Relationship တစ်ခုကို မစတင်ခင် မေးရမယ့် မေးခွန်း (၆)ခု

0
2492

[quote_box_center]Relationship တစ်ခုကိုမစတင်ခင်မှာကိုယ့်ကိုယ်ကိုပြန်မေးသင့်တဲ့ အရေးကြီးမေးခွန်းတချို့ရှိပါတယ်။ သူနဲ့တူတူ relationship တစ်ခုကို နှစ်ဦးသဘောတူမတည်ဆောက်ခင်မှာ ဒီမေးခွန်းတွေကိုသေချာစဉ်းစားကြည့်ဖို့လိုပါတယ်။ ဒါမှချစ်သူနှစ်ဦးကတကယ်ကိုလိုက်ဖက်ညီလားမညီလားဆိုတဲ့ အကြံကောင်းတွေရရှိလာမှာဖြစ်ပါတယ်။[/quote_box_center]

၁။ သူနဲ့တူတူရှိနေချိန်မှာ စစ်မှန်တဲ့ကိုယ့်ပုံစံအတိုင်းရှိနိုင်ပါသလား။

ကိုယ့်မိသားစု၊ သူငယ်ချင်းတွေနဲ့နေတဲ့အချိန်က ကိုယ့်ပုံစံမျိုးနဲ့မတူဘဲသူနဲ့ဆိုရင်ကိုယ်ကတခြားလူတစ်ယောက်လိုပြောင်းလဲနေပါသလား။ ဒါဆိုရင် ဘာလို့ကိုယ့်အမှန်တကယ်ပုံစံကိုမပြနိုင်ရတာလဲ။ သူကကိုယ့်အတွက် မှန်ကန်တဲ့လက်တွဲဖော်တစ်ယောက်ဖြစ်မယ်ဆိုရင် ကိုယ့်အတွေးတွေ၊ ကိုယ့်ရည်မှန်းချက်စိတ်ကူးတွေကိုသူနဲ့တူတူမျှဝေတဲ့နေရာမှာအမြဲသက်သောင့်သက်သာရှိနေသင့်ပါတယ်။   ဤဆောင်းပါးကို ဂန္တဝင် မဂ္ဂဇင်းမှ ရေးသားတင်ဆက်ခြင်း ဖြစ်သည်။

၂။ သူကိုအရှိအတိုင်းလက်ခံနိုင်ပါသလား။

သူ့လက်ရှိပုံစံအတိုင်းကိုယ်ကလက်မခံနိုင်ဘူးဆိုရင်တော့ ကိုယ့်အတွက်မှန်ကန်တဲ့လက်တွဲဖော်တစ်ယောက် မဖြစ်နိုင်ပါဘူး။ ဒီလိုဖြစ်လို့ ကိုယ့်ကိုယ်ကိုအပြစ်မတင်ပါနဲ့၊ စိတ်မကောင်းမဖြစ်ပါနဲ့။ အနည်းဆုံးတော့ ကိုယ့်ကိုယ်ကိုရိုးသားရမယ်မဟုတ်လား။ ကိုယ့်အတွက် စစ်မှန်တဲ့လူတစ်ယောက်ကတော့ ရှိနေပါသေးတယ်။ ကိုယ်နဲ့တွေ့ဖို့သူစောင့်နေပါလိမ့်မယ်။

၃။ ပွင့်ပွင့်လင်းလင်းဆွေးနွေးကြတဲ့အခါ ဖွင့်ပြောဖို့ခက်တဲ့စကားတွေ ပြောနိုင်ပါသလား။

ဖွင့်ပြောဖို့ခက်ခဲတဲ့အကြောင်းအရာတွေ ဥပမာ – ငွေရေးကြေးရေးတို့၊ လိင်ကိစ္စစတာတွေကိုပွင့်ပွင့်လင်းလင်းထုတ်ပြောနိုင်ပါသလား။ မဟုတ်ရင် တွန့်ဆုတ်နေပါသလား။ သူ့ဘက်ကတုန့်ပြန်လာမယ့်စကားကိုကြောက်လို့လဲဖြစ်နိုင်သလိုအငြင်းပွားကြရမှာကိုမလိုချင်လို့လဲဖြစ်နိုင်ပါတယ်။ ဒါဆိုရင်တော့ သူကကိုယ့်အတွက် မှန်ကန်တဲ့လက်တွဲဖော်တစ်ယောက် မဟုတ်ပါဘူး။ သူနဲ့တူတူဖွင့်ပြောဖို့ခက်ခဲတဲ့ အရေးကြီးအကြောင်းအရာတွေ မဆွေးနွေးရသေးဘူးဆိုရင်တော့ ထုတ်ပြောပြပြီးသူ့တုန့်ပြန်ချက်ကိုစမ်းသပ်ကြည့်ပါ။

