အလိုကြီးရင် အရနည်းတတ်သော အချစ်ရေးများ

0
1333

လွန်ကဲတဲ့ မျှော်လင့်ချက်တွေ၊ စိတ်ကူးယဉ်ဆန်လွန်းတာတွေက အချစ်ရေးကို လွယ်လွယ်ကူကူ ပျက်ဆီးသွားစေနိုင်ပါတယ်။ အဲဒီလို လက်တွေ့မဆန်တဲ့  စိတ်ကူးစိတ်သန်းတွေ၊ မထားရှိသင့်တဲ့ အတွေးတွေကို ဒီဆောင်းပါးလေးထဲမှာဖော်ပြပေးလိုက်ပါတယ်။ လိုက်ပါဖတ်ရှုပြီး လိုအပ်သလို ဆင်ခြင်တွေးဆရင်း အချစ်ရေးမှာ ပျော်ရွှင်ကြည်နူးနိုင်ကြပါစေ။  ဤဆောင်းပါးကို ဂန္တဝင် မဂ္ဂဇင်းမှ ရေးသားတင်ဆက်ခြင်း ဖြစ်သည်။

၁။ အချိန်မရွေး မပြောဘဲနဲ့ သိနေဖို့ မျှော်လင့်တယ်။

သင့်လက်တွဲဖော်ဟာလည်း လူသားတစ်ဦးပဲလေ။ နေရာတကာ သင့်ခံစားချက်တွေ အားလုံး သိနေရမယ်လို့ မျှော်လင့်နေမယ့်အစား သူ့ကို ပြောပြလိုက်ပါ။ ဖြစ်ချစ်တာတွေကို  ပွင့်ပွင့်လင်းလင်းပြောပြရင်း ပြဿနာတွေကို တူတူဖြေရှင်းပါ။ အဲဒါက အချစ်ရေးမှာ ပျော်ရွှင်စေဖို့အတွက် အဓိက သော့ချက်ပါပဲ။

၂။ အချိန်မရွေး စိတ်ချင်းဆက်စပ်နေဖို့ မျှော်လင့်တယ်။ 

ချစ်သူနှစ်ယောက်ကြားမှာ စိတ်ချင်းဆက်သွယ်နေတဲ့ အချိန်တွေ ရှိပါလိမ့်မယ်။ ဒါပေမယ့် အမြဲတမ်းဖြစ်နေဖို့တော့ မမျှော်လင့်ပါနဲ့။ အရာရာတိုင်းအတွက် အချိန်ကိုက်ဖြစ်နေဖို့ လိုအပ်ပါတယ်။

၃။ အချိန်မရွေး သဘောထားတိုက်ဆိုင်နေဖို့ မျှော်လင့်တယ်။

အဲဒီအချက်က မဖြစ်နိုင်တာတွေကို မျှော်လင့်နေတဲ့ အထဲက တစ်ချက်ပါပဲ။ တစ်ယောက်နဲ့ တစ်ယောက် ကြိုက်နှစ်သက်တာ၊ ဝါသနာပါတာတွေ မတူညီကြဖူး ဆိုတာ ဖြစ်နိုင်ပါတယ်။ အဲဒီလို မတူညီကြတဲ့ အချက်တွေကို ပညာရှိရှိ၊ လိမ္မာပါးနပ်စွာ ဖြေရှင်းနိုင်မယ်ဆိုရင် သင်တို့ရဲ့ အချစ်ရေးဟာ ပိုပြီးတော့ သာယာလာပါလိမ့်မယ်။

၎။ အချိန်မရွေး အတူတူရှိနေဖို့ မျှော်လင့်တယ်။ 

အတူတူရှိနေတာက သံယောဇဉ်တွေ ပိုခိုင်မြဲလာစေဖို့ အထောက်ကူဖြစ်တာမှန်ပါတယ်။ ဒါပေမယ့် အမြဲတမ်းတော့ မဖြစ်နိုင်ပါဘူး။ တစ်ယောက်ချင်းစီမှာ ဝါသနာပါရာလုပ်ဖို့အတွက် လုံလောက်တဲ့ ကိုယ်ပိုင် အချိန်လေးတွေ ရှိသင့်ပါတယ်။ အဲဒီလို ကိုယ်ပိုင် အချိန်ရှိနေခြင်းဟာ ရှေ့ဆက်လျှောက်မယ့် အချစ်ခရီးလမ်းအတွက် သန်စွမ်းကြံ့ခိုင်စေနိုင်ပါတယ်။

မည်သည့် ပေါင်းသင်းဆက်ဆံရေးမှာမှ လွယ်ကူတယ်ဆိုတာ မရှိပါဘူး။ ဆက်ဆံရေးတိုင်းမှာ နှစ်ဦးနှစ်ဖက်တူညီစွာ အားစိုက်ထုတ်မှု၊ အချိန်ပေးမှု၊ ချစ်ခင်တွယ်တာမှု၊ စိတ်ရှည်သည်းခံမှု စတာတွေ အနည်းနဲ့ အများလိုအပ်ပါတယ်။ ဆက်ဆံရေးတိုင်းမှာ တက်လိုက်ကျလိုက် အခြေနေဆိုတာ ရှိတတ်ပါတယ်။ တစ်ယောက်နဲ့ တစ်ယောက် အဆင်မပြေဖြစ်တိုင်း လမ်းခွဲကြဖို့ မလိုအပ်ပါဘူး။ ဘယ်အရာမဆို ညှိညှိနှိုင်းနှိုင်း တိုင်တိုင်ပင်ပင်ရှိကြဖို့ပဲ လိုအပ်ပါတယ်။

အဲဒါကြောင့် မဖြစ်နိုင်တဲ့ လွန်လွန်ကဲကဲ စိတ်ကူးယဉ်ဆန်ဆန်တွေကို စွန့်လွှတ်လိုက်ပါ။ အဲဒီအစား သင်တို့အချစ်ရေးကို ပိုပြီး ကြံ့ခိုင်လာအောင်၊ ထာဝရ တည်မြဲအောင် တည်ဆောက်လိုက်ရအောင်ပါ။