ဒီသတိပေးစာလေးကိုဖတ်ပြီးမှ မျက်ကပ်မှန်တပ်ပါ

0
141
၁။ လက်မဆေးဘဲနဲ့ မျက်ကပ်မှန်တွေကို မကိုင်တွယ်ပါနဲ့။

လက်မှာရှိနေတဲ့ ဘက်တီးရီးယားတွေက မျက်ကပ်မှန်တွေကနေတဆင့် မျက်လုံးတွင်းကို ဝင်ရောက်သွားနိုင်ပါတယ်။  သုံးပြီးသားမျက်ကပ်မှန်ဆေးရည်ကို ပြန်သုံးတာ၊ မျက်ကပ်မှန်ဆေးရည်တွေကို သုံးပြီးပြီးချင်း သွန်မပစ်ဘဲ ဘူးထဲမှာ ချန်ထားတာမျိုးတွေလည်း မလုပ်ပါနဲ့။

၂။ မျက်ကပ်မှန်ဘူးတွေကို ပစ်စလက်ခတ်မထားပါနဲ့။

ခြောက်သွေ့သန့်ရှင်းအောင်ထားပါ။ ဘက်တီးရီးယားတွေက စိုစွတ်တဲ့ပတ်ဝန်းကျင်ကို နှစ်သက်ကြပါတယ်။ မျက်ကပ်မှန်ဆေးရည်ကိုသုံးပြီး တစ်ခါတပ်ပြီးတိုင်းတစ်ခါ သေသေချာချာဆေးကြောပါ။

၃။ မျက်ကပ်မှန်တွေကို အမြဲတမ်းကြီး တပ်မထားပါနဲ့။

မျက်ကပ်မှန်ကို အကြာကြီးတပ်ထားတဲ့အခါ မျက်လုံးတွေဟာ အောက်ဆီဂျင်ကို လုံလောက်စွာမရရှိဘဲ မျက်ကြည်လွှာရောင်ရမ်းတာတွေ ဖြစ်တတ်ပါတယ်။ ဒါကြောင့် မျက်ကပ်မှန်ကို တစ်နေ့မှာ ၈နာရီထက်ပိုပြီး မတပ်သင့်ပါဘူး။ မျက်ကပ်မှန်တပ်ပြီး အိပ်ရာဝင်တဲ့အခါ မျက်လုံးယောင်တာ၊ ယားယံတာနဲ့ အခန့်မသင့်ရင် ဘက်တီးရီးယားတွေ မျက်လုံးထဲဝင်ပြီး မျက်စိကွယ်တဲ့အထိ ဖြစ်နိုင်ပါတယ်။

၎။ မျက်ကပ်မှန်ပေါ်မှာ မိတ်ကပ်တွေ တင်မနေပါစေနဲ့။

Eyeliner ဆိုးတဲ့အခါ၊ eyeshadow သုံးတဲ့အခါတွေမှာ မတော်တဆမျက်လုံးထဲဝင်ပြီး မျက်ကပ်မှန်မှာ ပေကျံနေတာမျိုးဖြစ်တတ်ပါတယ်။ အဲဒီလိုဖြစ်တာနဲ့ မျက်ကပ်မှန်ကို ချက်ချင်းချွတ်ပြီးပြန်ဆေးပါ။ ပြီးမှ ပြန်တပ်ပါ။

၅။ မျက်လုံးယားယံတာ၊ ရောင်ရမ်းတာတွေဖြစ်နေပြီဆိုရင် မျက်ကပ်မှန်ကို ဆက်တပ်မထားပါနဲ့။

မျက်ကပ်မှန်တပ်ထားတဲ့အချိန် မျက်လုံးတွေ ယားယံနာကျင်တာ၊ ခိုးလိုးခုလုဖြစ်တယ်ဆိုတာ မျက်ကပ်မှန်မှာ ပိုးဝင်လို့ ဒါမှမဟုတ် မျက်ကပ်မှန်စုတ်ပြဲလို့ဖြစ်ပါတယ်။ ဘာကြောင့်ပဲဖြစ်ဖြစ် မျက်လုံးက မျက်ကပ်မှန်ကို လက်မခံဘူးဆိုရင် ချက်ချင်းချွတ်လိုက်ပါ။

ဤဆောင်းပါးကို ဂန္ထဝင်မဂ္ဂဇင်းမှ ရေးသားတင်ဆက်သည်။

၆။ မျက်ကပ်မှန်မချွတ်ဘဲ ရေကူးတာ၊ ရေချိုးတာ၊ ရေစိမ်တာ၊ မျက်နှာသစ်တာတွေ မလုပ်ပါနဲ့။

ရေထဲမှာရှိနေတတ်တဲ့ amoeba ၊ ဘက်တီးရီးယားတွေ မျက်လုံးထဲကိုဝင်ရောက်ပြီး အမြင်အာရုံချို့တဲ့တာ၊ မျက်စိကွယ်တာတွေအထိ ဖြစ်နိုင်ပါတယ်။

၇။ မျက်ကပ်မှန်တပ်ထားတဲ့အချိန်မှာ မျက်လုံးကို မပွတ်ပါနဲ့။

မျက်ကပ်မှန်တပ်တပ် မတပ်တပ် မျက်လုံးကို ခဏခဏမပွတ်ပါနဲ့။ မျက်လုံးကို ပွတ်တိုက်ပါများတဲ့အခါမှာ မျက်ကြည်လွှာက ခုံးရာကနေ ချွန်သွားတတ်ပြီး အမြင်အာရုံချို့ယွင်းတာ၊ မျက်ကြည်လွှာအစားထိုးရတာတွေ ဖြစ်တတ်ပါတယ်။

မျက်လုံးဆိုတာ ခန္ဓာကိုယ်ရဲ့ အနူးညံ့ဆုံးနဲ့ အရေးအပါဆုံးအရာတစ်ခုဖြစ်တာကြောင့် မျက်စိကျန်းမာရေးကို အထူးဂရုစိုက်ပေးဖို့ လိုပါတယ်နော်။ စာချစ်သူတို့ရဲ့ စက္ခုရေးရာအကြံပေးလေးကို ii-care နဲ့ ဂန္ထဝင်မဂ္ဂဇင်းတို့မှ ပူးပေါင်းစီစဉ်တင်ဆက်ပေးလိုက်ပါတယ်ရှင်။

မျက်ကပ်မှန် တပ်တတ်တဲ့သူငယ်ချင်းလေးတွေအတွက် SHARE ပေးလိုက်ပါဦးနော်။

Leave a Reply