၎။ သူ့ကိုလုံးဝယုံကြည်စိတ်ချနိုင်ပါသလား။

လူသဘာဝကိုက တခါတလေမနာလိုဝန်တိုဖြစ်တတ်ပါတယ်။ ဒါပေမယ့် ကိုယ့်နားမှာမရှိတဲ့အခါ သူဘယ်သွားတယ်၊ ဘာလုပ်တယ်ဆိုတာတွေကိုအမြဲတမ်းစိတ်ပူနေမယ်ဆိုရင်၊ တခြားအမျိုးသမီးတစ်ယောက်နဲ့စကားပြောတိုင်းမနာလိုဖြစ်နေရတယ်ဆိုရင် နှစ်ယောက်လုံးအတွက် အဆင်ပြေမှာမဟုတ်ပါဘူး။ သူကစိတ်ချလို့မရဘူးလို့ တကယ်ကိုထင်နေရင်လည်းဘာလို့သူ့ကိုလက်တွဲနေရတာလဲ။

၅။ သဘောထားကွဲလွဲမှုလေးတွေဖြစ်လာရင် ဘယ်လိုဖြေရှင်းသလဲ။

ပြဿနာတစ်ခုခုဖြစ်ပြီဆိုရင် ယဉ်ယဉ်ကျေးကျေးပြောဆိုတတ်လား။ မကြာမကြာစကားများတာတွေက ဖြစ်တတ်ပါတယ်။ ဒါပေမယ့် ထိခိုက်နာကျင်စေတဲ့စကားလုံးတွေကိုတော့ မသုံးသင့်ပါဘူး၊ ဒါတွေကနောက်ကျရင် နောင်တတွေဖြစ်စေနိုင်ပါတယ်။ ပြဿနာတစ်ခုဖြစ်တိုင်းပေါက်ကွဲကြတယ်၊ ပွဲကြမ်းကြတယ်ဆိုရင်တော့ သူနဲ့တူတူဘဝတစ်ခုတည်ဆောက်ဖို့ သေချာစဉ်းစားသင့်ပါတယ်။

၆။ သူ့အတွက် ကိုယ်လိုက်လျောထားတာတွေ များလွန်းနေသလား။

ကိုယ်ထားရှိထားတဲ့တန်ဖိုးတွေနဲ့ သူကမကိုက်ညီရင် ရေရှည်လက်တွဲဖို့ ဖြစ်နိုင်ချင်မှဖြစ်နိုင်ပါလိမ့်မယ်။ တူတူရှိတဲ့အချိန်တွေမှာကိုယ်လုပ်နေကျမဟုတ်တဲ့အရာတွေကြောင့် စိတ်ဖိစီးသလိုခံစားနေရပါသလား။ ဒီလိုဖြစ်နေရင်တောင် သူစိတ်ပျက်မှာဆိုးလို့ ကိုယ်မနှစ်သက်တဲ့အရာတွေ သူ့အတွက်ဆိုပြီး လုပ်နေမိပါသလား။ ဒီလိုဖြစ်နေတယ်ဆိုရင်တော့ ရေရှည်ပျော်ရွှင်နိုင်ဖို့အတွက် ကိုယ်တန်ဖိုးထားတာလေးတွေနဲ့ ကိုက်ညီတဲ့လက်တွဲဖော်ကိုရှာလိုက်ပါ။

ဖော်ပြထားတဲ့အချက်တွေကတော့ ဘဝတစ်ခုကို နှစ်ဦးသဘောတူမတည်ဆောက်ခင် ကျွန်မကိုယ့်ကိုယ်ကိုပြန်မေးတဲ့ မေးခွန်းတွေပါ။ ပရိတ်သတ်ကြီးအတွက်ဆိုရင် ဘယ်လိုအရေးကြီးတဲ့မေးခွန်းတွေက relationship တစ်ခုမတည်ဆောက်ခင် မေးဖို့လိုအပ်ပါသလဲ။

မျှ​ဝေ​ပေးတယ်​ဆိုတာဂရုစိုက်​လို့ပါပဲ။အောက်​​ဖော်​ပြပါ ​Facebook​SHARE button ​လေးကို တစ်​ချက်​နှိပ်​ပြီးသင့်​သူငယ်​ချင်း​တွေကိုဘယ်​​လောက်​ဂရုစိုက်​တယ်ဆိုတာ ​ဖော်​ပြလိုက်​ပါ။