အသည်းခွဲနိုင်တဲ့ ချစ်သူ (၇)မျိုး

2
7656

[pull_quote_center] နှလုံးသားရေးနဲ့ ပတ်သက်လာရင် ကျွန်မတို့တွေက တခါတရံမှာ ကိုယ်ချစ်တဲ့လူကြောင့် ဘာကိုမှ မထိန်းချုပ်နိုင်ကြပါဘူး။ ကိုယ့်ချစ်သူက ဒီနေ့တော့ ကိုယ့်ကိုချစ်ပြီးနောက်ရက်မှာ မချစ်သလိုဖြစ်နေတာတွေကြောင့် အိပ်ရေးတွေပျက်ပြီး အရူးလိုဖြစ်နေရပါတယ်။ ကျွန်မတို့ အမျိုးသမီးတွေရဲ့ အမျိုးမျိုးသော ချစ်သူတွေထဲကမှ အဆိုးဆုံးချစ်သူ အမျုိုးအစားအချို့ကိုဖော်ပြပေးချင်ပါတယ် ။[/pull_quote_center]

၁။ ရည်းစားဟောင်းနဲ့အဆက်အသွယ်ရှိနေသောချစ်သူ

သူကရည်းစားဟောင်းနဲ့ ပြောဆိုဆက်သွယ်နေသေးတယ်ဆိုတာက ကိုယ့်အပေါ်မှာသစ္စာမရှိတာပါပဲ။ သူ့ကိုပြောင်းလဲဖို့ သို့မဟုတ် သူ့ရည်းစားဟောင်းကိုမေ့ပြီး ကိုယ့်ကိုရွေးချယ်ဖို့ မတိုက်တွန်းပါနဲ့။ အမျိုးသားတစ်ယောက် ကိုယ့်ကိုအပြည့်အဝစိတ်ဝင်စားအောင် ကိုယ့်အနေနဲ့ ရင်ဆိုင်တိုက်ခိုက်ရတာမျိုးကတော့ relationship  တစ်ခုမှာမဖြစ်သင့်ပါဘူး။ ဤဆောင်းပါးကို ဂန္တဝင် မဂ္ဂဇင်းမှ ရေးသားတင်ဆက်ခြင်း ဖြစ်သည်။

၂။ ကိုယ့်သူငယ်ချင်းနဲ့ ချိန်းတွေ့ခဲ့သောချစ်သူ

ဒီလိုမျိုးကကိုယ့်သူငယ်ချင်းစွန့်ပစ်ထားတာကိုယူနေရတာနဲ့တူပါတယ်။ အထူးသဖြင့် သူ့အားနည်းချက်တွေ၊ မကောင်းကြောင်းတွေကိုသူငယ်ချင်းတွေနဲ့တူတူအရင်တုန်းကဆွေးနွေးခဲ့ဖူးရင်ပေါ့။ ဒီလိုနဲ့ကိုယ်ကသူ့အကြောင်းသိရုံတင်မကသေး၊ ကိုယ့်သူငယ်ချင်းတွေသူ့အပေါ်ထားရှိတဲ့ ထင်မြင်ချက်လေးတွေပါ ကိုယ်ကသိနေပြန်ရော။ပြီးတော့ ကိုယ့်သူငယ်ချင်းရဲ့ ရည်းစားဟောင်းကိုချစ်မိတော့ အားလုံးက နှစ်ယောက်လုံးအပေါ် အမြင်ကြည်လင်ကြမှာမဟုတ်ပါဘူး။

၃။ နှစ်ဦးသဘောတူညီမှုဆိုင်ရာ ပြဿ    နာများရှိသောချစ်သူ

ကိုယ့်ကိုတော့ relationshipတစ်ခုကိုတည်ဆောက်ဖို့ အဆင်သင့်မဖြစ်သေးဘူးလို့ ပြောပြီးလမ်းခွဲခဲ့ပါတယ်။ နောက်အပတ်မှာ ရည်းစားအသစ်နဲ့ ရုပ်ရှင်ရုံမှာပေါ်လာတယ်။ ဒါဆိုရင်သူကကိုယ်နဲ့ relationship ကိုမတည်ဆောက်ချင်တာ ဖြစ်နိုင်ပါတယ်။ နောက်တစ်မျိုးကတော့ သူ့ဘဝအခြေအနေတွေ၊ အလုပ်ကိစ္စတွေ၊ တခြားအကြောင်းပြချက်တွေပေးပြီး ကိုယ်နဲ့ relationship တစ်ခုကိုအတည်တကျဖြစ်အောင် မတည်ဆောက်နိုင်သေးဘူးလို့ ပြောပါတယ်။ ဒါဆိုရင်သူကကိုယ့်ကို ကြိုးရှည်ရှည်နဲ့ ဆွဲထားပြီးနောက်ကျရင် ဖြတ်ပစ်ဖို့များပါတယ်။

