နေတယ်ဆိုရင် နေ့ညမသဲကွဲဘဲ အိပ်ရေးမဝသလိုဖြစ်နေတတ်ပါတယ်။ ဒါကြောင့် မနက်အိပ်ရာနိုးတာနဲ့ အိပ်ခန်းပြတင်းပေါက်ကို ဖွင့်လိုက်ပါ။

၇။ အကျင့်ဆိုးတွေကို မွေးမြူမထားပါနဲ့။

တစ်နေ့တာလုံးကို ဖြတ်သန်းနေသမျှနည်းလမ်းတွေဟာ ကောင်းသည်ဖြစ်စေ၊ ဆိုးသည်ဖြစ်စေ၊ အကျင့်ပါနေလို့ဖြစ်ပါတယ်။ မနက်ခင်းအချိန်တွေကို ကောင်းမွန်စွာ ဖြတ်သန်းနိုင်ဖို့ အကျင့်ဆိုးတွေကို ဖယ်ရှားလိုက်ပါ။ အကျင့်ဆိုးတွေကို ဖယ်ရှားလိုက်တာနဲ့ အကျင့်ကောင်းတွေကို လုပ်ဆောင်နိုင်ဖို့ စိတ်စွမ်းအင်ရလာမှာပါ။

မှတ်သားစရာစာစောင်လေးကို သူငယ်ချင်းတွေအတွက် SHARE လိုက်ပါ။

Leave a Reply