အိမ်နောက်ဖေးဈေးဆိုင်တည်… ခရမ်းချဉ်ပင်လေး စိုက်ကြမယ်

0
342

ဈေးကွက်ထဲက ဟင်းသီးဟင်းရွက်တွေကို တာရှည်ခံအောင်၊ အမှည့်မြန်အောင်၊ အလုံးလှအောင် ဓာတုဆေးတွေဖြန်းတယ်ဆိုတဲ့ သတင်းတွေကြားနေရပါတယ်။ ကျန်းမာရေးအတွက် အာဟာရပြည့်အောင် စားတဲ့အစားအစာတွေက ကျန်းမာရေးကို ပိုပြီးထိခိုက်စေတယ်ဆိုရင် မဖြစ်သင့်ဘူးမဟုတ်လား။ ဒီတော့ အိမ်နောက်ဖေးဈေးဆိုင်တည်ဆိုသလို အသုံးစရိတ်လည်းကာမိအောင်၊ ပြီးတော့ လတ်လတ်ဆတ်ဆတ် အော်ဂဲနစ်ခရမ်းချဉ်သီးလေးတွေ စားရအောင်လို့ အိမ်မှာပဲ ခရမ်းချဉ်ပင်လေး အလွယ်တကူစိုက်ပျိုးလိုက်ရအောင်လား။

၁။ အရင်ဆုံး ခရမ်းချဉ်သီးရဲ့ အစေ့တွေကို မြေသြဇာနဲ့ မြေဆွေးကောင်းကောင်းထည့်ထားတဲ့ အိုးထဲကိုစိုက်ပြီး ရေအနည်းငယ်လောင်းပေးပါ။

၂။ ခရမ်းချဉ်ပင်လေးထွက်လာပြီဆိုရင် နေရောင်များများရတဲ့နေရာကို အိုးရွှေ့ထားပါ။ ခရမ်းချဉ်ပင်တွေက နေရောင်ခြည်ကြိုက်တာကြောင့် တစ်နေ့တာလုံးနေပူနေစေမယ့် နေရာမှာစိုက်ပါ။

၃။ ခရမ်းချဉ်ပင်စိုက်တဲ့အိုးထဲမှာ ရေဝပ်မနေအောင် ဂရုစိုက်ပါ။ ရေများများမလောင်းပါနဲ့။ဤဆောင်းပါးကို ဂန္ထဝင်မဂ္ဂဇင်းမှ ရေးသားတင်ဆက်သည်။

၎။ ခရမ်းချဉ်ပင်ရဲ့ ပင်စည်က ပျော့တာကြောင့် ခရမ်းချဉ်ပင်နားမှာ သူ့ကို ထောက်ကူပေးနိုင်တဲ့ သစ်သားတိုင် (သို့) စင်လေးတွေ လိုအပ်ပါတယ်။

၅။ ခရမ်းချဉ်ပင်လေးတွေက ကောင်းကောင်းမကြီးထွားခင်မှာတင် အပွင့်ပွင့်ပြီး အသီးသီးတတ်ကြပါတယ်။ အပင်သေးတဲ့အချိန်မှာ အသီးသီးတာက အပင်အတွက်မကောင်းပါဘူး။ ဒါကြောင့် ခရမ်းချဉ်ပင်စိုက်ပြီး ပထမဆုံးပန်းပွင့်လာပြီဆိုရင် ခူးလိုက်ပါ။ အပင်လေးပိုသန်ပြီး ထွားလာပြီဆိုမှ အသီးသီးပါစေ။

၆။ အသီးလေးတွေသီးလာပြီး အရမ်းမမှည့်ခင်မှာ ခူးဆွတ်ပါ။

ဒါဆိုရင် ကျန်းမာရေးနဲ့ ညီညွတ်တဲ့ သဘာဝအော်ဂဲနစ်ခရမ်းချဉ်သီးလေးတွေကို ကိုယ်တိုင်စိုက်ပျိုးပြီး စားနိုင်ပြီပေါ့။

မိတ်ဆွေတွေအတွက် SHARE ပေးလိုက်ပါဦး။