၎။ သူငယ်ချင်းတွေရှေ့မှာ ကိုယ့်ကိုပြုမူဆက်ဆံပုံပြောင်းလဲတတ်တဲ့ ချစ်သူ

သူနဲ့ကိုယ် နှစ်ယောက်တည်းရှိတဲ့ အချိန်မှာသာကိုယ့်ကိုချစ်ပြတတ်သောချစ်သူဖြစ်ပါတယ်။ သူ့သူငယ်ချင်းတွေရှေ့ဆိုရင် ကိုယ့်ကိုခေါ်ဝေါ်ပုံတွေပါ ပြောင်းသွားပြီးကိုယ့်မကောင်းကြောင်းပြောတတ်ပါတယ်။ ကိုယ်ကိုဂုဏ်သိက္ခာကျစေတဲ့ ပုံစံမျိုးနဲ့ သူပြောလာရင်တော့ သူ့ကိုဆက်ကြိုက်သင့် မကြိုက်သင့် ဂန္တဝင်ကပြောနေစရာတောင် မလိုတော့ပါဘူး။

၅။ ရည်မှန်းချက်မရှိတဲ့ ချစ်သူ

မိခင်အိပ်ယာခင်းပေးတာကို စောင့်ပြီး၊ ပိုက်ဆံရှာဖို့၊ အလုပ်လုပ်ဖို့ စိတ်ကူးမရှိတဲ့ ချစ်သူမျိုးပါ။ ဒီလိုလူမျိုးကို ဘယ်လိုမှ ပြောင်းလဲလို့မရပါဘူး။ သူ့စိတ်ဓာတ်တွေကိုလည်း မြှင့်တင်ပေးလို့ ရမှာမဟုတ်ပါဘူး။ သူကမှ မရင့်ကျက်သေးတာ၊ အနာဂတ်အတွက်လည်း အစီအစဉ်ချထားတာမျိုးလည်း ရှိမှာမဟုတ်ပါဘူး။

၆။ ကိုယ့်သူငယ်ချင်းတွေ သဘောမကျတဲ့ ချစ်သူ

ကိုယ်က အချစ်ကြောင့် မျက်စိကန်းနေတယ်ဆိုပေမယ့် သူငယ်ချင်းတွေကတော့ သူဘယ်လိုလူလဲဆိုတာကို ရှင်းရှင်းလင်းလင်း မြင်နိုင်ပါတယ်။ သူ့အကြောင်းတွေကို သတိထားမိပေမယ့် သူငယ်ချင်းတွေကတော့ ကိုယ့်ကိုဖုံးထားမှာပါပဲ။ တခါတရံ ကိုယ့်အကြောင်းကောင်းကောင်းသိတဲ့ သူငယ်ချင်းတွေက ကိုယ့်အတွက်အကောင်းဆုံးက ဘယ်သူလဲဆိုတာ သိတတ်ကြပါတယ်။

၇။ ကိုယ့်အတွက် မကောင်းတဲ့ ချစ်သူ

သူကတော့ ကိုယ့်ကိုကောင်းတာ ဘာမှမလုပ်ပေးနိုင်ပါဘူး။ သူ့ရဲ့အပြောတွေနဲ့တင် ကိုယ်ကမှားပြီးရင်းမှား နေတာပါ။ သူ့အကျင့်ဆိုးတွေကြောင့် ဖြစ်လာတဲ့နောက်ဆက်တွဲတွေကို ကိုယ်ကလိုက်ရှင်းပေးနေရတယ်။ သူ့ရဲ့မကောင်းတဲ့ စိတ်ဓာတ်တွေကလည်း ကိုယ့်ကို ထိခိုက်စေပါတယ်။ သူ့ကိုယ်သူ ထိန်းသိမ်းနိုင်စွမ်း မရှိတာကြောင့် ကိုယ်ကပဲ သူကိုတစ်ချိန်လုံး ဂရုစိုက်နေရပါတယ်။

မျှ​ဝေ​ပေးတယ်​ဆိုတာဂရုစိုက်​လို့ပါပဲ။အောက်​​ဖော်​ပြပါ ​Facebook​SHARE button ​လေးကို တစ်​ချက်​နှိပ်​ပြီးသင့်​သူငယ်​ချင်း​တွေကိုဘယ်​​လောက်​ဂရုစိုက်​တယ်ဆိုတာ ​ဖော်​ပြလိုက်​ပါ။

2 COMMENTS

Comments are closed.